SAAM LABU 29
Pathian Ngilnak le Sunloihnak
1 Maw vancungmite aw,
Topa thangphat un.
A sunloihnak le a thawm ngengnak cu
thangphat un.Ref 29:1-2 Saam 96:7-9;
2 Topa i min sunglawi cu
thangphat un.
A sunloihnak tuah a lang ten,
thiangthobel mai ah kuun un.
3 Topa i aw cu tuipi humah thang hi.
Sunglawibel Pathian cu
vanthum bangin thum dudum hi.
A aw cu tuipi thuanthum humah
hawl dudum hi.
4 Topa i aw cu thil ti thei zetin
nasezet hi.
5 Topa i aw in sidar thingkung,
Lebanon a sidar thingkung tian
ektik khawng hi.
6 Aman Lebanon mualte cu,
khuino munteu bangin dawktikin,
Hermon mual cu ngamsialno bangin
dawktik hi.
7 Topa i aw in, khuapheleptik hi.
8 A aw in, phillawn hingtikin hi.
Kadesh phillawn vang hingtik hi.
9 Topa in thingkungte hingtikin,
thingcehte vang kulhtik khawng hi.
Mahlai a Biakinn sungah
a venghawng haw in,
“Pathian nelah sunloihnak um tahen,”
10 Topa in tuithukte ukin;
kumpi cu a kumkhua in uk hi.
11 Topa in, a mihingte cu
zaangtha ngilnak pia in;
lungmuannak tuah muicu pia hi.