SAAM LABU 144
Kumpi In Pathian Thangphat
1 Ka belhnak suangpi
Topa cu thangphat un!
Ngal do dan le ngalnam dan cu
amah in zilh hi.
2 Amah cu ka belhnak suangpi le
ka kulhtian hi.
Ka himnak tukin amah muang ing;
Miphun dangte cu
3 Topa aw, na ngaihsut tak tukin
mihing hi i hi haw kaw?
Mihing thongpoh cu i hi haw a,
na kinmawh lih?Ref 144:3 Job 7:17-18; Saam 8:4;
4 Mihing cu haihawh thongpoh hi.
A nunsung cu a pai lelem thei
lim bang hi.
5 Topa, van khi hong inna,
lang sukin,
Mualte khi zen inna, meikhu tul tuk hi.
6 Khuapheleptik inna, na ngalte
khenkhekin;
Na thalcang kap inna
taitik khawngin!
7 Humlam pen na khut san inna,
Tui thukpi sung pen
dok tulin pan zalin;
Thudik a son awng ngawl mi le
8 Siatcamnak tuah zolthu a sontu,
Ngamdang mitei khut sung pen
9 Maw Pathian aw, na lakah
la thak sa tung;
Phaidaak tumin la sahsak tung.
10 Kumpi tei lakah nehnak pia ci,
Na sila David cu pan suak ci.
11 Hehpihnak nei ngawl ka ngal tei
khut pen hup inna,
Thudik a hilh awng ngawltu le
siatcamnak tuah zolthu a sontu,
Ngamdangmi tei khut sung pepan zalin hi.
12 A capate uh cu khangno a hih haw laihin,
phazet le ngil zetin khangtomi
thingkung bang hi haw hi.
A canute uh cu kumpi inn mawitiktu.
Innkil a phutmi suang khuam bang hi haw hen.
13 A beem uhte cu an namkim tuah dim hen.
A lo ngamsung uh a tuu
a thawng a zain cano nei haw hen.
14 A khuihon uhte pungzai haw henna,
Pai thong le cuculh tihmi umma hen.
A lampi uhah thasia in,
15 Mahtibang ngam cu ngam muicu hi;
Topa Pathian cu
Pathian hi tin, a biatu miphun cu
mi muicu hi haw hi.