17
1 ချီဖၫမွဲဂ့ၩ, ၥိၪ,ဘ့ၪမွဲဂ့ၩ, လၧအအီၪလၧဆၧလလၧၫ့ လဎွ့ၩဘၪ, လၧဆၧအၧၩ့လမံၩ့မံၩ့အီၪလၧအလီၩ့နီၪ, ထီးလုထၪ့ လၧယဟိဝၩနယွၩအဂးနီၪလဂ့ၩး အဂဲး ဘဲၫယီၩ အနီၪမွဲဆၧၥၭလိၪ လၧယဟိဝၩနယွၩအမ့ၬ
2 ယၫလီၫ.- တၭလၧနတရၫ့အဖၧၩ့လၧယဟိဝၩနယွၩဖ့ၪ လၫ့နၧၩနီၪ, ဆၧအ့ၪဒၪန့ၦခွၫမွဲဂ့ၩ, ၦမုၪမွဲဂ့ၩ, လၧန ၥံၪအကျၩလၧအလၨၪခၫ့ဖၬ ယဟိဝၩနယွၩ အဆၧအုၩ့ လၩ့တၭ, မၩဆၧအၧၩ့လၧယဟိဝၩနယွၩအမ့ၬယၫ,
3 ဒဲလ့ၩမၩယွၩအဂူၫဂၩလဖၪ အဆၧဒဲဘၩထၪ့ဝ့ၫ, မုမွဲ ဂ့ၩ, လၩမွဲဂ့ၩ, မူၭခိၪအၥုၭမုလမံၩ့လါလါမွဲဂ့ၩ, လၧ
4 ယလမၪလူၬဘၪ,- တၭၦဒုၭနဲၪနၧၩ, ဒဲနနါဂၧၫ့ဘၪ တၭ, နအၪ့ဎၬတၡါဝ့ၫနီၪ ဒၪဘၪလၧအမွဲဆၧအတီၩ တၭ,ယိခွါ, မွဲဆၧနီၪအီၪတၡါတၭ, ဆၧဘၪၥၭလိၪနီၪ
5 ဆၧမၩဝ့ၫလၧအံၫစရ့လၭအကျၩ,- တၭၦခွၫမွဲဂ့ၩ, ၦ မုၪမွဲဂ့ၩ, လၧအမၩဆၧအၧၩ့နီၪ, နဘၪဂဲၫဆိၬဝ့ၫလၧ နတရၫ့တၭ, ဆၧလၧၦခွၫနီၪမွဲဂ့ၩ, ၦမုၪနီၪမွဲဂ့ၩနဘၪ ခွံၬဝ့ၫလၧလိးထီးအၥံၫလီၫ.
6 ထီးဒၪၦထိးအၥၭနံၫဂၩ, ၥၧၫ့ဂၩအနိၭနီၪၦလၧအ ကြၨၭၥံၫ မိဘၪဆၧမၩၥံၫဝ့ၫလီၫ. အ့ၪမွဲထီးဒၪၦထိး
7 အၥၭလဂၩဎးအနိၭနီၪမိဘၪဆၧမၩၥံၫဝ့ၫအ့ၬ.- ၦထိး အၥၭလဖၪအစူၪမိဘၪအီၪဆိၫ လၧအလီၩ့ဘဲၫၥိၭအမိ မၩၥံၫဝ့ၫတၭ, လၧခဲၫ့ထဲၩ့နီၪ ၦခမျၧးထီးအလူၬအစူၪ လီၫ. တၭနဘၪအီၪက့ၪခွံၬဆၧအၧၩ့ လၧနၥံၪအကျၩ ဘဲၫနီၪလီၫ.
8 ဆၧကၪလါကဲၪကၩ လၧနဂးအ့ၪအီၪထၪ့လမံၩ့မံၩ့ လၧဆၧစ့ၩရၫ့, လၧဆၧၥွံၪဒဲဆၧၥွံၪအဘိၩ့ဆၧၫ့, လၧ ဆၧချဲၩ့ခွးဒဲဆၧချဲၩ့ခွးအဘိၩ့ဆၧၫ့, လၧဆၧထးဒဲဆၧ ထးအဘိၩ့ဆၧၫ့, ဆၧချဲၩ့ခွးလဖၪလၧနတရၫ့အဖၧၩ့ တၭ,ထီးနီၪလဖၧၫ့နဘၪဂဲထုၪ့တၭ လ့ၩထၪ့လၧအလး
9 လၧယဟိဝၩနယွၩမိရွံန့ဝ့ၫတၭ,- နဘၪလ့ၩလၧၦလု ဆၧဒဲၦလံဝဲၫဖိၪ, ဒဲၦစ့ၩရၫ့ခွးလၧအမိအီၪလၧမုနံၩလ ဖၪနီၪအအီၪတၭ, နဘၪအၪ့စၪ့ဆၧတၭ, အဝ့ၫၥံၪမိဒုၭ
10 နဲၪနၧၩလၧဆၧစ့ၩရၫ့လီၫ.- နဘၪမၩဘဲၫဆၧစ့ၩရၫ့ဝ့ၫ ဒၪအၥိၭ, လၧၦလၧအလးထီးယဟိဝၩမိရွံန့ဝ့ၫနီၪမိ ဒုၭနဲၪနၧၩတၭ, နဘၪထီးလၩ့နၥၭဘဲၫၥိၭ နမိမၩဆၧ
11 ဘဲၫကယဲဆၧလၧအဝ့ၫၥံၪနီၪ မိၥီၪ့လိၪနၧၩလီၫ.- ထီး ဒၪဆၧၥနိၫ အဆၧစ့ၩရၫ့ လၧအဝ့ၫၥံၪ မိၥီၪ့လိၪနၧၩ, ဒဲ ဘဲၫဆၧစ့ၩရၫ့လၧအဝ့ၫၥံၪ မိလီၩဘၪနၧၩနီၪ, နမိဘၪ မၩလီၫ. လၧဆၧၥနိၫ လၧအဝ့ၫၥံၪမိဒုၭနဲၪနၧၩနီၪ, လၧနစူၪထွ့ၪလခီၫမွဲဂ့ၩ, လၧနစူၪစ့ၪလခီၫမွဲဂ့ၩ, ထီး ကၠၪပဲၩခွံၬနၥၭလဂ့ၩ.
12 တၭၦလၧအအီၪက့ၪဖိၫအၥၭ, ဒဲလခိၭနၪဘၪၦလု ဆၧအလူလၧ အဆၧၫ့ထုၪ့ ဘဲၫၥိၭအမိမၩဆၧလၧယ ဟိဝၩနယွၩအမ့ၬယၫမွဲဂ့ၩ, ၦစ့ၩရၫ့ခွးအလူမွဲဂ့ၩ, အ ဝ့ၫဒၪမိဘၪဆၧမၩၥံၫဝ့ၫလီၫ. နမိဘၪအီၪက့ၪခွံၬဆၧ
13 အၧၩ့ လၧအံၫစရ့လၭအဖၧၩ့လီၫ.- တၭၦခမျၧး မိနါ ဂၧၫ့, ဒဲၥၭမဲၪဆၧတၭ, အီၪက့ၪဖိၫလၧၩ့အၥၭအ့ၬ.
14 ထီးနလ့ၩထီၩ့လၧခးဖၧၩ့ လၧယဟိဝၩနယွၩမိဖ့ၪ လၫ့နၧၩတၭ, မိန့ဘၪဝ့ၫဒဲမိအီၪဘၪလၧအဖၧၩ့, ဒဲမိစံၭ, ယမိအီၪက့ၪစဎွၩလၧယဖၫ့ခိၪ, ဘဲၫၦဆၨၩထီးအ
15 လူၬလၧအအီၪဝၬဖီၩ့ယၧၩ အၥိၭနီၪတၭ,- နမိဘၪ အီၪတၡါစဎွၩ လၧနဖၫ့ခိၪလၧယဟိဝၩ နယွၩ ရွံန့ဝ့ၫ လီၫ. ၦလၧနထၧၫ့ဖုဝဲအကျၩနီၪ နမိဘၪအီၪက့ၪဝ့ၫလၧ စဎွၩလၧနဖၫ့ခိၪလီၫ. နအီၪက့ၪဘၪၦလခီၫဘၩ့မုးဖိၪ
16 ၦလၧအလမွဲဘၪနထၧၫ့ဖုဝဲလၧနဖၫ့ခိၪအ့ၬ.- မွဲလါနၫ့ အဝ့ၫဒၪမၩအၪထၪ့ဘၪကၥ့ၪလဖၪ လၧအဂးဒၪဝ့ၫအ့ၬ, ဒဲဒုၭထဲၩ့ထဲၩ့ၦခမျၧး လၧအံဇံၭအဖၧၩ့, ဘဲၫၥိၭအမိ မၩအၪထၪ့ကၥ့ၪလဖၪနီၪအ့ၬ. အဂဲးဘဲၫယီၩယဟိဝၩ စံၭယူၭနၥံၪ, ထီးထဲၩ့ဖိၬလၧၩ့ဖၧၩ့ၥၭအဝ့ၫနီၪလဂ့ၩ.
17 တၭအဝ့ၫဒၪ မၩအၪထၪ့ဘၪအမၫလဖၪ လၧအဂးဒၪ ဝ့ၫအ့ၬ, ဘဲၫၥိၭအၥၭထီးကၠၪပဲၩခွံၬအၥၭလဂ့ၩး မၩ အၪထၪ့ဆ့ကျိၪၥံၪစ့ၩၥံၪ, ထီၫ့ၥံၪလွ့ၫၥံၪ အၪအၪလ့ၬ
18 ဆ့အ့ၬ.- တၭဆၧမိမၩအၥၭထီးအဆၧၫ့နၩ့လၧအဘၩ့ အမုးအလးဆီၩ့ဆီအဖၫ့ခိၪတၭ, ဆၧမိမၩအၥၭလၧ အမိဘၪကွ့ၭဆဲၫလံၬဆၧၥီၪ့ဆၧၥၫ့ယီၩ လၧလံၬလၧ
19 အအီၪလၧၦလုဆၧၦလံဝဲၫဖိၪအမ့ၬယၫလီၫ.- မွဲအမိ ဘၪအီၪ လၧအစူၪဖၧၩ့တၭ, အဝ့ၫဒၪမိဘၪဖီလၧအ ဖၧၩ့လဆိၩဒၪဝ့ၫကိၭမုနံၩဒ့ၭ, ဘဲၫၥိၭအမိမၩလိၪဆၧ ၥၭမဲၪယဟိဝၩအယွၩ ဒဲထီးန့ဆၧၥီၪ့ဆၧၥၫ့ယီၩ, ဒဲၥနိၫ လဖၪယီၩအလူအထၫထီးအလူၬ, ဘဲၫၥိၭအမိမၩဝ့ၫ,
20 ဘဲၫၥိၭအထီးအီၪက့ၪထၪ့ထီၫအၥၭ လၧအထၧၫ့ဖုဝဲ အဖၫ့ခိၪ, ဒဲဘဲၫၥိၭအထီးကၠၪပဲၩခွံၬအၥၭ လၧဆၧမၪ လူၬအအီၪ, လၧစူၪထွ့ၪလခီၫမွဲဂ့ၩ, လၧစူၪစ့ၪလခီၫ မွဲဂ့ၩနီၪလဂ့ၩး မွဲဘဲၫၥိၭအမိမၩအၪထၪ့အမုနံၩလဖၪ လၧအဘၩ့အမုးအဖၧၩ့, အဝ့ၫဒၪ, ဒဲအဖိၪလဖၪလၧ အံၫစရ့လၭအကျၩလီၫ.