SAAM LABU 53
Mihing i Phat Ngawl Daan
(Saam 14)
1 Misil ten a lungmuno haw in,
“Pathian umma,” ti haw hi.Ref 53:1 Rom 3:10-12;
Mihingte hi itih zahin kaw a siat haw?
Mullinghah thil tampi a bawl haw hi.
Thil pha bawltu pa khat hei
um haw ma hi.
2 Mihing tei lakah cihnak a neitu le
Pathian biatu pa khat bek
um haw maw, tin
Pathian in vancung pen zo hi.
3 Mahnaven a venghawng haw in
lam khial khawng haw hi.
A lungmu sung haw tianin
sia khawng zo hi.
Kuamah thilpha a bawltu
um haw ma,
4 Topa in, “Hi mipha ngawlte hi,
theihtupnak imah nei ngawlmi
hi haw maw?
Mihing ten cangho a eih haw bangin
ka mihingte ei khawng haw hi.
Ka lakah thungen haw ma hi,” ti hi.
5 Mahnaven amuhte cu vei khat mah
a tawh awng haw ngawlmi
launak tuah thinsu linglawngin
um haw tuk hi.
Itahim titale Pathian in, a ngal tei nguhte
khenkhektik khawng hi.
Pathian in, amuhte a lawl zo hangin,
Israel miten neh hihim haw tuk hi.
6 Zion pen Israel lakah patnak
a hung a hin deih na vengin,
Pathian in, a mihingte
a khantohtikleh ten,
Jakob i casuante lungdam haw tuk a,
Israel mite thatuizet haw tuk hi.