17
1 Ngah kang thank das zis ni goeus, ngos soq ma yoh she lo;
ngah xiklyis cha ma nyet lo, lop kyingh dvjoq lo.
2 Ngos gas yuk khanghmuh ngos lyis \q2 kha iq khoh shoq jwangh yvlyis zungh yoeuh nyeis.
3 Mangso eh, ngos gas dang jings. Ngah dang lhom yoeus dyei aq.
Ngos taiq yvlyis hank eq ma bos thuk.
4 Nvng nyamoq nghamh yoeuh das ehnyet nyheih tyamp dyei las
gvshih nyamoq ngos lyis v ung nhang.
5 Sodang cauh mas, Dvyuk yuk nyah dyenschangh lyis unghzo soeu ka,
nyah lo jens hauh yvlyis xauh kham, ge.
6 Gvshih dius jens haih sodang yhung lha ngos lyis tyi;
nyamoq ngah nyoqnho mha svkanh los dyeh gyon.
7 Ngos kuk cho ka ngos lyis nyoq vluk jet nhang;
ngah loqyom yahge khyei ka siyet teh gyih goeus.
8 Dang jings ge bang mauh dvn loh.
Nyamoq dvnganhmoq ngos lyis mangso ma bos soeu lhyi teh yobos tsain huon.
9 Phauh nyang gis ge bang gas nyamoq jus ge yvlyis
zes zes loms shoq kuot.
10 Nghuot laus eq nyamoq dvnganhmoq ngah xikkhonh mas los yap lyis,
nyamoq mas joeui bos soeu dvyuk yangh ma nyvng das.
11 Ngah buisnyeis tsain lai loh goeus;
ngos nghamh toeuq toh zis dyoq tyamp goeus;
ngos nghamhloms zis dyuk goeus.
12 Nghuot laus eq ngah dyenschangh jens gas nyenh gas nyeih nghuot ge;
nyamoq taiq lyis bvng zis ni los goeus ge laus eq,
ngos gas chuot yvmas dvnghuot joq zis ngos seq.
13 Ngos nghamhloms zis gas shei mau kyingh dvnghuot,
ngos chuot yvmas lhain lha yhet das.
14 Ngos lop lyis ngah uwus,
ngos lyis zo dah lukdung lyis
ngah ungwes, ngah nhamhmuh jens oen lui das.
15 Ngah dah nghamhloms cho ka khamha?
Ngah xiklyis nghamhloms cho hank ma yoh nyvng.
16 Ngos shei mau mas gyoh loh uhlyis
nghamhloms cho ngos yah ma loh das.