SAAM LABU 25
Lamhoihnak le Humhimnak Tuk Thungetnak
1 Topa aw, ka nunnak
nangmah ap ing.
2 Ka Pathian, nangmah muang ing.
Mualpho zahcaknak pen luattik zal inna,
ka ngal ten ka humah thincim
haw ma hen.
3 Nang a muangtu cu a zakca awng
haw ma hi;
Nang a suamtu cu mualpho in
um tahen.
4 Topa aw, na lampi ah
kei hu zilh inna, na lampi cu
theitik zalin hi.
5 Na thudik bangin nung tukin
kei hu zilhin hi.
Itahim titale nang cu keimah pantu hi ci.
Sun nilui in nangmah ngak ing.
6 Topa aw, tanglaih pepanin,
na langtikmi, na mi hehpihnak le
a khelleh awng ngawlmi,
na mi ihnak cu phawkleh zalin hi.
7 Ka neulaih a ka khelhnak le
ka thil bawl sual mite, ngaidam zalin hi.
A khelleh awng ngawlmi na ihnak le
na phatnak hangin,
Topa aw, kei hi phawkngil zal pahsun.
8 Topa cu dikin pha hi;
Misualte lampi pha zilh hi.
9 Mi niamkhiatte cu lampi dikah pui in,
ama deihnakte zilh hi.
10 A thukham le a thupiakmi
a zuitute cu, itnak le muantak
a hihnak tuah lampui hi.
11 Topa aw, na min hangin,
ka sualnak cu ngaidam zalin hi.
Itahim titale ka sualnak cu tamzet hi.
12 Topa a kihcatu cu akua him?
A zui tuk lampi cu Topa i lak pen
cung haw tuk hi.
13 Amuh cu mi neinung hi leleng
haw tuk a, a cano haw vang
himdamno in, a ngam luah haw tuk hi.
14 Topa cu a thu zuitu tei
ngualcam hi in, a thutepmite na zilh hi.
15 Bopnak deihin Topa cu
zo leleng ing.
Amah in thang sung pen luattik hi.
16 Topa aw, ka lamah hek inna,
hehpih zalin;
Itahim titale ka lunglengin,
tha kiamzet ing.
17 Ka thinkhamnak hempoh hi dawn inna,
ka haksatnak sung pen kei pan zalin;
18 Ka haksatnak le ka thuaknak hi
theihpih inna, ka sualnak hempoh
ngaidam zalin hi.
19 Ka ngalte hi zo inna, itih zahin kaw
a tam haw;
iti lawlawmin kaw kei a huat haw!
20 Kei hup inna, pan zalin,
zahcaknak pen kei luattik zalin,
belh tuk deihin, na lakah zuan zo ing.
21 Ka phatnak le ka diknakin,
kei hu cingkhawi zal tahen.
Itahim titale kei cu nangmah
22 Topa aw, na mi Israel hi,
a haksatnak haw sung pen
luattik zalin hi.