5
Umtu Dang Tei Humah Dehvo
1 Nangmah sangin upa sawte khi liat pahsun hi; na pa bangin ngaisung inna, hanthawn saw in hi. Khangno deuhte khi na unau bangin ngaisungin hi.
2 Numei upa deuhte khi na nu bangin ngaisung inna, numei khangno deuhte cu lungmu thiangno in, na celnu bangin ngaisungin hi.
3 Amah nguakcangno in umlengtu meivongte khi upatin hi.
4 Mahnaven meivongnu i ca ahimata tuu a nei tale a masabelin, atu le ca ten, a nu le pate ahimata a pi le pute cu amudan i zilhnak bangin cingkhawi in, cawm bok haw hen, itahim titale Pathian lungdamtiktu cu mahti bang na hi.
5 Amah nguakcangno in umlengtu meivongnu cu cingkhawitu kuamah a neih ngawl hangin Pathian bek muangin sun le zan thungenin bopnak ngen hi.
6 Mahnaven tisa nopnak a nungtu meivong cu nung naven a thi hi.
7 Meivongte cu kuamah i mawhsiat tuk ngawlmi a hih theihnak haw tukin hi thuzilhnak hi hilhin hi.
8 Mahnaven mi pa khat cu ama unaupih, a innkua hei cingkhawi ngawlin le imah a simsial ma tale, a upnak nunghek hi a, umngawltu sang hei in sual saw laih hi.
9 Iti bang meivong ahi hei in kum sawm luk hum a kim ma tale meivong cazinah koih pahsun hi. Mah i humah mah numei nu cu pasal vei khat bek neitu hihen.e 5:9 Pasal ei khat bek neitu: tihmi hi ‘a pasal i muantakin nungmi,’ tihvang hi thei.
10 Nadeh phatnakah minpha hihen. Nadeh pha tihmi ah a cano a cingkhawi thiamtu, mikhual zothiamtu, nadeh nautabel ke som hei Khristian unau humah a dek theitu, haksat vansan a tawh haw hunin, mi a bawmtu le thilpha bawlnakah a hun le thazaang a petu hi haw tuk hi.
11 Mahnaven khangno deuh numeite cu meivong lakah telh pahsuh un hi. Itahim titale pasal nei a nuamleh haw ten Khrih khi nunghek mek haw hi.
12 Mahten Khrih lakah a thutiam haw siatsuah lehin, mawhsiat tawk haw hi.
13 Mahbek sial ngawlin inn khat nung inn khat vakin, a hun haw khi thawnthongin botik haw hi. Mah sangin a sia saw mi cu kamtamin le mi sonsia in, mi hempoh tokpilin ot tuk ngawl hei awn haw hi.
14 Mah hangin khangno deuh meivongte cu pasal nei in le cano vang nei in, a inn haw cingkhawi hawleh tih khi deih ing. Mahti bangin ahi tale a ngal uhten eimuh zotsaknak hun nei thei haw tukma hi.
15 Itahim titale meivong khenkhat ten Satan zui nuamin eimuhte zamsan dalh zo haw toh hi.
16 Mahnaven Khristian numei ten a innkua ah meivong a nei tale pawlpi bawm ngittik ngawlin amah in cawm hen. Cawmtu nei ngawlin khua a satu meivong cu pawlpi in zo haw tuk hi.
17 Pawlpi sungah upa, nadeh pha dekin lamhuaitu cu nadeh man a let nihin ngah tukin tak hi. Mah upa lak pen thuhilhnak le thuzilhnakah a zuamzette in ngah tak cuang lalaih hi.
18 Lai Thiangtho in, “Cang a cil limi khuicang cu a muk keen pahsun,” tih le “Na dektu in, a dehman a ngah tuk hihim,” ti hi.Ref 5:18 Daan 25:4; Mt 10:10 Lk 10:7;
19 Thu theihpihtu a dawmbel pa nih bek um ngawlin pawlpi upate sual a notnak haw cu ngai kha pahsun hi.Ref 5:19 Daan 17:6; 19:15;
20 Sualnak a bawltute cu mipi mai pen liat inna, midang ten lau deuh haw tuk hi.
21 Pathian le Jesuh Khrih mai ah hihen, a thiangtho vancungmi tei mai ah tihtak zetin hah ing: na bawlmi hempoh ah kuamah deidan ngawlin le tanpih nimnakte nei tuk ngawlin hih thuzilhnak hi na zui in hi.
22 Topa i nadehnakah pumpiaknak bawl tukin kuamah i humah nawhkhah zetin khut suannak bawlvut thawthong pahsun. Mitei bawlmi sualnakah tel kha ngawlin thiangtho zetin um hi.
23 Tui bekin ngawlin, na vonna le nat dangte a nemcuam deuhnak tukin sabittui dawmno mang thah bokin hi.
24 Mi khenkhatte cu a sualnak haw ciangzet langin, thukhennakah heng paih haw hi. Mi khenkhat tei sualnakte cu dawllam cawng ten lang laih hi.
25 Mahti bangin nadeh pha cu ciangzet langin, a lang laih ngawlmi vang cu selcip theih ma hi.