11
Israel Humah Pathian Hehpihnak
1 Mah ahi tale Pathian in, a mite cu lawl ni maw? Lawl hihim tukma! Keimah vang hi Israel mi, Abraham i casuan Benjamin hin bok ing.Ref 11:1 Filip 3:5;
2 Pathian in, a pattungin, a tenmi a mihingte cu lawl ma hi. Lai Thiangtho sung a ngatmi, Israel mite mitkemin, Elijah in Pathian nelah a otmi khi thei uh ci mei? Elijah in,
3 Topa aw, na profette thatin, na biaklandawhte phialet khawng haw hi; keimah pa khatRef 11:3 1Kum 19:10, 14;
4 bek tangin, “Keimah hei hi thah tum haw!” tin ti hi. Mahten Pathian in itin kaw a don?Ref 11:4 1Kum 19:18;
5 Baal pathian a bia laih ngawlmi keima bul ca in mihing thawng salih nei laih ing. Mahti bang bok lelengin atu hei in, a hehpihnak hangin Pathian in, a tenmi mihing sung pen a tangmi um haw laih hi.
6 Hitih bangin a tennak cu a dehnak hang hi saw ngawlin a hehpihnak hangin hi. Itahim titale Pathian i tenmite hi a nadehnak haw hangin tenmi ahi tale, a hehpihnak tihmi hi hehpihnak tatak hi tukma hi.
7 Mah ahi tale itin tuk kaw? Israel miten zei li haw naven mu haw ma hi. A mutu cu Pathian i tenmi mi demno bek haw hi. Midangte cu a beng haw bulin, Pathian i samnak aw za haw ma hi.
8 Lai Thiangtho in, “Pathian in, a lungmu mit haw thimtikin, tuni tian mu thei haw ma hi,” a tih bangin hi ngangai hi.Ref 11:8 Daan 29:4; Isa 29:10;
9 Mahten David in,
“A puai sung haw a, matmi le thang i awkmi hi haw hen,
lumin bah haw henna, dantatmi hi haw tahen.
10 Amuh theih ngawlnak tukin mit cawtikmi hi haw tahen,
a haksatnak haw van ngit i nuai ah, a el haw cu catngawlin kun haw tahen,” ti hi.Ref 11:9-10 Saam 69:22-23;
11 Mah ahi tale, Judah mite bahin, a lup haw ten, bah nomvawk haw tuk maw? Bah nom haw tukma! Amuh tei sualnak hangin nunpatnak cu Gentail mitei lakah heng hi. Mahmi cu Gentail mitei humah Judah miten iksiknak nei haw hen, tih deihnak hi.
12 Judah mitei sualnakin hi leihumah thupha tampi hengtik hi; a hawvang lam haw zawngkhalnak hangin Gentail mitei lakah thupha muicu tampi pia hi. Judah mite mahzah tin tekmi miphun cangkim zetin, a tel bok haw ten itihzah thupha tam sesem kam ni!
Gentail Tei Nunpatnak
13 Atu-in Gentail mite nangmu lakah thu hilh ing hi: Gentail mitei lakah tiikmi ka hih sungzong cu ka nadehmi ah mitmai pha nei tung hi.
14 Ka phunpih mihingte iksiknak ka neitik tale mi khenkhat bek pan thei nave nang maw ka tihnakin hi.
15 Itahim titale Judah mite lawl a hih haw ten leihum mihingte cu Pathian i ngal a hihnak haw pen a ngualcamin cang haw hi. Amuh Judah mite cosan a hihleh haw hun ten itih bang kam ni? Mithi tei ca in nunnak hi tuk hi.
16 A masabelin cangho ahkhat khi Pathian nelah ap ahi tale, a phil pumpi in amata hi. Thingzungte vang Pathian nelah piak ahi tale, a kangte vang amata hi.
17 A cin haw mi olif kung i a kangkak khenkhatte cu talhin, hampa lak a po mi olif kung kangkak tuah peh haw hi. Noh Gentail mi cu hampa lak a pomi olif kung tuah bangve in, Judah tei hawvang lam nunnak le a thazaang haw co bok uh ci.
18 Mah hangin olif kang talhmi bang ahi mite khi zawnsak pahsuh un hi. Itin kaw na pualthau theih tuk uh? A kangkak bebek hi ve uhcin, a zungte cu noh ten cawm ma uh ci; a zungin nohte cawm saw hi.
19 Noh ten, “Keimu umnak tukin a kangte cu sattan haw hi,” tin tituk uh ci.
20 Mahmi cu thuman hi: amu Judah mite cu a up haw ngawl hangin talhmi hi haw hi; nohte cu na up uh hangin hi mun hi luah uh ci. Mahnaven pualthau in, ultung kha pahsuh un! A lau in lau saw un hi.
21 A bul tuah pehdunin, a kangkak ngangai bang ahi mi Judah mite hei a khawih ma tale ohte cu khawih tuk hi tin maw na ngaihsut uh?
22 Hilai ah Pathian cu hehpihnak neizet naven a thu cu khohzet leleng hi tih cu mu ung. A lum le bahtu tei lakah, a thu cu khohzet naven nohtei lakah hehpihnak neizet hi. Mah hehpihnak sungah na um leleng uh tale hehpih leleng tuk hi; mahnaven na um leleng uh ma tale ehtuahmi hi bok tuk uh ci.
23 Judah miten sang ngawlin a umnak haw a dinmun haw khi a zamsan haw tale, ni dang a umnak hawah koihleh hi haw tuk hi, itahim titale Pathian in pehleh thei hi.
24 Noh Gentail mite cu hampa lakah a pomi olif kung bang uh ci a, a daan bang hi ma naven sattawngin, cinmi olif tuah pehcihmi hi uh ci. Judah mite cu cinmi olif kung a hih haw hangin talhsami a kang ahi haw hei in, a kung lunah pehleh cu Pathian i ca in baih saw ngangai tuk hi.
Mi Hempoh Nelah Pathian Hehpihnak
25 U le naute, selkuhmi thutak um hi, na thei uh ahin deih ing. Mahmi na thei uh tale micip ung tin ngaisung tukma uh ci. Itahim titale Israel tei lungkhohnak cu kumkhua in hi tukma hi; Pathian nelah Gentail mi a heng tuk zah a hen haw laih ngawl sungno tuk poh hi.
26 Israel mi hempoh nunpat a hih haw tuk cu hitih bangin hituk hi. Lai Thiangtho in,
“Zion pen Nunpantu heng tuk a,
Jakob i casuan hempoh tei
phatngawlnak hempoh cu
vawk let khawng tuk hi.Ref 11:26 Isa 59:20;
27 A sualnak haw ka laksak ten
amuh tuah thutiamnak
bawl tung,” a tih bangin
hituk hi.Ref 11:27 Isa 27:9; Jer 31:33-34;
28 Thuthangpha a kik haw hangin Judah mite cu Pathian i ngalin cang haw hi; mahmi cu nangmuh Gentail mitei hangin hi. Mahnaven amu pu le pate hangin amuhte cu Pathian i tenmi ngualcam hi haw hi.
29 Itahim titale akua teng, akua thupha pia tih thu ah Pathian in, a lungmu kheel awng ma hi.
30 Noh Gentail mite, a bosa hunah Pathian thu zui ngawltu hi uh ci; mahnaven atu-in Judah ten Pathian thu a ngaih haw ngawlnak hangin noh ten Pathian hehpihnak ngah zo uh ci.
31 Mahti bang bok lengin Pathian hehpihnak na ngah uhmi khi amuh vangin a ngah boknak haw tukin Judah mite cu Pathian thu ngai ngawlin um haw hi.
32 Itahim titale, mi hempoh tei lakah hehpihnak a neih theihnak tukin Pathian in, a kuakua hei hihen thu ngaih ngawlnak sungah thawngta bangin tangtik khawng hi.
Thangphat Tak Pathian
33 Pathian hehpihnak cu ngeng leita hi! A theihnak le a cihnak cu i bang lawlawm thuk him! A thusoncat mite akua in kaw a hilhciang thei tuk? A hawhnak lampi akua in kaw a theithei tuk?Ref 11:33 Isa 55:8;
34 Lai Thiangtho in,
“ Topa i lungmu cu
akua in kaw a thei?
Ngaihsutnak a pia theitu
um haw maw?Ref 11:34 Isa 40:13;
35 Ama thukleh tukin
akua in kaw thil a pia awng?”
tin, a tihmi bangin hi.Ref 11:35 Job 41:11;
36 Itahim titale ihempoh hi ama bawlmi ngeh hi. Ihempoh hi mah hangin um haw in, ama ca hi haw hi. Pathian nelah kumkhua in sunloihnak um tahen! Amen.Ref 11:36 1Kor 8:6;