SAAM LABU 81
Puai Bawlnak La
1 Eimu lam a tangtu
Pathian nelah lungdamin um un,
Jakob i Pathian nelah
thangphatnak lasa un!
2 Awnmawi tum pan unna,
khuang neute tum un.
Phaidaak a ngeng le neute tumin
la mawi sa un.
3 Ha Thak ni le ha lik ni ten
puai bawlnak tuuki mut un.Ref 81:3 Mipum 10:10;
4 Himi cu Israel ngamsung daan hi.
Jakob Pathian i thupiakmi hi.
5 Izipt ngam a do haw lai khin
Israel tei nelah a piakmi
thukham hi.
6 Ka theih awng ngawlmi
aw za ing,
Mah aw in, “Na ngum a puakmi
vanngit uh cu dawn ing,
na nadehnak uh bawm cu
khuntik ing.
7 Haksatnak tawkin keimah
na sam uhten pan ing.
Ka ngelhnak huihpi sung pen
don ing.
Meribah tuiputnak el pen
nangmuhte khingkhai ing.Ref 81:7 Suah 17:7; Mipum 20:13;
8 Ka mihingte ngallinnak
ka piakmi hi ngai un;
Maw Israel, ka thu hi
na ngaih tuk uhin deihzet ing!
9 Ngamdang pathian
ituk mahten nei pahsuh un.
Keimah sial ngawl pathiannote
bia pahsuh un.Ref 81:9 Suah 20:2-3; Daan 5:6-7;
10 Keimah hi Topa
na Pathian uh hi ing.
Izipt ngam pen nangmuh
suahtu ing.
Na kamka unna, nangmuh
11 Mahnaven ka mihing ten
ka thu ngai haw ma hi.
Israel miten ka thu
zui haw ma hi.
12 Mah hangin amu thinliannak bangin
ngamtatik ing.
Amu nuam bangin umtik ing.
13 Ka mihingte hi ka thu ngaitik
nuamzet ing.
Ka thu a zui haw ahin
deihzet ing.
14 A ngalte manlang zetin
neh tung a,
Amuh a dotute cu
bawlsia tuk naveng!
15 Keimah huatute cu launak tuah
ka mai ah a lu haw kuntik tung.
Amuh ka dantatnak cu
kumkhua phat tuk hi.
16 Sangvut phabel tuah vak tung a,
suang lak a, khuaitui cu
khamzet tuk uh ci,” ti hi.