9
Yoba
1-2 Nghuot goeus, ngos hau dvnganh xauhgyo ku:
Nghuot laus eq cangsoeu dius gas Mangso yah tyi dah soe mha khasoeh yoh ung das lah?Ref 9.2: Yob 4.17
3 Dvyuk yuk nyang yah khasoeh taiq khyank goh das?
Nyang gas hank khanhamp eq ma yoh toeuh dah dang dvkhyoengh yoh nyei.
4 Mangso ka joeui bos, yomsoq bos las
nyang lyis tyi lha hank ma yoh yap.
5 Nyang gas boms lyis hank ma soh kat xwih tyamp.
Nyang nhaiqyo zis yah hauh yvlyis mhont tyamp.
6 Nyang gas maunyeis dwis nhang lha nyeisjvng lyis nhont.
Nyang gas nyeisjvng lyis thuk toh dah zains lyis tsain nhont.
7 Nyang buis ma canh das xiklyis yoh zwi toh.
Nyenh lyis kyi ma bvng das xiklyis eq gos toh.
8 Mangso maukhung lhyi lhywa toh,
nghuot ya thomh jeisphauq thoq mas yomsoq bos.
9 Mangso ka Woms kyi, Shohkhat kyi,Ref 9.9: Yob 38.31; Amo 5.8
Kyijyon, yahge mautyi shot kyijyon jens lyis maukhung mha lhangh toh.
10 Nyang kuot dah muh zains jens,
ma thank lo dah nyah yomsoq muh jens lyis yang ma yoh thoq seqgyo.
11 Mangso lai loh laus eq ngos nyang lyis ma yoh nyvng.
12 Nyang o zis yoeus loh laus eq hank eq nyang lyis ma yoh tomp toh;
hank eq nyang lyis, Nvng cha kuot nyeis, ge ma womh nyei.
13 Mangso ka nyah nhaiqyo zis ma bi;
nyang yah loqyom tyonh goh dah thomh mvnjung lyis thungh thyi tyamp.
14 Housoeh las ngos Mangso lhyi phuk taiq das dang khasoeh yoh xo nyvng das lah?
15 Ngos yobos ma bos laus eq ngos yoh kuot zis gas
ngos lyis soetuon soeu Mangso jyank masyah nhaiqnyen cho dvyoh dung.
16 Ngos nyang lyis lui las nyang toeuh lyis yangh,
nyang ngah thwe lhyi gyo dyei oen ma loms shih.
17 Ngos chah soe ma bos yvmas nyang lyeisjyang nhang lha ngos lyis batthyi dvmtap.
18 Ngos lyis daus ma bi nhang,
ngah kang dwis cho mha khoh zis yah dyingh nhang.
19 Yombos cho mha oen lhyi, Mangso ngah thoq lyis yombos;
lyi jus cho mha oen lhyi nyang lyisnote 9.19 N yang lyis ge zis Hebre mas gas, Ngos lyis, ge toh. hank shwih los das?
20 Ngos yobos ma bos lomluk, nghuot laus eq ngah dang gas yobos bos teh nghuot.
Ngos taiq ya taiq zis dvnganh gas ngos lyis dang thang thyet teh nghuot.
21-22 Ngos yobos ma bos laus eq, ngah xiklyis cha ma nghamh, ngos kang ma mes dwis nyeis lo.
Yobos bos laus, ma bos laus cha nghuot laus eq Mangso ka yang lyis mhont das.
23 Yobos ma bos soeu nyetlos nyettant shei lhyi Mangso yis.
24 Mangso ka lhung bang lyis mungkvn dyei;
soetuon bang dvnganh lyis nyoqjet nhang.
Hauh zis Mangso ma kuot lyis hank kuot?
25 Ngah buisnyeis gas wuih khyank goh lai, dvkoeuq eq ma gis.
26 Ngah kang ka nyap thank lhyik teh lai loh, shoh dyvm dvng dah zonsmuh teh nyap.
27-28 Ngos nos zis tohnyhik shoq kuot laus eq
hauh zis ngos lyis los doms thungh nhont.
Housoeh Mangso ngos lyis yobos bos ge zwi toh zis ngos seq.
29 Housoeh ngos yobos bos ge zwi toh goeus ya ngos chamus loeutyonh lo das?
30 Ngah yaunos lyis chah sapya yah ma yoh cheih tyamp.
31 Mangso ngos lyis ma lhoq dwang mas doeuh kat las,
ngah dyimis yangh ngos lyis xoq das.
32 Mangso ka dius nghuot ya ngos nyang lyis yoh phuk taiq;
ngamoq soetuon jang mas loh las ngamoq dyoqgoh cho lhyi yoh thyet.
33 Nghuot laus eq ngamoq jo mas los las
Mangso yahge ngos lyis soetuon dyei das zis hank ma bos.
34 Mangso eh, ngos lyis joeng cho no lo aq!
Nah gyukphoh zis yoeus tyamp dyei aq.
35 Ngos, ngvnyang ehnyet seq yvmvyah,
ngos ma gyuk, ngos dang taiq das.