SAAM LABU 26
Mipha Pa i Thungetnak
1 Topa aw, sual nei ngawl hi,
tin kei hu ti zalin,
itahim titale a dikmi bawl ing a;
ka lungmu venghawngin
nangmah muang ing.
2 Topa aw, kei hi
zo cian inna, khingkhai in hi.
Ka deihnak le ka ngaihsutnak hei
khingkhai in hi.
3 A kheel awng ngawlmi
na ihnak tuah kei cing ci.
Muantak na hihnak tuah
kei pui leleng ci.
4 Mipha ngawlte cu phial ngawlin,
mi tihem tei lak hei ah tel mang hi.
5 Mi awklawl tei lak a tel cu
hua in, mipha ngawlte pial ing.
6 Topa aw, khial mang hi,
tih langtiknakin ka khut som ing.
Nangmah bia thahin, na biaklandawh cu
kiimin, nangmah bia ing.
7 Na lakah lungdamnak lasa in,
nalamdang thil na bawl mite cu hilh ing.
8 Topa aw, na umnak inn le
na sunloihnak umnak munah
um tuk cu deih mahtak ing.
9 Misual tei lakah kei siatsuah cih
pahsun hi,
Laithatte tuah hei in,
kei siatsuah pahsun.
10 Amuh cu catngawlin sualnak
a bawltu le mi nawhthuh
pia lelengtute haw hi.
11 Mahnaven kei cu thildik a bawltu ing.
Kei hehpih inna, hup zalin hi.
12 Thinsuk launak mun pen luat zo ing.
Mipi khawpnak munah
Topa cu pahcawi tung hi.