SAAM LABU 143
Bopnak Tuk Thungetnak
1 Maw Topa ka thungetnak
ngai inna,
Hehpih ka ngetnak theihpih zalin hi.
Nang cu a dikmi na hih hangin
donleh zalin hi.
2 Na thukhennak munah,
kei na sila hi koih zal pahsun!
Na mitmuhah misual ngawl
kua mah umma.Ref 143:2 Rom 3:20; Gal 2:16;
3 Ka ngal ten hualin, nase zetin
neh zo hi.
A thimmi thawnginn sungah koihin,
tanglaihin, a thi zo mite bang ing.
4 Mah hangin ka lungbingzet zo.
5 A bosa mi ni le hate theileh ing;
Na thil bawl mite phawkleh ing,
Na bawlmi hempoh ka lungmu sungah
lang hi.
6 Na lakah thungenin ka khut zak ing.
Leiko in tui a kin bangin,
ka hawvangin nangmah kin hi.
7 Topa! donleh zalin;
Muansannak nei ma toh ing.
Ka lak pen ngelh zal pahsun!
Mah ahimata mithi ngam
a hawhtu tei lakah.
Kei vang tel kha bok kawn ing.
8 Nangmah bek muang ing hi;
A khohmi na itnak cu
zingsialin theitik zalin hi.
Ka thungetnak cu na lakah heng hi.
Ka hawhnak tuk lampi lak zalin hi.
9 Topa aw, humhimnak deihin,
na lakah hung ing;
Ka ngal tei khut pen luattikin hi.
10 Nangmah cu ka Pathian ci;
Na deihmi bawltu tukin zilhin hi.
Ka humah pha zal inna,
lampi lawnah pui zalin hi.
11 Topa aw, na tepsa bangin
pan zalin hi.
Na phat hangin ka haksatnak sung pen
luattikin hi.
12 Kei na deih hangin ka ngalte cu thatin;
na sila ka hih hangin, a bawlsiatute siatsuah khawngin;