26
1 ဆၧမိမၩအၥၭ, ထီးနလ့ၩနုၬလၧခးဖၧၩ့လၧယဟိ ဝၩနယွၩဖ့ၪလၫ့နၧၩ လၧဆၧန့ၥၫအဂး, ဒဲန့ဘၪဝ့ၫ, ဒဲ
2 အီၪထီးနီၪတၭ,- နမိဘၪမၩန့ဆၧလၧကယဲဆၧၥၪဆိၫ လၧဂၪ့ခိၪဒုၭၥၪထၪ့ လၧထံၫၥံၪခးၥံၪ လၧယဟိဝၩန ယွၩဖ့ၪလၫ့နၧၩနီၪ, နမိဘၪဂဲၫဆိၬ ဒဲအီၪက့ၪလၩ့လၧ ဒၩ့ဖၧၩ့, ဒဲလ့ၩထီၩ့လၧအလးထီးယဟိဝၩနယွၩ မိရွံ
3 န့ဝ့ၫဘဲၫၥိၭမိအီၪက့ၪအမံၩ့ထီးနီၪလီၫ.- တၭနမိဘၪ လ့ၩလၧၦလုဆၧလဂၩ, လၧအမိအီၪ လၧမုနံၩလဖၪ နီၪတၭ, စံၭအဝ့ၫ, လၧမုဆၫလနံၩယီၩ ယဒုၭနဲၪယဟိ ဝၩနယွၩ လၧယဂဲၫနုၬယူၭ လၧခးဖၧၩ့ လၧယဟိဝၩ ဆိၪလၩ့အၥၭ လၧပဖါလဖၪ လၧအမိဖ့ၪလၫ့ပၧၩနီၪ
4 ယူၭ.- ၦလုဆၧလဂၩနီၪမိဘၪမၩန့ဒၩ့လဖျိၪ့နီၪ လၧန စူၪဖၧၩ့တၭ, အီၪက့ၪလၩ့ဝ့ၫလၧယဟိဝၩနယွၩအမ့ၬ ယၫလီၫ.
5 နမိဘၪချဲၩ့ဆၧတၭ, စံၭလၧယဟိဝၩနယွၩအမ့ၬယၫ, ယဖါနီၪမွဲၦခးစံရအၫဖိၪ, ၦဂၭဝံၩ့ဝၩ့ဖိၪတၭ, လ့ၩလၩ့ လၧအံဇံၭအဖၧၩ့တၭ, အီၪၦမွံၩထီးနီၪၡၩခိၬဂၩတၭ, ကဲၪထၪ့လၧၦလဆၨၩဒိၪဝ့ၫ, ဒဲဆီၪ့ဝ့ၫ, ဒဲၦခမျၧးအီၪ
6 အၪဂၩထီးနီၪလီၫ.- တၭၦအံဇံၭဖိၪမၩအၧၩ့မၩၥၫ့
7 ပၧၩတၭ, အီၪက့ၪဆၧမၩကၪလၧပလီၩ့လီၫ.- တၭထီး ပကိၭထၪ့ယဟိဝၩ ပဖါလဖၪအယွၩတၭ, ယဟိဝၩ ခိၭနၪပလူ, ဒဲယိလၩ့ပဆၧနၭဆၧၡၪ့, ဒဲပဆၧမၩ, ဒဲဆၧ
8 မၩအၧၩ့ပၧၩ,- တၭယဟိဝၩဒုၭစဲၪ့ထၪ့ခွံၬပၧၩ လၧ အံဇံၭအဖၧၩ့ လၧအစူၪဆီၪ့, ဒဲအစူၪယၩ့ထၪ့အၥၭ, ဒဲဆၧၥၭမဲၪအလးဖၭဒိၪ, ဒဲဆၧမၩနဲၪ့လၩ့လၭ, ဒဲဆၧ
9 လၩ့လိလၩ့လၭ,- ဒဲဒုၭဂဲၫနုၬပၧၩ လၧအလးထီးယီၩ, ဒဲဖ့ၪလၫ့ပၧၩလၧခးလဘံၪ့ယီၩ, ခးလၧအယွၩလၩ့လၧ
10 ဆၧနူထံၫ, ဒဲန့ၫစၩ့လီၫ.- တၭဘိၩ့နဲၪ့ယီၩ, ယိခွါ, ယဂဲၫဆိၬဆၧၥၪဘၪဆဲၫ့လၧဂၪ့ခိၪလၧနဝ့ၫဒၪ, ယဟိ ဝၩဧ့,နဖ့ၪလၫ့ယူၭယၧၩယူၭလီၫ. တၭနမိဘၪအီၪက့ၪ လၩ့လၧယဟိဝၩနယွၩအမ့ၬယၫ, ဒဲဘိၪ့ထၪ့ဘၩထၪ့
11 လၧယဟိဝၩနယွၩအမ့ၬယၫလီၫ.- နမိဘၪၥၭထိၬလၧ ကယဲဆၧဂ့ၩလၧယဟိဝၩနယွၩဖ့ၪလၫ့နၧၩ, ဒဲနၡၩဂံၪ့ ဖိၪ, နဝ့ၫဒၪ, ဒဲၦလံဝဲၫဖိၪ, ဒဲၦလခီၫဘၩ့မုးဖိၪလၧအ အီၪဝ့ၫလၧနၥံၪအကျၩလီၫ.
12 တၭထီးနအၪ့နၩ့ဖၭနဆၧအၪထၪ့ လၧဆံၫပိၩ့လပိၩ့ လၧနံၪ့ၥၧၫ့နံၪ့လနံၪ့, ဆၧဆံၫပိၩ့လပိၩ့အနံၪ့တၭ, ဖ့ၪ လၫ့ယူၭဆၧလၧၦလံဝဲၫဖိၪ, ၦလခီၫဘၩ့မုးဖိၪ, ၦဖိၪ ဎွ့ၪ,ၦမုၪမဲၫ, ဘဲၫၥိၭအမိအၪ့ဆၧလၧနတရၫ့ဖၧၩ့ ဒဲဘျဲၩ
13 အၪ့ဂီၩ့တၭ,- ထီးနီၪလဖၧၫ့ နမိဘၪစံၭလၧယဟိဝၩ နယွၩအမ့ၬယၫ, ယဂဲၫဆိၬထၪ့ခွံၬယူၭဆၧဆံၫ့ဎံၪလၧ ယဂံၪ့ဖၧၩ့တၭ, ယဖ့ၪလၫ့ဆ့ယူၭလၧၦလံဝဲၫဖိၪ,ဒဲလၧ ၦလခီၫဘၩ့မုးဖိၪ, ၦဖိၪဎွ့ၪဒဲၦမုၪမဲၫ,ဘဲၫကယဲနဆၧ မၪလူၬလဖၪလၧနမၪလူၬယၧၩအၥိၭနီၪယူၭ, ယလၨၪ ခၫ့ဖၬနဆၧမၪလူၬလဖၪအ့ၬး တၭယၥၭနၪ့ဘၪဆၧဆ့
14 အ့ၬ,- ယအၪ့ဘၪဝ့ၫနီၪ လၧယၥုၪ့အုၭယၥၭအုၭအ့ၬ. ယလမၩဘၪဆၧနီၪ လၧဆၧလဆံၫ့ဘၪအဖၧၩ့, ဒဲယ ဖ့ၪလၫ့ဆၧနီၪလၧဆၧၥံၫအကၠီၩ့အ့ၬ. ယခိၭနၪယူၭယ ဟိဝၩယယွၩအလူယူၭး ယမၩယူၭဘဲၫကယဲဆၧလၧ
15 နမၪလူၬယၧၩအၥိၭနီၪယူၭ.- ယိလၩ့လၧနအီၪအလး ဆံၫ့ဎံၪလၧမူၭခိၪတၭ, ဆိၪဂ့ၩဆိၪဘွၩနၡၩခမျၧးအံၫ စရ့လၭ, ဒဲထံၫၥံၪခးၥံၪလၧနဖ့ၪလၫ့ပၧၩ, ဘဲၫနဆိၪလၩ့ နၥၭလၧပဖါလဖၪအၥိၭ, ခးလဘံၪ့လၧအယွၩလၩ့လၧ ဆၧနူထံၫဒဲန့ၫစၩ့ဆံၭ.
16 ဆၧလၧမုဆၫလနံၩယီၩ ယဟိဝၩနယွၩမၪလူၬနၧၩ ဘဲၫၥိၭနမိထီးန့ဆၧၥနိၫလဖၪ, ဒဲဆၧစ့ၩရၫ့လဖၪယီၩ လီၫ. တၭနမိဘၪထီးန့ဒဲမၩဝ့ၫ လၧနၥၭထၧၫ့ဖျိၪ့ယၫ,
17 ဒဲလၧနၥၭၡီၩ့ ထီးအလူၬလီၫ.- လၧမုဆၫလနံၩယီၩ နစံၭလၧယဟိဝၩမိကဲၪထၪ့နယွၩ, ဒဲလၧနမိဖိၬအဖၧၩ့ ၥၭလဖၪ, ဒဲလၧနမိထီးန့အၥနိၫလဖၪ, ဒဲအဆၧမၪလူၬ လဖၪ, ဒဲအဆၧစ့ၩရၫ့လဖၪ, ဒဲလၧနမိခိၭနၪအလူလီၫ.
18 တၭလၧမုဆၫလနံၩယီၩ ယဟိဝၩစံၭနၧၩ လၧနမိကဲၪ ထၪ့အၡၩခမျၧးလၩ့မဲၩဒၪဆၧ, ဘဲၫအချဲၩ့ဝဲၩဆၧလၧ နၧၩအၥိၭ, ဒဲလၧနမိဘၪထီးန့ အဆၧမၪလူၬ ထီးအ
19 လူၬ,- ဒဲလၧအမိအီၪက့ၪနၧၩ လၧၦကိၭဆၨၩဒ့ၭလၧ အတဲၩ့ဝ့ၫထီးအလူၬအဖၫ့ခိၪ, လၧဆၧစံၭထၪ့အၪ့အူၭ အဖၧၩ့, ဒဲလၧဆၧအမံၩ့အဖၧၩ့, ဘဲၫၥိၭနမိကဲၪထၪ့ၦ ဆံၫ့ဎံၪလဆၨၩ လၧယဟိဝၩ နယွၩအဂး, ဘဲၫအချဲၩ့ ဆၧအၥိၭနီၪလီၫ.