5
1 ခိၭနၪဆၧချဲၩ့ယီၩ, လၧယချဲၩ့လၧနၥံၪအဂဲး, ဂၪ့
2 ဆၧယၧၩ့ဆၧ, အံၫစရ့လၭအၡၩဂံၪ့ဖိၪၥံၪဧ့,- အံၫစရ့ လၭအၡၩမုၪနၩ့ထၪ့လၩ့ထံၩဖါယူၭ, ဂဲထုၪ့လၧၩ့အ့ၬ. မံၫနၩ့ဝ့ၫလၧအခးဖၧၩ့ဒၪဝ့ၫအဖၫ့ခိၪနီၪ ဆၧဘိၭဂဲထုၪ့
3 ဝ့ၫအီၪအ့ၬ.- အဂဲးဘဲၫယီၩ ကဆါယဟိဝၩ စံၭဘဲၫ ယီၩ,ဒိၩ့လၧအဒုၭစဲၪ့ထၪ့ၦလထီၫ့မိအီၪက့ၪလၩ့ထး ၦလယၩ, ဒဲဒိၩ့လၧအဒုၭစဲၪ့ထၪ့ ၦလယၩနီၪမိအီၪ က့ၪလၩ့ထးဆံၫဂၩ, လၧအံၫစရ့လၭ အၡၩဂံၪ့ဖိၪအ ဂးလီၫ.
4 အဂဲးဘဲၫယီၩ ယဟိဝၩစံၭအံၫစရ့လၭအၡၩဂံၪ့ဖိၪ
5 ဘဲၫယီၩ, အၪ့ဎၬယၧၩဆံၭး တၭနၥံၪမိမၧၫ့လီၫ.- ထီး အၪ့ဎၬဘ့ၥလၭလဂ့ၩ,ဒဲလ့ၩနုၬလၧဂံလဂၫလၭလဂ့ၩ, ဒဲလ့ၩခၫ့ဂၬဘံအၧၫၡံၫဘၫလဂ့ၩ. အဂဲးဘဲၫယီၩဂံလ ဂၫလၭမိလ့ၩကဲၪဎီးတၡါတၭ, ဘ့ၥလၭမိဘၪဆၧမၩ
6 ဂၭဂီၩ့ဝ့ၫလီၫ.- အၪ့ဎၬယဟိဝၩဆံၭး တၭနၥံၪမိမၧၫ့ လီၫ. မိစဲၪ့တလဲးဘုၪ့ဖိးဘၪခိၬ ဆၧလၧစယိၥၭအဂံၪ့ ဖၧၩ့ဘဲၫမ့ၪအၥိၭတၭ, အၪ့ခွံၬဝ့ၫတၭး ၦမၩလၩ့ဖံၬဝ့ၫ အီၪလၧဘ့ၥလၭအဖၧၩ့အ့ၬ.
7 နၥံၪဝ့ၫ နၥံၪအၪ့လဲၩခွံၬဆၧစ့ၩရၫ့လၧရီးခၥီၫ, ဒဲခွံၬ
8 လၩ့ခွံၬဆၧတီၩဆၧလီၩ့ လၧဂၪ့ခိၪအဖၫ့ခိၪၥံၪဧ့,- အၪ့ ဎၬၦလၧအတဲၩ့ၡၪဒိၩ့မု, ဒဲအိၫရဲအၫ့, ဒဲအၪ့လဲၩဆၧ ၥံၫအလၩဒုၩ, လၧမုဂီၩ, ဒဲမၩခံၭလၩ့မုဆၫန့ၫဎီၩ့မု နၩ,လၧအကိၭန့မၫဆမံၭအထံၫ, ဒဲဂါလၩ့ဝ့ၫလၧဂၪ့
9 ခိၪအဖၫ့ခိၪလဂၩနီၪဆံၭ. အမံၩ့မွဲယဟိဝၩနီၪး- ၦလၧ အဒုၭဘၪၡုၭၦအဆီၪ့လၧဆၧမၩဂၭဂီၩ့, ဒဲထိၬၥံၪထီၩ့ လၧဆၧဂၭဂီၩ့လီၫ.
10 အဝ့ၫၥံၪနီၪၥၭဂဲၫ့ ၦလၧအအၪ့ၥီၪ့ဆၧလၧတရၫ့အ
11 ဖၧၩ့တၭ, ၥၭလိၪၦလၧအချဲၩ့ဆၧတီၩလီၫ.- မၩအၥၭ ဘဲၫနီၪတၭ, မွဲနၥံၪယဲးထဲးလၩ့ၦၡၪ့ဖိၪယၬဖိၪ ဒဲမၩန့ ဘုၪၥံၪဂူၫၥံၪအခီၫ့တၭ, နၥံၪမၩဂံၪ့လၧလိးစိၩဖျၩအ ၥၭလါနၫ့တၭ,နၥံၪအီၪလၧအဖၧၩ့အ့ၬ. နၥံၪၥုၪ့စဘံၭ မုအလးလါနၫ့တၭ, နၥံၪအီၩဘၪစဘံၭထံၫလၧအဝ့ၫ
12 ၥံၪဆ့အ့ၬ.- အဂဲးဘဲၫယီၩယၥ့ၪယၫနၥံၪအဆၧမၩမၪ နီၪအီၪအၪမံၩ့, ဒဲနၥံၪအဆၧဒဲၩဘၭနီၪလၧအမွဲအဒိၪ အယိၬလီၫ. နၥံၪမၩအၧၩ့ၦတီၩၦလီၩ့, ဒဲဒိၭန့လၬဆီၪ့ နီၪ,နၥံၪဘိၭကၠၪခွံၬၦၡၪ့ဖိၪယၬဖိၪ လၧတရၫ့အဖၧၩ့
13 လီၫ.- မၩအၥၭဘဲၫနီၪတၭ, ၦလၧအၥုၪ့ဆၭအၥၭဆၭ နီၪမိအီၪလၩ့မါပံၭ လၧဆၧအဆၧၫ့အထီဖၧၩ့နီၪလီၫ. အဂဲးဘဲၫယီၩမွဲဆၧအဆၧၫ့အထီအၧၩ့လီၫ.
14 ဘဲၫၥိၭနၥံၪမိမၧၫ့တၭ, အၪ့ဎၬဆၧဂ့ၩဆံၭး ထီးအၪ့ ဎၬဆၧအၧၩ့လဂ့ၩ. ဆၧမိမၩအၥၭဘဲၫနီၪ, ယဟိဝၩ ဆၧၥုၭမုခမျၧးအယွၩ မိအီၪလၧနၥံၪအၥိၭ, ဘဲၫနၥံၪ
15 စံၭအၥိၭနီၪလီၫ.- ၥၭဂဲၫ့ဆၧအၧၩ့, အဲၪဆၧဂ့ၩတၭ,ဒုၭ အီၪဂုးအီၪခၧၫ့ဆၧစ့ၩရၫ့တီၩ လၧတရၫ့အဖၧၩ့ဆံၭ. ဘၪလဘၪယဟိဝၩဆၧၥုၭမုခမျၧးအယွၩ မိဒုၭဘၪ ခိးဘၪတၩယိၥၭအၡၩ လၧအအီၪလၩ့ထးလဖၪလီၫ.
16 မၩအၥၭဘဲၫနီၪတၭ, ယဟိဝၩဆၧၥုၭမုခမျၧးအယွၩ, ကဆါစံၭဘဲၫယီၩ, ၦမိဂၪ့အုၩဂၪ့ထိၬၥီၫထၪ့လၧဖၧၩ့ ၥၭထီးအလူၬအဖၧၩ့း ၦမိစံၭလၧဖၧၩ့ၥၭမုထီးအလူၬ အဖၧၩ့း အၩလါၬ အၩလါၬ တၭမိကိၭၦမၩကၩၥံၪလၧ ဂၪ့ခိၪဘဲၫၥိၭအမိဂၪ့အုၩဝ့ၫ, ဒဲၦလၧအဂၪ့ဆၧယၧၩ့ ဆၧၥ့ၪလဖၪနီၪ, ဘဲၫၥိၭအမိဂၪ့ဆၧယၧၩ့ဆၧၥီၫထၪ့
17 လီၫ.- ကယဲစဘံၭမုအလးလဖၪအဖၧၩ့ထီးအလူၬနီၪ, ဂၪ့ကိၭၡၭဆၧမိအီၪဝ့ၫလီၫ. အဂဲးဘဲၫယီၩယလ့ၩခၫ့ ဂၬဆၧလၧနကျၩ, ယဟိဝၩစံၭဝ့ၫဒၪ.
18 ၦလၧအဆိၫ့ဘၪ ယဟိဝၩအမုလနံၩၥံၪဧ့,နၥံၪဘၪ အၡၪ့လီၫ. မွဲအအီၪလၧနၥံၪအဂးဘဲၫၥ့ၪလဲၪ. ယဟိ
19 ဝၩအမုနံၩနီၪမွဲဆၧခံၭတၭ, ဆၧဖၩ့အ့ၬ.- မၩအၥၭ ဘဲၫၦစဲၪ့ခွံၬလၧဆၬလၥၧၫ့လဒုၩ အမ့ၬယၫတၭ, ဖုၫ ထၫ့လဒုၩဒၪဘၪဝ့ၫအၥိၭနီၪး အ့ၪလမွဲဘၪဘိၩ, မၩ အၥၭဘဲၫအလ့ၩနုၬ လၧဂံၪ့ဖၧၩ့တၭ, မံၫနၩ့ဒံၩ့ခံၫ့ဒိၭ နဲၩ့အၥၭလၧဆၧဒီၪ့အလီၩ့တၭ, ဂူဖျၭဘၪဝ့ၫအၥိၭနီၪ လီၫ.
20 ယဟိဝၩအမုလနံၩနီၪ မိမွဲဆၧခံၭတၭ, မွဲဆၧဖၩ့ အ့ၬ.ဆၧခံၭၥၧၫ့ဆၧဖၩ့အီၪ လၧအဖၧၩ့နးဆံၭအ့ၬနီၪ, မွဲအ့ၬဧၪ.
21 နၥံၪမၩဘိၪ့အမုနံၩလဖၪနီၪ, ယၥၭဂဲၫ့အဝ့ၫၥံၪ,ယ ၥၭလိၪအဝ့ၫၥံၪတၭ, ဘၪယၥၭလၧနၥံၪအီၪကီၪ့အမု
22 နံၩလဖၪအ့ၬ.- နၥံၪမၩဘိၪ့ယၧၩလၧဆၧလုမ့ၪ, ဒဲဆၧ မၩဘိၪ့ကိၪမုၬလါနၫ့တၭ,ဘၪယၥၭနးဆံၭအ့ၬ.ယယိ နၥံၪအဆၧလုမၩဘၪလိၬအိၭလိၬ လၧနၥံၪအဆၧဖိၪ
23 ဆၧဎါအဘီၪ့နီၪဆ့အ့ၬ.- မၩန့ထၪ့ခွံၬနၥံၫကျံၩဆၧ အၥီၫလၧယအီၪဆံၭ. အဂဲးဘဲၫယီၩ နၥံၪအၥၫ့ထီး
24 အၥီၫမုၬနီၪယခိၭနၪအ့ၬ.- မွဲဆၧစ့ၩရၫ့နီၪယွၩလၩ့ဘဲၫ ထံၫအၥိၭဒဲဆၧတီၩဆၧလီၩ့ဘဲၫထံၫမိၡါဖၭဒိၪအ
25 ထံၫအၥိၭနီၪဆံၭ.- နၥံၪမၩဘိၪ့ယၧၩလၧဆၧလုဒဲဆၧ ဆၧမၩဘိၪ့ၥံၪလၧၡါမုနၧၫ့ဖၫအနံၪ့ လံဆံၫအထးဖၧၩ့နီၪ,
26 မွဲအ့ၬဧၪး အံၫစရ့လၭအၡၩဂံၪ့ဖိၪၥံၪဧ့,- လါနၫ့တၭ, နၥံၪဆိၬနၥံၪအမိလီၭ ဒဲခဲအၧၩ့နၥံၪအယွၩလၧနၥံၪတဲၩ့
27 လၧနၥံၪအဂးနီၪ, အၡၪလီၫ.- မၩအၥၭဘဲၫနီၪတၭ, ယမိအၪ့မၧၫ့နၥံၪလ့ၩကဲၪဎီး လၧဒမၭစကၧၭ အဝါလ ခီၫ,ယဟိဝၩစံၭဝ့ၫဒၪ, အမံၩ့မွဲဆၧၥုၭမုခမျၧးအယွၩ လီၫ.