1 စမိစ့ၭဒဲအံၫစရ့လၭအၥုၪ့က့ၭၥၭၡါ မၪလူၬၦခမျၧး တၭ,စံၭဝ့ၫဒၪ, ဆၧမၪလူၬလၧယမၪလူၬနၥံၪ လၧမုဆၫ 2 လနံၩယီၩထီးန့နၥံၪဝ့ၫထီးအလူၬဆံၭ.- တၭဆၧမိမၩ အၥၭလၧမုနံၩလၧနၥံၪမိခၫ့ဂၬ ထံၫယီၫဒၫ့ထီၩ့လၧခး ဖၧၩ့လၧယဟိဝၩနယွၩ ဖ့ၪလၫ့နၧၩလၧနမိဘၪအီၪက့ၪ ထၪ့ထီၫလိးဖၭဒိၪလဖၪ, ဒဲဂုၪဝ့ၫလၧအၩ့ကထၨလီၫ. 3 တၭထီးနအ့ၪခၫ့ဂၬဘၪယူၭတၭ, နမိဘၪကွ့ၭဆၧၥီၪ့ ဆၧၥၫ့အဆၧချဲၩ့ယီၩ ထီးအလူၬလၧအလီၩ့, ဘဲၫၥိၭ နမိလ့ၩနုၬဘၪ လၧထံၫၥံၪခးၥံၪအဖၧၩ့ လၧယဟိဝၩ နယွၩဖ့ၪလၫ့နၧၩ, ခးလဘံၪ့လၧအယွၩလၩ့ဝ့ၫလၧဆၧ နူထံၫ, ဒဲန့ၫစၩ့ဘဲၫယဟိဝၩနဖါလဖၪ အယွၩချဲၩ့ဆၧ 4 လၧနၧၩအၥိၭနီၪလီၫ.- ထီးနၥံၪအ့ၪခၫ့ဂၬဘၪယူၭထံၫ ယီၫဒၫ့တၭ, ဆၧမိမၩအၥၭလၧနၥံၪမိဘၪအီၪက့ၪထၪ့ လိးလဖၪလၧယမၪလူၬနၥံၪ လၧမုဆၫလနံၩယီၩလၧ ခိၪလီၩ့အံဘလၭအလီၩ့တၭ, နၥံၪမိဘၪဂုၪဝ့ၫလၧအၩ့ 5 ကထၨလီၫ.- တၭနမိဘၪမၩဆၧလုလးလၧယဟိဝၩ နယွၩအဂး ထီးအလးနီၪ, ဆၧလုလးလိးလီၫ. နမၩ 6 ဘၪထၭလၧအလီၩ့အ့ၬ.- နမိဘၪမၩယဟိဝၩနယွၩ အဆၧလုလးလၧလိးလဖၪ ထၧၫ့ထၧၫ့ဖျိၪ့ယၫတၭ,နမိ ဘၪလုထၪ့ဆၧလုမ့ၪ လၧအဖၫ့ခိၪ လၧယဟိဝၩနယွၩ 7 အဂးလီၫ.- နမိဘၪလုထၪ့ဆၧလုဘၪလိၬအိၭလိၬ,ဒဲ အၪ့ဆၧထီးနီၪ, ဒဲၥၭထိၬလၧယဟိဝၩနယွၩအမ့ၬယၫ 8 လီၫ.- တၭနမိဘၪကွ့ၭဆၧၥီၪ့ဆၧၥၫ့ယီၩ အဆၧချဲၩ့ ထီးအလူၬလၧလိးၥံၪအလီၩ့အ့ၪဖျီၪလီၫ.

9 စမိစ့ၭ, ဒဲၦလုဆၧလဖၪ, ၦလံဝဲၫဖိၪၥံၪ, ချဲၩ့ဆၧလၧ အံၫစရ့လၭထီးအလူၬတၭ, စံၭဝ့ၫဒၪ, ထီးလၩ့နၥၭ တၭ,ခိၭနၪဆံၭ, အံၫစရ့လၭဧ့, ဆၧလၧမုဆၫလနံၩ ယီၩနကဲၪထၪ့ယူၭ ယဟိဝၩနယွၩအၡၩခမျၧးယူၭ, 10 တၭနမိဘၪခိၭနၪ ယဟိဝၩနယွၩအလူ ဒဲထီးန့အဆၧ မၪလူၬ, ဒဲၥနိၫလဖၪ လၧယမၪလူၬနၧၩ လၧမုဆၫလ နံၩယီၩလီၫ.

11 ဆၧလၧမုလနံၩနီၪစမိစ့ၭမၪလူၬၦခမျၧးတၭ, စံၭဝ့ၫ 12 ဒၪ,- ထီးနၥံၪအ့ၪလ့ၩခၫ့ဂၬ ထံၫယီၫဒၫ့တၭ, ၦလဖၪ ယီၩမိဆၧၫ့ထုၪ့လၧခိၪလီၩ့ဂၧရဇံၫ့အလီၩ့ ဘဲၫၥိၭအမိ ဆိၪဂ့ၩၦခမျၧး, စစံမအၧၫ့, ဒဲစလံဝဲၫ, ဒဲစယုဒၫ, ဒဲစအံ 13 စခၫ,ဒဲစယိၥၭ, ဒဲစဘံၪ့ယမံၫ့လီၫ.- တၭၦလဖၪယီၩမိ ဘၪဆၧၫ့ထုၪ့လၧခိၪလီၩ့အံဘလၭ, ဘဲၫၥိၭ အမိဆိၪ အၧၩ့ဆၧ,စရုဘံၫ့,စဂၭ, ဒဲစအၭၡၧၫ, ဒဲစဇ့ၭဘလၧၫ့, 14 စဒၫ့ဒဲစနၭၥလဲၫလီၫ.- တၭၦလံဝဲၫဖိၪမိဘၪချဲၩ့ဆၧ လၧၦအံၫစရ့လၭဖိၪ ထီးအလူၬ လၧအလူဖၭဒိၪနီၪ, စံၭအဝ့ၫၥံၪ,

15 ၦလၧအတဲၩ့ဆၧဂၩ့စိၭဖျၩအၥၭ, ဆၧဂၩ့ၥိၫ့အၥၭ, ဆၧဘၪၥၭလိၪလၧယဟိဝၩအမ့ၬယၫ, ဆၧမၩလၧၦ အစူၪလၧၦမၩဆၧဖိၪ, ဒဲအီၪက့ၪၥူၪဝ့ၫလဂၩနီၪ, မွဲအ ဘၪဆၧဆိၪအၧၩ့ဆံၭ. တၭၦခမျၧးထီးအလူ မိဘၪ 16 စံၭဆၧၫ့ဆၧတၭစံၭ,အၩမံၩ့.- ၦလဂၩလၧအမၩကြၩ့ ထမးအမိအဖါနီၪ, မွဲအဘၪဆၧဆိၪအၧၩ့ဆံၭး တၭၦ 17 ခမျၧးထီးအလူၬမိဘၪစံၭ, အၩမံၩ့.- ၦလၧအၥုၭၦလၧ အနဲၩ့ထံၭ အဂၪ့ခိၪ အဆၧမၩနဲၪ့အလးလဂၩနီၪ, မွဲ အဘၪဆၧဆိၪအၧၩ့ဆံၭး တၭၦခမျၧးထီးအလူၬမိဘၪ 18 စံၭ,အၩမံၩ့.- ၦလၧအဒုၭဂၭဖျိၭၦမ့ၬဘျီၪလၧဖၧၩ့ၥၭ လဂၩနီၪ, မွဲအဘၪဆၧဆိၪအၧၩ့ဆံၭး တၭၦခမျၧးထီး 19 အလူၬမိဘၪစံၭ, အၩမံၩ့.- ၦလၧအဘိၭကၠၪခွံၬၦလခီၫ ဘၩ့မုးဖိၪ, ၦဖိၪဎွ့ၪ, ဒဲၦမုၪမဲၫအဆၧစ့ၩရၫ့လဂၩနီၪ, မွဲအဘၪဆၧဆိၪအၧၩ့ဆံၭး တၭၦခမျၧးထီးအလူၬ မိ 20 ဘၪစံၭ, အၩမံၩ့.- ၦလၧအမံၫဎုၬလၧအဖါအမၫလဂၩ နီၪ,မွဲအဘၪဆၧဆိၪအၧၩ့ဆံၭ. အဂဲးဘဲၫယီၩ မွဲအဝဲ ထၪ့အဖါအဆဲၫ့ခၪ့ထံၭလီၫ. တၭၦခမျၧးထီးအလူၬမိ 21 ဘၪစံၭ, အၩမံၩ့.- ၦလၧအမံၫဎုၬလၧဆၧဖိၪဆၧဎါလ မံၩ့မံၩ့နီၪ, မွဲအဘၪဆၧဆိၪအၧၩ့ဆံၭး တၭၦခမျၧးထီး 22 အလူၬမိဘၪစံၭ, အၩမံၩ့.- ၦလၧအမံၫဎုၬလၧအထၧၫ့ ဖုဝဲမုၪလဂၩအဖါအဖိၪမုၪမွဲဂ့ၩ, အမိအဖိၪမုၪမွဲဂ့ၩ, မွဲအဘၪဆၧဆိၪအၧၩ့ဆံၭး တၭၦခမျၧးထီးအလူၬမိ 23 ဘၪစံၭ,အၩမံၩ့.- ၦလၧအမံၫဎုၬလၧအမံၩ့ၡါမုၪလဂၩ နီၪ,မွဲအဘၪဆၧဆိၪအၧၩ့ဆံၭး တၭၦခမျၧးထီးအလူၬ 24 မိဘၪစံၭ, အၩမံၩ့.- ၦလၧအဖ့ၬၥူၪၦလၧအနဲၩ့ထံၭ လဂၩနီၪ,မွဲအဘၪဆၧဆိၪအၧၩ့ဆံၭး တၭၦခမျၧးထီး 25 အလူၬမိဘၪစံၭ, အၩမံၩ့.- ၦလၧအမၩန့အလံၩ့အလဲၫ ဘဲၫၥိၭအမိမၩၥံၫ ၦလၧအဆၧဒဲၩဘၭလအီၪဘၪလဂၩ နီၪ,မွဲအဘၪဆၧဆိၪအၧၩ့ဆံၭး တၭၦခမျၧးထီးအလူၬ 26 မိဘၪစံၭ,အၩမံၩ့.- ၦလၧအလဒုၭအီၪဂုးအီၪခၧၫ့ဘၪ ဆၧၥနိၫယီၩ အဆၧချဲၩ့ဘဲၫၥိၭ အမိမၩဝ့ၫလဂၩနီၪ, မွဲအဘၪဆၧဆိၪအၧၩ့ဆံၭး တၭၦခမျၧးထီးအလူၬမိ ဘၪစံၭ, အၩမံၩ့.