14
1 Joeui bos dah vmesbih gas nyah yhen kuot toh. Koh dah vmesbih gas nyah yhen lhyi nyah wotwu yah dvthyoq sanh tyamp.
2 Dan cho chank suh soeu ka Yhensain lhyi gyukwoms nyeis. Nghuot laus eq guih cho chank suh soeu ka Yhensain lhyi chaxwe ma nhang.
3 Koh bang gas khwank zis yah taiq gvng mas yobos xauh. Nghuot laus eq joeui bos bang dah nhuotkuk gas nyamoq lyis gomh toh.
4 Noeulu ma nyeis lyis yos ma xauh phuk las jyo ma joq; nghuot laus eq noeulu dah yom gvng mas jyo vbomsdom je los.
5 Yoh loms phoh kanghjyoeng ka ma hwah. Ma ying kanghjyoeng ka hwah dang kyingh dvtaiq.
6 Jwangh soeu ka joeui xo laus eq ma yoh; nghuot laus eq seqgyo soeu ka seq cho lwis lwis yoh.
7 Koh soeu lhyi jhank aq: khasoeh ge lyis nvng nyah nhuotkuk masyah seq cho yoh das zis ma nghuot.
8 Zaih soeu ka joeui bos: khasoeh ge lyis nyang cha kuot das zis seq; koh soeu ka koh: khasoeh ge lyis nyang mhuih soeu dvnghuot.
9 Koh bang gas nyamoq yaunos kuot lyis chaxwe ma nhang; nghuot laus eq ehnyet zungh bang yaunos kuot lyis nyamoq rhen lha mehoq tamp cho xo.
10 Nvng gaus cho lhyi eq, nvng kuk cho lhyi eq jyoengh hank ma yoh bos seq dyei.
11 Lhung soeu dah yhen ka toeu-mhuk tyamp das; nghuot laus eq ehnyet zungh soeu dah yhen ka ung los das.
12 Dius xiklyis cho dvkhamh gas jus teh nghuot laus eq, thang thank lyis hauh cho ka shei cho pheh dvloh mvbeh.
13 Yis nyeis lyis yangh nhaiqkuk nyeis mvbeh, pyo cho dah vthang ka kukxi zis nghuot mvbeh.
14 Guih soeu ka nyah cho yah nyang xauh zo das. Dius gis gas nyang kuot vgus phauh shangh zis xauh das.
15 Nhaiq ma bos soeu ka cha taiq cha lhyi jingh; nghuot laus eq, zaih soeu ka nyah beszoh lyis vlhomuh nghamh yoeuh.
16 Joeui bos soeu ka Mangso lhyi gyukwoms las ma gis zis lyis jhank, koh soeu ka khwank zis yah chaxwe ma nhang dvkuot.
17 Phyiqkhyi chung soeu ka koh cho kuot; Joeui bos soeu ka nyens nyens dvkuot.
18 Nhaiq ma bos bang dah vso vlho vkoh vpaq nghuot; nghuot laus eq zaih soeu ka seq cho dah phauh shangh zis xauh das.
19 Ma gis bang gas gis bang xikkhonh mas, lhung bang gas dan bang dah khyam khomh mas gop das.
20 Dius dvyuk gas shohjyen lhyi nyah yhenkyoh yangh nyang lyis hoeng; nghuot laus eq dis soeu ka dyenschangh nyoshoq yoh.
21 Nyah yhenkyoh lyis dius ngis khyoq soeu ka yaunos dap soeu nghuot. Nyungs soeu lhyi nhaiqnyen soeu ka ngelhoq.
22 Ma gis khaujeini bang cho whang loh das. Gis khyvlyis nghamh bang gas jyetdap sainhnos cho yahge lomluk cho xo nyvng.
23 Yomkat zwi khank las kang khoeu soeu ka vmyat yoh das; nghuot laus eq tsung lha dang taiq yenh soeu ka shohjyen loh das.
24 Joeui bos bang gas dis cho phauh shangh zis xauh. Koh bang gas koh cho kyingh dvzes yoh los.
25 Jus dah kanghjyoeng ka kang lhyi lhuiq kat. Ma ying kanghjyoeng mha hwah zis bos.
26 Yhensain lhyi gyukwoms zis gas nghamhnywe cho dyei. Lo jens eq khaugus yoh das.
27 Yhensain lhyi gyukwoms cho ka kang dyei. Houka dius jens lyis shei dah lhyik masyah yoh khyuot yoeus dah jeisthuq dwang teh nghuot.
28 Dius moqjens nyo zis gas hwankti dah nyoqnho ngelang nghuot. Dius nain lyis nyang dyoqbis loh.
29 Nhaiq lvnyap ma yo soeu ka seqgyo cho zainsmuh bos, nghuot laus eq nhaiqyo gyangh soeu ka nyang koh cho chixoeuq.
30 Ehnyet nyens zis gas gungs lyis yanghzan nhang. Noh zis gas shohyau lyis cuih nhang.
31 Shohjyen bang lyis nhiq zaiq zis gas nyamoq lyis kuot toh, Mangso lhyi loeusmus soqzo nyeis. Nghuot laus eq nyungs bang lyis nhaiqnyen soeu ka Mangso lhyi nyoqnho ngelang dyei.
32 Lhung soeu ka nyah lhung cho mha shang tyamp zis xauh das. Dan soeu ka shei loh lyis yangh khaunges gus bos.
33 Seqgyo cho bos soeu dah ehnyet mas joeui lungh joq. Koh bang dah ehnyet gas joeui ma bos.
34 Dan cho ka dius nyau lyis kuhxing nhang; nghuot laus eq yaunos gas dius nyau lyis xoqphuh nhang zis nghuot.
35 Joeui bos dah jyeidwis lyis hwankti nhaiqdoeus. Nghuot laus eq xoqphuh nhang dah jyeidwis lyis nyang joeng.