15
1 Dvyoq nyangh thang lhyi Samson ka nyah yhensain nyhiq yah xauhgoh das xiklyis beqlo dvdoeu she lha e loh. Houka sunghso yhomh nyos nghuot. Nyang nyah yukphoq lyis, Ngos ngah yhensain nyhiq yvp mas wvng mes, ge.
Nghuot laus eq nyang lyis ma wvng nhang.
2 Nyang Samson lhyi taiq zis gas, Nvng nyang lyis hoeng oen ngos jyoengh nghamh. Housoeh las nyang lyis nah dyenschangh lyis dyeizo goeus. Cha nghuot nghuot nyah vnoeuh zes yungh. Nyah gungsthaiq nyang lyis yoh yoeus, ge.
3 Samson taiq zis gas, Namoq Philisti jens lyis nos nhang das zis gvshih ngos gis dah jyamp yos yoh goeus. Ngos lyis hank eq yobos ma huon das, ge.
4 Housoeh las Samson ka womkhuih somhxo doeu loh nyhik. Hauh yvlyis aiq doeu dvxom xom lhyank masyah twih tsomp las hau twih jyuk mas nyisont tsain twih tap.
5 Hauh thang lhyi nyang hauh nyisont mas nyi bat tap las hau womkhuih jens lyis Philisti sunghso yos pheh tsain khat kat. Housoeh sunghso phu kyingh ma nghuot ma yet shih dah sunghso yos eq ngheq kat. Zvbiq khyam eq tsanlun saiq eq ngeh loh.
6 Philisti jens gas, Haih zis hank kuot, ge nyei goh lyis, Timna mas Samson dah yukphoq gas Samson dah yhensain nyhiq lyis Samson dah dyenschangh phoq lyis cheh dyeizo yvmvyah Samson kuot yvlyis tsain seq. Housoeh las Philisti jens hauh vmesbih lyis los ngheq sat, nyah uwus yhen lhyi eqnote 15.6 Hau vmesbih yahge nyah yhenbang lyis ngheq sat, ge. ngheq tyamp.
7 Samson nyamoq lyis taiq zis gas, Heika namoq khasoeh kuot zis nghuot. Ngos namoq lyis lvto ma yoh phuk dvchank ma no das oen maukhi, ge.
8 Samson ka Philsti jens lyis zan las nyamoq nyoshoq lyis sat. Hauh thang lhyi nyang Etam luktyoq luk-uk mas loh nyeis.
Samson Philisti lyis Ung
9 Philisti jens gas Yuda mau mas thoenkgus jesdvp los thoeng lha Lehi wus lyis zan.
10 Yuda jens gas, Namoq ngamoq lyis chamus zan, ge. Nyamoq gas, Samson lhyi nyhik las nyang ngamoq lyis kuot teh kuot das zis los, ge phuk taiq.
11 Housoeh las haih Yuda somh khyoengh gas Etam luktyoq luk-uk mas, Samson lhyi loh taiq zis gas, Philisti jens yang lyis guon bang nghuot zis nvng ma seq lhyeh? Nvng ngamoq lyis cha kuot, ge. Nyang gas, Nyamoq ngos lyis kuot teh ngos eq nyamoq lyis kuot, ge.
12 Nyamoq taiq zis gas, Ngamoq heimha los zis gas, nvng lyis twih las nyamoq loq mas kyauh das nyhenshang nghuot, ge. Samson nyamoq lyis taiq zis gas, Ngos lyis namoq nyang ma sat das oen dangthoengh dyei geh, ge.
13 Nyamoq taiq zis gas, Ngamoq xamxonh, ngamoq nvng lyis twih las nyamoq lyis dvkyauh das, ngamoq nvng lyis ma sat das, ge. Housoeh las nyang lyis twih saiq aiq khvt yah twih las luktyoq masyah shwih thuq los.
14 Nyang Lehi mas jweh lyis Philisti jens gas nyah jyank mas tsain wuih los las nyang lyis tsain kaiq. Yhensain dah yomsoq gas nyang lyis nyetlos nyettant yombos nhang lha nyah loq nyah loqyom mas twih dah twih lyis khying nyi ngeh teh lang thyet tyamp.
15 Hauh thang lhyi Samson gas, Mauhlyihzoe shahba yau jen dvkoeuq nyvng. Nyang hauh yvlyis kui lha hauh zis yah dius dvkhyoengh sat.
16 Housoeh las Samson yhang zis gas,
Mauhlyihzoe shahba yau jen yah ngos dius dvkhyoengh sat.
Mauhlyihzoe shahba yau yah ngos nyamoq lyis vzungs zungs boms toh, ge.
17 Hauh thang lhyi nyang hau shahba yau doeuh tyamp. Haih zis bweh dah joqyos lyis Ramat Lehi ge nyhink.
18 Hauh thang lhyi Samson ka jeis svsoh shet los las nyang Yhensain lhyi kaiq dung zis gas, Nvng ngos lyis haih ung cho zainsmuh dyei goeus. Gvshih ngos jeis shet shei bah ge goeus. Housoeh hai Mangso lhyi ma seqnote 15.18 Mangso lhyi ma seq: Vthyoh ma tyomh dah Philisti jens lyis nyhik loh nhang das lhyeh, ge.
19 Housoeh Mangso ka Lehi mha nyeisjvng mas dwang phank las jeis thuq los. Samson hau jeis shuk thang lhyi daus bi loh. Housoeh las hauh jeisthuq dwang lyis Hakonote 15.19 Hako ge dah nyings gas, Hebre mas, Lui soeu ge vjyuk bos. ge nyhink. Hauh zis Lehi mha joq shih.
20 Philisti jens hauh mau lyis guon nyeis uhlyis Samson ka Israel jens lyis aiqci zvn shwih uhshe khoq.