6
Thiampi Sang Casuante
1 Levi in capa pa thum nei in, Gershom, Kohath le Merari haw hi.
2 Kohath in capa pa li nei in, Amram, Izhar, Hebron le Uzziel haw hi.
3 Amram in capa pa nih, Aaron le Moses le canu pa khat, Miriam nei hi.
Aaron in capa pa li nei in, Nadab, Abihu, Eleazar le Ithamar haw hi.
4 Eleazar casuante cu khang khat nung, khang khat a nuailamte haw hi. Finehas, Abishua,
5 Bukki, Uzzi,
6 Zerahiah, Meraioth,
7 Amariah, Ahitub,
8 Zadok, Ahimaaz,
9 Azariah, Johanan,
10 Azariah (Jerusalem kumpi Solomon i sakmi Biakinn a nadektu),
11 Amariah, Ahitub,
12 Zadok, Shallum,
13 Hilkiah, Azariah,
14 Seraiah le Jehozadak haw hi.
15 Topa in Judah mi le Jerusalem mite kumpi Nebuchadnezzar khut sung a, salin, a pui laihin, Jehozadak vang tel bok hi.
Levi Casuan Dangte
16 Levi in capa pa thum nei in, Gershon, Kohath le Merari haw hi. Ref 6:16-19 Suah 6:16-19;
17 Amuh ten capa nei tek haw hi. Gershon cu Libni le Shimei tei pa hi,
18 Kohath cu Amram, Izhar, Hebron le Uzziel tei pa hi;
19 Merari cu Mahli le Mushi tei pa hi.
20 Gershon hinnamte cu khang khat nung khang khat: Libni, Jahath, Zimmah,
21 Joah, Iddo, Zerah le Jeatherai hi.
22 Kohath hinnamte cu khang khat nung khang khat: Amminadab, Korah, Assir,
23 Elkanah, Ebiasaf, Assir,
24 Tahath, Uriel, Uzziah le Shaul haw hi.
25 Elkanah in capa pa nih, Amasai le Ahimoth nei hi.
26 Ahimoth i casuante cu khang khat nung khang khat: Elkanah, Zofai, Nahath,
27 Eliab, Jeroham, le Elkanah.
28 Samuel in capa pa nih nei in: Upa cu Joel le nauta saw cu Abijah hi.
29 Merari casuante cu khang khat nung khang khat: Mahli, Libni, Shimei, Uzzah,
30 Shimea, Haggiah le Asaiah haw hi.
Biakinn Lapuitute
31 Thutiam Kuang Jerusalem ah a thawn nung haw ten kumpi David in, Pathian biaknak mun a, lapuitu in, a koih mite cu nuailam a bangin hi.
32 Kumpi Solomon in Biakinn a sak sungin, Topa i umnak Puanbuk sungah hun tekin, la lamah dehvo la haw hi.
33 Lapuitute le a casuante cu: Kohath, hinnam sung pen Heman cu masabel lapuitute hi; amah cu Joel i capa hi. A pu le pate cu Jakob i cikhaih mite haw hi: Heman, Joel, Samuel,
34 Elkanah, Jehoram, Eliel, Toah,
35 Zuf, Elkanah, Mahath, Amasai,
36 Elkanah, Joel, Azariah, Zefaniah,
37 Tahath, Assir, Ebiasaf, Korah,
38 Izhar, Kohath, Levi le amuh cikhaihtu Jakob haw hi.
39 Asaf cu lapui hotu a pa nihnak hi. A pu le pate cu Levi cikhaihte haw hi: Asaf, Berekhiah, Shimea,
40 Mikhael, Baaseiah, Malkhijah,
41 Ethni, Zerah, Adaiah,
42 Ethan, Zimmah, Shimei,
43 Jahath, Gershon le amuh cikhaihtu Levi haw hi.
44 Merari hinnam Ethan cu lapui hotu a pa thumnak hi. A pu le pate cu Levi cikhaih haw hi: Ethan, Kishi, Abdi, Malluk,
45 Hashabiah, Amaziah, Hilkiah,
46 Amzi, Bani, Shemer,
47 Mahli, Mushi, Merari le amuhte cikhaihtu Levi haw hi.
48 A Levi hinpihte cu Pathian biaknak a nadeh a namkim lentu haw hi.
Aaron Casuante
49 Aaron le a casuan ten biaklandawh hum pen namtui halin, biakpiaknak bawl haw hi. Mun Thiangthobel mun a, Pathian biaknak tuah pehdunin, nadeh hempoh le Pathian in Israel tei sual ngaihdamnak tuk bawlmi biakpiaknakte cu amu dehvo hi. Hi nadehnakte cu Pathian i salpa Moses lak a, thupiakmi a um bang cikcekin, dek haw hi.
50 Aaron casuante cu: Eleazar, Finehas, Abishua,
51 Bukki, Uzzi, Zerahiah,
52 Meraioth, Amariah, Ahitub,
53 Zadok le Ahimaaz haw hi.
Levi Mitei Umnak
54 Kohath hinnam, Aaron casuan tei umnak a co haw mi ngamte cu hi bangin hi. Levi mitei lakah khenkhuai mi ngam a co masabeltu cu amuhte hi.
55 A ngah haw sung pen Judah ngam sungah Hebron le a elkim ngan tatnak ngamte tel hi.
56 Mahnaven khuapi el a lo le khuanote cu Jefunneh i capa Kaleb pia haw hi.
57-59 A nuailam a khuate cu Aaron casuan tei lakah pia haw in, buknak khuapi Hebron le Jattir, Libnah, Eshtemoa, Hilen, Debir, Ashan, le Beth Shemesh haw hi, mahten a elkim a ngan tatnak ngamte vang tel hi.
60 Benjamin ngam sungah Geba, Alemeth le Anathoth khua na hi haw in, a elkim a ngan tatnak ngamte vang tel hi. A innkua hawng haw umnak tukin khua sawm le khua thum pia haw hi.
61 Kohath hinnam i unau dadang tei lakah nitumnak lam Manasseh ngam cu a innkua, innkua in aisannak bawlin pia haw hi.
62 Gershon hinnam tei lakah a innkua in, Issakhar ngam, Asher ngam, Naftali ngam le nisuahnak lam Manasseh, Bashan ngamsung a, khua sawm le khua thum pia haw hi.
63 Mahtibang lelengin, Merari hinnam tei lakah a innkua in, Reuben ngam, Gad ngam le Zebulun ngam sungah khuapi sawm le khua nih pia haw hi.
64 Israel miten Levi mitei lakah a umnak haw tuk khuapi le a elkim a ngan tatnak ngamte tuah pia haw hi.
65 (A hum a hilhsa mi Judah ngam, Simeon ngam le Benjamin ngamsung a khuapi cu aisannak bawlin pia haw hi.)
66 Kohath hinnam innkua khenkhat tei lakah Efraim ngam a khuapi le ngan tatnak ngamte pia haw hi.
67 Mah khuapi cu Efraim mualhum ngam a um, ngelhnak khuapi Shekhem le adang khuapi Gezer,
68 Jokmeam, Beth Horon,
69 Aijalon le Gath Rimmon haw hi.
70 Nitumnak lam Manasseh ngam sungah Aner le Bilean khuapi a elkim a ngan tatnak ngam tuah pia haw hi.
71 Gershon hinnam innkua tei lakah a nuailam a khuapi le a elkim a ngan tatnak ngamte pia haw hi.
Nisuahnak lam Manasseh ngam pen Bashan a, ummi Golan le Ashtaroth ngamte pia haw hi.
72 Isskhar ngam pen Kadesh, Daberath,
73 Ramoth le Anem ngam.
74 Asher ngam pen Mashal, Abdon,
75 Hukok le Rehob khua.
76 Naftali ngamsung a, um Galilee peng Kadesh khua, Hammon le Kiriathaim khua hi.
77 Merari hinnam innkua dang tei lakah a nuailam a khuapi cu a elkim a, ngan tatnak ngam tuah pia haw hi.
Zebulun ngam pen Rimmono le Tabor ngam.
78 Reuben ngam, Jordan Ngun pen nisuahnak lam Jerikho khua kalah, mualhum a, um Bezer le Jahzah,
79 Kedemoth le Mefaath ngam.
80 Gad ngam pen Gilead a, Ramoth, Mahanaim,
81 Heshbon le Jazer khua na hi haw hi.