SAAM LABU 65
Lungdamnak le Thangphatnak
1 Maw Pathian aw thu ngetnakte
na ngaih hangin,
Zion mualah nang cu
keimuh tei thangphat tak ci.
2 Ka thutep uhmi kimtik tuk ung,
mi hempoh cu amuh tei
sualnak ca in,
Topa i nelah zuan
haw tuk hi.
3 Ka sualnak uh a tam leita hei in,
ka sualnak uhte zah ci.
4 Na ten mite cu mi lungdam
hi haw hi;
Na mun thiangtho ah
na umtik mite, mi lungdam hi haw hi.
Na inn a thilpha le
na Biakinn thiangtho pen
thupha muicute ka nget uh hangin,
lungmuangzet tuk ung hi.
5 Maw Pathian aw,
ka thungetnak uhte hi,
ngai in nehnak pia ci.
Nalamdangte bawlin keimuh pan ci.
Leihum khua le ngam hempoh
tuipi kal a um,
mihing akua a bangin
nangmah muang haw hi.
6 Na ngilnak tuah mualte cu
tohin, na huham langtik ci.
7 Tuipi thum aw le tuicawk thum
ngingte daitikin,
mi tampi tei buai cecu
thawmnging vang,
nangmah in daitik ci.
8 Nalamdangte na bawl hangin
leihum buppi ten lau haw hi.
Na thil bawlmi hangin
lungdam au thawm cu
leipi mawk khat pen mawk khat tianin
thangkhawk hi.
9 Lei ngam na ih hangin nguah zutik ci.
Lei ngampha tukin leihum
lei alin bawl ci,
Na bawlmi luituite cu kang awng ma hi.
Leihumah ankungte potik ci.
Mahtizah pha in thil bawl ci.
10 Nguah tampi zutikin leilehmi
lo nomtik ci.
Lei nemtikin, ankung pote
khangtotik ci.
11 Na phatnak i hangin itih zahin
an tam suak him?
Na hawhnak hempoh ah ihempoh
deihzahin um hi.
12 Philnel ngamko lak a
hamhing umnak munah
tuuhon, keelhon umin,
mualbawk cu hamhing
13 Lo hempoh cu tuuhon tuah dimin,
munlawnte cu sangvut
nguakcangin dim hi.
Ihempoh cu lungdam thatui in,
lasa in au haw hi.