18
1 ၦလုဆၧၦလံဝဲၫဖိၪလဖၪ, ဒဲၦလံဝဲၫဖိၪလဒီၪ့ထီးအ လူၬနီၪ, အလးမွဲဂ့ၩ, အဆၧန့ၥၫမွဲဂ့ၩ, အီၪဘၪလၧၦ အံၫစရ့လၭဖိၪအကျၩအ့ၬ. အဝ့ၫၥံၪ မိဘၪအၪ့ယဟိ
2 ဝၩအဆၧလုမ့ၪ, ဒဲအဆၧန့ၥၫလီၫ.- အခိးမွဲအဝ့ၫၥံၪ အီၪဘၪလၧအဆၧန့ၥၫ လၧအထၧၫ့ဖုဝဲအကျၩအ့ၬ. ယဟိဝၩ မွဲအဆၧန့ၥၫ, ဘဲၫအစံၭဆၧလၧအဝ့ၫၥံၪအ ၥိၭနီၪလီၫ.
3 တၭအယီၩမွဲဆၧစ့ၩရၫ့ဘၪဆဲၫ့ လၧၦလုဆၧလၧအ မိန့ဘၪဝ့ၫလၧၦခမျၧး, ဒဲလၧၦလၧအလုထၪ့ဆၧလုချီ ဖၫမွဲဂ့ၩ, ၥိၪ, ဘ့ၪမွဲဂ့ၩ, မိဘၪဖ့ၪလၫ့ၦလုဆၧလၧအ
4 ခိၬထံၭခိၪ, ဒဲအနိၭပၩထံၭနံၫခီၫ, ဒဲအကဖူၫလီၫ.- ဆၧ အဆိၫဘၪဆဲၫ့လၧနဘုၪၥံၪဂူၫၥံၪး နစဘံၭထံၫ, ဒဲနၥိၪ, ဒဲၥိၪအဆီၪ့လၧနထံၬဆိၫနီၪ နမိဘၪဖ့ၪလၫ့အဝ့ၫလီၫ.
5 အဂဲးဘဲၫယီၩ ယဟိဝၩနယွၩရွံန့ယူၭအဝ့ၫဒၪလၧဆၧ ဒီၪ့ထီးအလူၬအကျၩ, ဘဲၫၥိၭအမိဆၧၫ့ထုၪ့မၩဆၧလၧ ယဟိဝၩအမံၩ့, အဝ့ၫဒၪ, ဒဲအဖိၪခွၫ ကိၭမုနံၩမုနၩဒ့ၭ
6 လီၫ.- ၦလံဝဲၫဖိၪအ့ၪဂဲၫထၪ့လၧ နတရၫ့လစီၪ့စီၪ့လၧ ကယဲအံၫစရ့လၭဖိၪအကျၩ ထီးအအီၪဝ့ၫအလးတၭ, ဂဲၫဝ့ၫ လၧဆၧအလး လၧယဟိဝၩမိရွံန့ဝ့ၫ, ဆိၫ့ဆၧ
7 လၧအၥၭထၧၫ့ဖျိၪ့ယၫတၭ,- ထီးနီၪလဖၧၫ့မိမၩဘၪ ဆၧလၧယဟိဝၩအယွၩအမံၩ့, ဘဲၫအထၧၫ့ဖုဝဲထီးအ လူၬၦလံဝဲၫဖိၪ လၧအဆၧၫ့ထုၪ့ထီးနီၪလၧယဟိဝၩအ
8 မ့ၬယၫအၥိၭနီၪလီၫ.- လၧအမိအၪ့ဘၪအဂးမိန့ဘၪ ဝ့ၫဘဲၫအဝ့ၫၥံၪအၥိၭနီၪလီၫ. လၧနီၪအမ့ၬယၫမိန့ဘၪ ဆၧအၪ့ဆၫခွံၬဆၧလၧအဖါလဖၪလီၫ.
9 ထီးနအ့ၪလ့ၩထီၩ့လၧခးဖၧၩ့ လၧယဟိဝၩနယွၩဖ့ၪ လၫ့နၧၩတၭ, နမၩလိၪဘၪ လၧနမိမၩဆၧဘဲၫၦဆၨၩ
10 လဖၪအဆၧၥၭလိၪအၥိၭနီၪအ့ၬ.- ၦလၧအအၪ့မၧၫ့ အဖိၪခွၫမွဲဂ့ၩ, အဖိၪမုၪမွဲဂ့ၩ, ခၫ့ဂၬမ့ၪနီၪ, မွဲအထီး အီၪလၧနၥံၪအကျၩလဂ့ၩး ၦဖၭဆၧဖိၪမွဲဂ့ၩ, ၦလၧအ ဒုၪဆၧအဆၧၫ့အထီမွဲဂ့ၩ, ၦလၧအအၪ့ဖၩ့ဆၧခါဆၧ
11 မွဲဂ့ၩ, ဆၧယူၬမုၪမွဲဂ့ၩ,- ၦၥ့ၪဆၧအူၪဆၧပီၩမွဲဂ့ၩ, ၦ ဖံၭၥိၭလိၬအၥၭလၧဆၧနၪလဖၪမွဲဂ့ၩ, ၦလၧအအၪ့စၪ့ ၦၥံၫအလၩမွဲဂ့ၩ, အီၪဘၪလၧနၥံၪအကျၩဆ့အ့ၬ.
12 အဂဲးဘဲၫယီၩ ကယဲၦလၧအမၩဆၧလဖၪနီၪမွဲဆၧၥၭ လိၪလၧယဟိဝၩအမ့ၬယၫလီၫ. တၭယဟိဝၩနယွၩ နၫ့ထၪ့ခွံၬအဝ့ၫၥံၪ လၧနမ့ၬယၫ လၧဆၧဘၪၥၭလိၪလ
13 ဖၪအကၠီၩ့လီၫ.- နဘၪလၧၫ့ထၪ့ဎွ့ၩထၪ့ လၧယဟိဝၩ
14 နယွၩအမ့ၬယၫလီၫ.- အဂဲးဘဲၫယီၩ ၦဆၨၩလၧနမိမၩ န့ဝ့ၫလဖၪနီၪ ခိၭနၪၦအမ့ၬဖိး, ဒဲၦလၧအအၪ့ဖၩ့ဆၧ ခါဆၧလဖၪအလူလီၫ. အ့ၪမွဲနဝ့ၫဒၪယီၩ ယဟိဝၩန ယွၩဖ့ၪလၫ့နမၩဘဲၫနီၪအ့ၬ.
15 ယဟိဝၩနယွၩမိဒုၭဂဲထုၪ့မီၪလဂၩ လၧနထၧၫ့ဖုဝဲအ ကျၩ ဘဲၫယၧၩအၥိၭနီၪ, နၥံၪမိဘၪခိၭနၪအဝ့ၫဒၪအ
16 လူလီၫ.- ဘဲၫကယဲဆၧလၧနအၪ့ကံၩ့ လၧယဟိဝၩန ယွၩ လၧဟိရ့ၭအဖၧၩ့ လၧဆၧအီၪကီၪ့အမုနံၩအၥိၭ နီၪ,လၧနစံၭ, မွဲယထီးနါဂၧၫ့ဘၪလၧၩ့ ယဟိဝၩယယွၩ အလူ, ဒဲမွဲယထီးဒၪဘၪလၧၩ့ မ့ၪဖၭဒိၪယီၩ လဂ့ၩ,
17 ဘဲၫၥိၭယထီးၥံၫလဂ့ၩနီၪလီၫ.- တၭယဟိဝၩစံၭယၧၩ,
18 ဆၧလၧအဝ့ၫၥံၪချဲၩ့ဆၧနီၪ ဂ့ၩမၬလီၫ.- ယမိဒုၭဂဲထုၪ့ မီၪလဂၩလၧအထၧၫ့ဖုဝဲအကျၩ, ဘဲၫနၧၩအၥိၭတၭ, ယမိအီၪက့ၪဆၧချဲၩ့လၧအနိၭတၭ, အဝ့ၫဒၪမိချဲၩ့ဆၧ လၧအဝ့ၫၥံၪ လၧကယဲဆၧလၧယမိမၪလူၬ အဝ့ၫနီၪ
19 လီၫ.- တၭဆၧမိမၩအၥၭ လၧထီးဒၪၦလၧအလခိၭနၪ ဘၪယလူလၧအဝ့ၫဒၪမိချဲၩ့ဆၧ လၧယမံၩ့လဂၩဂၩနီၪ ယမိအၪ့ဎၬဆၧလၧအဝ့ၫလီၫ.
20 အ့ၪမွဲမီၪလၧအအီၪက့ၪဖိၫလိၫအၥၭ, ဒဲချဲၩ့ဆၧချဲၩ့ လထံၪလၧယမံၩ့ လၧယလမၪလူၬဘၪဝ့ၫဘဲၫၥိၭအမိ ချဲၩ့ဆၧမွဲဂ့ၩ, အ့ၪချဲၩ့ဆၧလၧယွၩအဂူၫဂၩလဖၪအမံၩ့
21 မွဲဂ့ၩ, ဆၧလၧမီၪလဂၩနီၪမိဘၪဆၧမၩၥံၫဝ့ၫလီၫ.- တၭ ဆၧချဲၩ့လၧနအ့ၪစံၭ, လၧနၥၭခံဖၧၩ့ ယဟိဝၩလချဲၩ့
22 ဘၪနီၪပမိၥ့ၪယၫဘဲၫၥ့ၪလဲၪနီၪ, တၭ,- ထီးမီၪလဂၩ ချဲၩ့ဆၧလၧယဟိဝၩအမံၩ့တၭ, အ့ၪဆၧလမၩဘၪ, ဒဲ လကဲၪထၪ့ဘၪဆၧတၭ, ဆၧနီၪလမံၩ့မွဲဆၧလၧယဟိ ဝၩချဲၩ့ဝ့ၫအ့ၬ, မွဲမီၪလဂၩနီၪ အီၪက့ၪဖိၫအၥၭတၭ, ချဲၩ့ဆၧနီၪ, မွဲနထီးၥၭမဲၪအဝ့ၫဒၪလဂ့ၩ.