CHUNGH 67
Nhaiqshoqlang Chunghthwe
1 Mangso eh, ngamoq lyis nhaiqnyen zis yah
shvmanh dyei aq.
Ngamoq lyis shohgyo zis yah yoeuh dyei aq. (Selah)
2 Housoeh lyis mungkvn gonh nah ehnyet yoh seq das;
dius nyau dvnganh nah khyuot yoeus cho yoh seq das.
3 Mangso eh, dius jens nvng lyis chungh bas jungh;
dius jens dvnganh nvng lyis chungh bas jungh.
4 Nvng gas dius jens lyis lyi jus khyvlyis soetuon dyei zis yahge
nyeisjvng dius nyau khanghmuh lyis choshe yvmvyah,
dius nyau jens gausyis zis yah gauslaus chunghthwe kat bas jungh. (Selah)
5 Mangso eh, dius jens nvng lyis chungh bas jungh.
Dius jens dvnganh nvng lyis chungh bas jungh.
6 Maunyeis gas yhomh das jyo thuq los nhang.
Mangso, ngamoq Mangso ngamoq lyis shvmanh dyei.
7 Mangso ngamoq lyis shvmanh dyei;
dvkhauyah dah dius jens dvnganh nyang lyis nyoqnho ngelang dyei bas jungh.