KHANGSIALNAK
Laibu
(Thei First Book of Chronicles)
Thulamsial
Khangsialnak a pa khatnak le Khangsialnak a pa nihnakte hi Samuel le Kumpi Laibu sung a, ummi tam deuhin hilh notlehmi hi. Hi naven zohdan dangno hi bok hi. Khangsialnak sungah Israel mite kumpi a neihnak tangthu a ngat haw ten tuptahmi pa nih um hi.
(1) Israel kumpi uknak le Judah kumpi uknak hinnam siatnak a tawk haw hei in Pathian in, a lak haw a thutepnak a bawl sa mi khotik leleng hi. A hinnam tei lakah a thutep a hen theihnak tukin Judah ngam a ummite mangin nadek leleng hi. Hite hi man hi tih langtiknak tukin David le Solomon tei nehnak ngengpi, Jehosaphat, Hezekiah, Josiah le Pathian hum a muantak mitei lemlehnak a bawl haw mi khi sihsanin mang hi.
(2) Jerusalem Biakinn ah Pathian biak a pat haw daan. Mah biaknakah nadektu thiampi le Levi mitei nadeh sepdun daan. Solomon cu Biakinn a satu hi, mahnaven a bulpantu ngangai cu David hi.
1
Adam Pen Abraham Khan Tian
(Pian 5:1-32; 10:1-32; 11:10-26)
1 Adam cu Seth i pa hi, Seth cu Enosh i pa hi, Enosh cu Kenan i pa hi,
2 Kenan cu Mahalalel i pa hi, Mahalalel cu Jared i pa hi.
3 Jared cu Enok i pa hi, Enok cu Methuselah i pa hi, Methuselah cu Lamek i pa hi,
4 Lamek cu Noah i pa hi. Noah in capa pa thum nei in Shem, Ham le Jafeth haw hi.
5 Jafeth i capate cu Gomer, Magog, Madai, Javan, Tubal, Meshak le Tiras hi haw in, amuh hingtu tei hinnam minpu tek haw hi.
6 Gomer i casuante cu Ashkenaz mi, Riphath mi le Togarmah mite hi.
7 Javan i hinnamte cu Elishah mi, Tarshish mi, Saipras mi le Rodes mite hi.
8 Ham i capate cu Kush, Izipt, Libia le Kanaan hi haw, amuh hingtu tei hinnam minpu tek haw hi.
9 Kush i casuante cu Seba mi, Havilah mi, Sabtah mi, Roamah mi le Sabteka mite hi. Roamah casuante cu Sheba le Dedan mite hi.
10 Kush in capa Nimrod nei hi, Nimrod cu leihumah mi nehtu minthang masabel hi.
11 Izipt casuante cu Lidia mi, Anam mi, Lehab mi, Naftuh mi,
12 Pathrus mi, Kasluh mite hi. (Krete mite cu Filistin mitei cikhaihtu hi.)
13 Kanaan i capa upabel cu Sidon hi, a sangtu cu Heth hi, amuh hingtu tei hinnam minpu tek haw hi.
14 Kanaan i cikhaihmi cu Jebus mi, Amor mi, Girgash mi,
15 Hiv mi, Arka mi, Sin mi,
16 Arvad mi, Zemar mi, le Hamath mite hi.
17 Shem i capate cu Elam, Asshur, Arpakshad, Lud, Aram, Uz, Hul, Gether, le Meshek haw hi, amuh hingtu tei hinnam minpu tek haw hi.
18 Arpakshad cu Shelah pa hi, Shelah cu Eber pa hi.
19 Eber in capa pa nih nei hi, pa khat cu Pelegnote 1:19 Peleg: tih cu Hebru awnin, khendunnak tihnak hi. hi, itahim titale ama khanin leihum mihingte cu khendun khawng haw; pa nihnak cu Joktan hi.
20 Joktan i casuante cu Almodad mi, Shelef mi, Hazarmaveth mi, Jerah mi
21 Hadoram mi, Uzal mi, Diklah mi,
22 Ebal mi, Abimael mi, Sheba mi
23 Ofir mi, Havilah mi le Jobab mite hi.
24 Shem pen Abram tian a hinnam haw cikhaihtute cu Shem, Arpakshad, Shelah,
25 Eber, Peleg, Reu,
26 Serug, Nahor, Terah, le
27 Abram haw hi. (Abram cu Abraham tin sam hi.)
Ishmael Casuante
(Pian 25:12-16)
28 Abraham in capa pa nih, Isaak le Ishmael nei hi.
29 Ishmael i casuante cu Nebaioth, Kedar, Adbeel, Mibsam,
30 Mishma, Dumah, Massa, Hadad, Tema,
31 Jetur, Nafish, le Kedemah haw hi. Amuhte cu a hinnam nam sawm le nam nih tei cikhaihtute haw hi.
32 Abraham in Zineu Keturah nei in, capa pa luk hing hi: Zimran, Jokshan, Medan, Midian, Ishbak le Shuah haw hi. Jokshan in capa pa nih, Sheba le Dedan nei hi.
33 Midian in capa pa nga nei in Efath, Efer, Hanok, Abida le Eldaah haw hi.
Esau Casuante
(Pian 36:1-19)
34 Abraham i capa Isaak in capa pa nih, Esau le Jakob nei hi.
35 Esau i capate cu, Elifaz, Reuel Jeush, Jalam le Kerah haw hi.
36 Elifaz cu Teman mi, Omar mi, Zefi mi, Gatam mi, Kenaz mi, Timna mi le Amalek mitei cikhaihtu hi.
37 Reuel cu Nahath mi, Zerah mi, Shammah mi le Mizzah tei cikhaihtu hi.
Edom Ngam A Um Masabelte
(Pian 36:20-30)
38-42 Edom ngamah a um masabelte cu a nuailam a Seir capa tei cikhaihmi haw hi.
Lotan cu Hori le Homam hinnam tei cikhaihtu hi. Lotan in celnu pa khat Timna nei hi.
Shobal cu Alvan, Manahath, Ebal, Shefi le Onam hinnam tei cikhaihtu hi.
Zibeon in capa pa nih, Aiah le Anah nei hi. Anah cu Dishon i pa hi, Dishon cu Hamran, Eshban, Ithran le Kheran hinnam tei cikhaihtu hi.
Ezer cu Bilhan, Zaavan le Joakan hinnam tei cikhaihtu hi.
Dishan cu Uz le Aran hinnam tei cikhaihtu hi.
Edom Kumpite
(Pian 36:31-43)
43-50 Israel ngamah kumpi a um haw laihngawlin, a nuailam a kumpi ten Edom ngam cu a sasangin uk haw:
Dinhabah khua mi Beor capa Bela,
Bozrah khua mi Zerah capa Jobab,
Teman pengmi Husham,
Avith khua mi Bedad capa Hadad; Hadad cu Moab ngam a Midian ngal nehtu hi.
Masrekah khua mi Samlah,
Tuipi mawk a Rehoboth khua mi Shaul,
Akbor capa Baal Hanan le
Pau khua mi Hadad ten uk haw hi. Hadad zi Mehetabel cu Matred canu le Mezahab tunu hi.
51 Hadad a thih nungten Edom ngam cu a nuailam hinnam bangin khendun haw; Timna, Aliah, Jetheth,
52 Oholibamah, Elah, Pinon,
53 Kenaz, Temar, Mibzar,
54 Magdiel le Iram haw hi.