SAAM LABU 118
Nehnak Ca Lungdam Thungetnak
1 Topa i lakah lungdamnak thu hilh un,
Itahim titale amah cu pha hi.
A ihnak cu kumkhua in kho hi.Ref 118:1 1Khang 16:34; 2Khang 5:13; 7:3; Ezr 3:11; Saam 100:5; 106:1; 107:1; 136:1; Jer 33:11;
2 Israel miten,
“A itnak cu kumkhua in kho hi,”
ti haw hen.
3 Pathian i thiampi ten,
“A itnak cu kumkhua in kho hi,”
ti haw hen.
4 Amah a kihcatu ten,
“A itnak cu kumkhua in kho hi,”
ti haw hen.
5 Ka haksat laihin Topa cu sam ing;
Ka samnak thei in luatnak pia hi.
6 Topa cu ka lakah um hi;
imah lau tuk mang.
Mihing ten ka humah
ikaw a bawl theih haw tuk?Ref 118:6 Heb 13:6;
7 Keimah bawmtu cu Topa amah hi.
Ka ngalte a sun haw ka mitin mu tung.
8 Mihing muan sangin,
Topa muansan pha saw hi.
9 Leihum upate muan sangin,
10 Ka ngalte cu ka elkimah um khawng haw;
Mahnaven Topa i huham tuah
siatsuah khawng ing.
11 Ka elkim pan kil khawng haw;
Mahnaven Topa i cahnak tuah
botik khawng ing.
12 Khuai bangin ciam li haw;
Mahnaven hamcam meikang bangin
kang khawng haw hi.
Topa i huham tuah
13 Neh tuk loli in nase zetin do haw;
Mahnaven Topa in
keimah bawm hi.
14 Topa in huham neizet le
ngil zetin keimah bawl hi;
Amah cu keimah pantu hi.Ref 118:14 Suah 15:2; Isa 12:2;
15 Topa i mihingte a puanbuk
haw pen nehnak, lungdamin,
a au lih haw cu ngai hem un;
“ Topa i huhamin neh zo hi.
16 A huhamin nehnak pia zo hi.
A ngal nehnak huham thawmin!”
17 Thi tuk mang, dam tung a,
Topa i thil bawl mite phuang tung.
18 Nase zetin keimah dantat zo.
Mahnaven thihtik phal ma hi.
19 Ka ca in Biakinn kongkhah honsak zalin;
tum tung a, Topa thangphat tung.
20 Topa i kongkhah cu hihi hi;
a dikcang mite bek tum thei haw tuk hi.
21 Topa aw, ka aunak thei in,
Nehnak kei na piak zo hangin
22 Inn satu tei a lawl haw mi suang cu,
a nemcuambelmi suangpi in cang zo hi.Ref 118:22 Lk 20:17; Nung 4:11; 1Pet 2:7;
23 Mahmi cu Topa i bawlmi hi;
Zoh nop ngangai si mei!Ref 118:23 Mt 21:42; Mk 12:10-11;
24 Iti bang ni sunglawi kaw
Topa in kei a piak?
Lungdam thatui in um nung!
25 Kei hupin, Topa,
lawhtingtik zalin! Ref 118:25 Mt 21:9; Mk 11:9; Jn 12:13;
26 Topa i minin, a hungtu cu
Pathian in muicu pia zal hen!
Topa i Biakinn pen
muicu pia ung hi.Ref 118:26 Mt 21:9; 23:39; Mk 11:9; Lk 13:35; 19:38; Jn 12:13;
27 Topa cu Pathian hi;
Oh tei lakah vaknak pia zo hi.
Na khut uhah thingkang cawi in
puai cu bawl unna,
28 Nang cu ka Pathian hi ci,
lungdamnak thu hilh tung,
Na thawm ngengnak tang aupih tung.
29 Topa i lakah lungdam thu hilh un,
Itahim titale amah cu pha hi;
A ihnak cu kumkhua in kho hi.