4
1 ခိၭနၪဆၧချဲၩ့ယီၩဆံၭး ဘၫၡၫ့အချီမိလၧအအီၪဝ့ၫ လၧစမ့ရအၫအခိၪလီၩ့ လၧအမၩအၧၩ့ၦၡၪ့ဖိၪလၧအ မၩလၩ့ဘျ့ၭ ၦလၧအဘၪၡၪ့ဘၪနၭ,လၧအစံၭအက
2 ဆါလဖၪ,ဂဲၫဆိၬ,အီၩၡီၩ့ဆၧဆံၭ.- ကဆါယဟိဝၩ ဆိၪလၩ့အၥၭ လၧအဆၧဆံၫ့ဎံၪအကၠီၩ့တၭ, စံၭဝ့ၫ ယိခွါ,မုနံၩလဖၪမိဂဲၫဘၪနၥံၪ ထီးဆၧမိထုၭထၪ့ခွံၬ နၥံၪလၧနိၪပုၭ, ဒဲနၥံၪအဆၨၩအဆၬ လၧခွ့ၩလဖၪ
3 လီၫ.- နၥံၪမိစဲၪ့ထၪ့ခွံၬ လၧဆၧဘုၪ့ဖိး အလးဖၧၩ့, လဂၩတီၩလၧအမ့ၬယၫလဂၩတီၩလၧအမ့ၬယၫဆုၬ ဆုၬတၭ, ဆၧမိခွံၬၡိၭခွံၬနၥံၪ လၧနီးလဖၪအဖၧၩ့,ယ ဟိဝၩစံၭဝ့ၫဒၪ.
4 ဂဲၫလၧဘ့ၥလၭတၭ, မၩမၪဆၧ, မၩအၪထၪ့ဆၧမၪ လၧဂံလဂၫလၭအဖၧၩ့တၭ, ဂဲၫဆိၬနၥံၪလုထၪ့ဆၧ ကိၭဂီၩဒ့ၭ, နၥံၪမၩဘိၪ့ဆံၫပိၩ့လပိၩ့ လၧၥၧၫ့နံၪ့လ
5 ဘျၩ့ဆံၭ.- လုထၪ့ဆၧလုစံၭထၪ့အၪ့အူၭအီၪလၧကိၪ မံၪတၭ, ကိၭထၪ့ဆၧမၩဘိၪ့ဒၪဆၧနီၪ, ဒုၭနါဂၧၫ့ဆၧ ဆံၭ.အဂဲးဘဲၫယီၩ နၥံၪအဲၪဆၧဘဲၫနီၪၥိၭလီၫ. ၦအံၫ စရ့လၭဖိၪၥံၪဧ့, ကဆါယဟိဝၩစံၭဝ့ၫဒၪ.
6 ယဖ့ၪလၫ့နၥံၪအမဲၪဆံၫ့ လၧနၥံၪအဒိၩ့ထီးအလူၬ အဖၧၩ့တၭ, လၧနၥံၪအနီးဖၧၩ့ ထီးအလူၬနီၪကိၪလ အီၪဘၪလါနၫ့တၭ, နၥံၪဂဲၫထဲၩ့ထဲၩ့လၧယအီၪအ့ၬ.
7 ယဟိဝၩစံၭဝ့ၫဒၪ.- ဆၧကူၭဘုၪအထီလချႃၭဘၪဒံၭ ဘၪနီၪ, ယပဒၩ့ဆၧဆၧၩ့လၩ့လၩၥၧၫ့ဘံၪ့အထးဖၧၩ့ လါနၫ့တၭ, ယဒုၭဂဲၫဆၧၩ့လၩ့ဆၧလၧဒိၩ့လဖျိၪ့အဖၫ့ ခိၪတၭ, လၧဒိၩ့အဂူၫဂၩလဖျိၪ့ အဖၫ့ခိၪနီၪ, ယဒုၭ ဆၧၩ့လၩ့ဘၪအ့ၬ. ဆၧဂဲၫဆၧၩ့လၧဂၪ့ခိၪအဝၩ့အဖၫ့ ခိၪတၭ, လဝၩ့လၧဆၧလဂဲၫဆၧၩ့ဘၪလၧအဖၫ့ခိၪနီၪ
8 ၥူၫထၪ့ဎဲၫ့ထၪ့ခွံၬဝ့ၫလီၫ.- ဒိၩ့နံၫဖျိၪ့ၥၧၫ့ဖျိၪ့စဲၪ့ဝ့ၫလၧ ဒိၩ့လဖျိၪ့ဎးဘဲၫၥိၭအမိအီၩထံၫတၭ, ဘျဲၩအီၩဝ့ၫအ့ၬ. မွဲလါနၫ့တၭ, နၥံၪဂဲၫထဲၩ့ထဲၩ့လၧယအီၪအ့ၬ. ယဟိ ဝၩစံၭဝ့ၫဒၪ.
9 ယထးနၥံၪလၧလံၩခိမၩဆၫဘုၪၥံၪဂူၫၥံၪ, ဒဲနၫလ့ လီၫ. နၥံၪအကျိၭလဖၪ, ဒဲနၥံၪအစဘံၭမုအလး, ဒဲ နၥံၪအချိၪ့ဒိၩ့ၥၪ, ဒဲနၥံၪအၥံၪ့အလဲအိၫ့အၥၪနီၪထွ့အဲၪ့ ကျိၩဆၧအၪ့ခွံၬဝ့ၫလီၫ. လါနၫ့တၭ, နၥံၪဂဲၫထဲၩ့ထဲၩ့
10 လၧယအီၪအ့ၬ. ယဟိဝၩစံၭဝ့ၫဒၪ.- ယအၪ့မၧၫ့လၩ့ ယူၭဆၧၥံၫချဲၫ့ လၧနၥံၪအကျၩ ဘဲၫလၧအံဇံၭအဖၧၩ့ အၥိၭနီၪ,နၥံၪအၡၩဖိၪၥၪခွၫလဖၪနီၪ ယမၩၥံၫအဝ့ၫ ၥံၪလၧနၭအီၪလၧနၥံၪအကၥ့ၪလၧၦဖီၪ့န့ဝ့ၫတၭ, ယ အၪ့မၧၫ့နၥံၪအတဲၩအလးနီၪ အဆၧနၧၩ့အုၪဂဲၫနုၬလၧ နၥံၪအနၫဖၧၩ့လီၫ. လါနၫ့တၭ, နၥံၪဂဲၫထဲၩ့ထဲၩ့လၧ
11 ယအီၪအ့ၬ. ယဟိဝၩစံၭဝ့ၫဒၪ.- ယမၩဂၭဂီၩ့ခွံၬနၥံၪ လနၩ့နၩ့, ဘဲၫယွၩမၩဂၭဂီၩ့ခွံၬစီဒၧၫ့, ဒဲဂမိရၫအၥိၭ နီၪတၭ,ဆၧမၩနၥံၪဘဲၫမ့ၪအၧၩ့ဖၭ လၧဆၧဖျဲးန့ထၪ့ ခွံၬလၧမ့ၪကျၩအၥိၭနီၪး လါနၫ့တၭ,နၥံၪဂဲၫထဲၩ့ထဲၩ့
12 လၧယအီၪအ့ၬ.ယဟိဝၩစံၭဝ့ၫဒၪ.- မၩအၥၭဘဲၫနီၪ တၭ,ယမိမၩနၧၩဘဲၫယီၩ, အံၫစရ့လၭဧ့, မွဲလၧယမိ မၩနၧၩဘဲၫယီၩအကၠီၩ့တၭ, တဲၩ့ဝဲၩနၥၭဘဲၫၥိၭနမိ
13 ဒၪလိၬလၧနယွၩဆံၭ, အံၫစရ့လၭဧ့,- အဂဲးဘဲၫယီၩ, ယိခွါ,ၦလၧအမၩခိၪလီၩ့ထိၩ့ချိၬ ဒဲတဲၩ့လၩ့လံၩမု လဖၪတၭ, ၦၡၩဆီၫ့မီၪ့ဝ့ၫ ဘဲၫၥ့ၪလဲၪဘဲၫၥ့ၪလဲၪနီၪ, လီၩဘၪအဝ့ၫတၭ, အီၪက့ၪမုဂီၩလၧဆၧခံၭတၭ, စဲၪ့ ဝ့ၫလၧဂၪ့ခိၪအလးထၪ့ထီၫလဖၪအဖၫ့ခိၪနီၪ, ယဟိ ဝၩ,ဆၧၥုၭမုခမျၧးအယွၩနီၪ, မွဲအမံၩ့လီၫ.