SAAM LABU 75
Thukhentu Pathian
1 Maw Pathian aw,
nang thangphat ung.
Nangmah thangphat ung hi.
Na thawmngeng dan cu
tang aupih ung,
Nalamdang na bawl mite hilh ung.
2 Pathian in, “Thukhennak ni
ciangtan zo ing.
Mah ni ten thu a manin
khen tung.
3 Leipi le a hum a ummi hempoh
a pai khawng vangin,
leipi dinnak bul cu khotik tung hi.
4 Mi ultungte tuangkhawng
li tuk ngawltohin hilh ing;
Mipha ngawlte pualthau
tuk ngawlin hilhtik ing.
5 A tuangkhawnnak haw tawp tukin le
a ultunnak haw cawl tukin
6 Thukhentu cu nisuah le
nitumnak hei pen hihen,
saklam le hanglam hei pen
hihen hung ma hi.
7 Mi thukhentu cu
Pathian hi, mi khenkhat cu
nemsukin, mi khenkhat cu
dangto hi.
8 Topa in, a khut sungah
hai cawi hi,
Mah hai cu a thinuknak
sabittui tuah dim hi.
Leih sukin, mipha ngawl hempoh ten
in haw;
Nungdawlbel a tangmi cak khat tian
9 Mahnaven Jakob i Pathian thu le la
hilh le son cu cawl awng tuk mang.
A nelah thangphatnak lasak vang
cawl tuk mang.
10 Amah in mipha ngawl tei
huham cu siatsuah tuk hi;
Mahnaven mipha tei huham cu
khangtotik tuk hi.