10
Phoengh Wvng Cho Rhen
1 Ezra shvmanh dung las curhen, ngaus, Mangso dah Yhenmuh xik mas paiq nyeis uhlyis Israel mas dah dius jens vbusbih, vmesbih, loshang jens bos moqphung ka nyah jyank mas zain los las nyamoq svsoh ngaus.
2 Hauh uhlyis Elam vhuh, Yehiel lo Shekhania Ezra lyis taiq zis gas, Ngamoq gas haih mau mas gohnyau lonyi lyis yoeus las, yah Mangso lhyi cu goeus, nghuot laus eq haih yvmas Israel jens xiklyis nghamhloms chank bos shih.
3 Housoeh las gvshih nvng ngah yhensain eq, yah Mangso taiq toh dang lyis gyukwoms bang eq, ngamoq lyis joeui da dyei zis yah dvyhangteh, ngamoq dah yhensain nyhiq jens yahge lo jens lyis tyamp das xiklyis, yah Mangso xikkhonh mas thanghchvp tsain toh goh. Hauh yvlyis Mangso dah lyi yah dvyhangteh kuot goh.
4 Toq aq, haih soe ka nah yvwons nghuot, ngamoq eq nvng yah dvgeh nghuot las womh ehnyet bos zis yah kuot aq, ge.
5 Hauh uhlyis Ezra toq las phudyei uhshe bang, Lewi jens dah uhshe bang yahge Israel jens dah uhshe bang dvnganh, Shekhania dah dang yah dvyhangteh chank kuot das ge, nyamoq mau khi.
6 Hauh thang lhyi Ezra gas Mangso dah yhen ganthoq masyah toq las Eliashib lo Yehohanan dah yvp mas wvng loh. Nyang houmha jweh lyis jons luiq los bang lom ma luk gvng mas nhaiqkuk nyeis. Nyang wom ma zo, jeis ma shuk.
7 Housoeh las nyamoq gas Yuda mau yahge Yerusalem wus gonh mas jonsdoeus loh masyah tauh los bang dvnganh Yerusalem mas huom chah ge kyoh kat.
8 Uhshe bang yahge logis jens joeui da zis yah dvyhangteh, somh nyeih gyo lyis ma los soeu hank laus eq nyang yoh vyhang somh das, nyah gungs eq jons luiq los bang moqphung mhayah kangh tyamp das, ge.
9 Housoeh las Yuda yahge Benyamin yukgis jens dvnganh gas somh nyeih gyo, gau vkhyvp dvci aiq vnyeih lyis Yerusalem, Mangso dah yhen ganthoq pazoe mas huom. Haih soe gvng mas eq, maugis wus las eq dius jens dvnganh gas nvn nyeis.
10 Hauh uhlyis phudyei Ezra toq las nyamoq lyis taiq zis gas, Namoq lom ma luk, Israel dah yobos zes lyei shoq gohnyau bang lonyi yoeus.
11 Housoeh las Yhensain phauh thyeih moq dah Mangso lhyi curhen lha, nyang o khyvlyis kuot geh; namoq haih mau mas dius jens yah gang geh, gohnyau yhensain nyhiq jens lyis kangh tyamp geh, ge.
12 Moq dvphung gonh kaiq toeuh zis gas, Nghuot goeus, nvng taiq khyvlyis ngamoq kuot das.
13 Nghuot laus eq dius nyo zis yahge maumuh jyang wus nyeis las nghe mha ma yoh yap joq. Haih yobos mas ngamoq nyoshoq bang bos goeus las dvnyeih aiq nyeih yah yoh dye das zis ma nghuot.
14 Moqphung gonh xiklyis, yamoq dah zau jens lyis kuot nhang goh. Lholhyi gohnyau nyi yoeus bang gas doengs toh shishenh lyis, hank eq hank wus mas dah logis jens yahge soetuon bang yah dvgeh los das, housoeh kuot lyis hauh soe yah sen lha yah Mangso dah nhaiqyo cho, yah jyank masyah we loh mvbeh, ge.
15 Asahel lo Yonathan yahge Tikwa lo Yazeia kyingh, hauh cho lhyi he. Meshulam yahge Lewi dius Shabethai eq nyah aiq yuk yah xamxonh.
16 Jons luiq los bang gas hauh toeuq cho lhom yoeus las phudyei Ezra gas vhuh uhshe bang masyah vbusbih dvyhamh lyis toeuq toh las nyamoq dah nyings comh toh. Nyamoq hau soetuon das xiklyis lhamhmuh dvci vkhyvp, cangxeih vnyeih lyis xi loh.
17 Gohnyau nyi yoeus bang dah soe dvnganh lyis lhamhmuh somh khyvp gyo lyis dye yen.
Gohnyau Lonyi Yoeus bang
18 Phudyei vhuh mas gohnyau nyi yoeus bang gas, Yeshua vhuh mas Yozadak lo yahge nyah vnoeuh moq Maseia, Elieza, Yarib, Gedalia nghuot.
19 Nyamoq gas nyamoq dah yhensain nyhiq jens lyis tyamp das ge dangthoengh toh. Nyamoq gas yobos bos las yobos khyuot phudyei xiklyis yvnglus dvdoeu phudyei.
20 Ima vhuh Hanani yahge Zebadia.
21 Harim vhuh Maseia, Eliya, Shemaia, Yehiel yahge Uzia,
22 Bashhur vhuh Elioenai, Maseia, Ishmael, Nethanel, Yozabad yahge Elasa eq nghuot.
23 Lewi jens mas eq,
Yozabad, Shimei, Kelaia ge dah Kelita, Pethahia, Yuda yahge Elieza moq nghuot.
24 Chunghthwe kat bang mas eq
Ehashib;
Shalum, Telem, Uri nghuot.
25 Gohtoeu Israel jens mas:
Parosh vhuh Ramia, Izia, Malkhia, Miyamin, Eleaza, Malkhiya, yahge Benaia.
26 Elam vhuh mas Matania, Zekharia, Yehiel, Abdi, Yeremot, Eliya.
27 Zatu vhuh mas Elioenai, Eliashib, Matania, Yeremot, Zabad, yahge Aziza.
28 Bebai vhuh mas Yehohanan, Hanania, Zabai, Atlai.
29 Bani vhuh mas Meshulam, Maluk, Adaia, Yashub, Sheal, yahge Yeremot.
30 Pahat Moab vhuh mas: Adna, Khela, Benaia, Maseia, Matania, Bezali, Binnui, yahge Manase.
31-32 Harim vhuh mas: Elieza, Ishiya, Malkhiya, Shemaia, Shimeon, Benyamin, Maluk, yahge Shemaria.
33 Hashum vhuh mas Matenai, Matata, Zabad, Eliphelet, Yeremai, Manase, yahge Shimei.
34-37 Bani vhuh mas Ma Adai, Amram, Uel, Benaia, Bedeia, Kheluhi, Wania, Meremot, Eliashib, Matania, Matenai, yahge Yasu,
38-42 Binnui vhuh mas: Shimei, Shelemia, Nathan, Adaia, Maknadebai, Shashai, Sharai, Azarel, Shelemia, Shemaria, Shalum, Amaria, yahge Yosep.
43 Nebo vhuh mas: Yeiel, Metithia, Zabad, Zebina, Yadai, Yoel, yahge Benaia.
44 Haih bang dvnganh, gohnyau nyi yoeus. Dvyhamh gas hauh nyi jens mas lo eq bos. Nyamoq gas hauh nyamoq dah yhensain nyhiq jens yahge nyamoq dah lo jens lyis loh lo nhangnote 10.44 Haih zis Hebre mas ma bvng