SAAM LABU 4
Taklam Thungetnak
1 Maw Pathian aw, kei pantu,
ka sam ten don zalin!
Lungbingin ka um ten hungin,
ka lung awngtik ci.
Kei hehpih inna, ka thungetnak
2 Noh mihingte, itik tian kaw
kei na zotsak tuk uh?
Itik tian kaw imah nemcuam ngawl
nate deihin, zolthute
na zui hih tuk uh?
3 Topa in amata tukin
kei teng zo hi, ka sam ten za hi,
tih thei leleng un hi.
4 Lau unna, sual toh pahsuh un.
Na zaunak hum uh pen
thindai no in ngaisung ditdet un.Ref 4:4 Efe 4:26;
5 Topa i lakah a dikmi
biakpiaknak pia unna,
6 “Maw Topa muicu pia zal inna,
hehpihnak tuah kei hu zo zalin!”
tin a titu tamzet haw hi.
7 Nangma piakmi lungdamnak cu,
an le sabit tampi a neitu tei,
lungdamnak sangin nase saw hi.
8 Ka hihbuh bek ten lungmuang zetin
hihbu ing;
Maw Topa nangmah bek
keimah humhimtu ci.