CHUNGH 23
Yhensain ka Yvng Yoeuh Soeu
1 Yhensain ka yvng nghuot dah ngos lyis yoeuh soeu nghuot.
Ngos cha ma chah lo.
2 Chungh noeuh yos katjang mas nyang ngos lyis whop nhang lha,Ref 23.2: Nyoq 7.17
pyo dah jeisyvm mas shwih e.
3 Nyang ngah dyos lyis yom saiq dyei las,
nyah nyings xiklyis ngos lyis dan cho pheh shwih loh.
4 Ngos shei siyet dah langhkhau mha suh lai laus eq
nvng ngos yah dvgeh nghuot yvmvyah ma gis cho lhyi ngos ma gyuk;
Nah dunghkuq yahge lhamloq gas ngos lyis nhaiqtaink dyei.
5 Ngah jeswus xikkhonh mas nvng ngah xiklyis zojus khyoq toh dyei:
nvng ngah uhloms lyis coeu juot dyei las, ngah kom dyingh muis joq.
6 Jyoengh nyang ngos kang dwis dvchank gis cho yahge nhaiqnyen cho ngah thang mha chank los las,
Yhensain dah yhen mha vcaiq vto xauh nyeis das.