SAAM LABU 103
Pathian i Itnak
1 Maw ka nunnak, Topa cu
thangphatin hi.
A sung a ummi hempohin,
a min thiangtho cu thangphat un.
2 Maw ka nunnak, Topa cu thangphatin,
A phatnak hempoh phawkngil pahsun.
3 Amah in ka sualnak hempoh zahin,
ka natnak hempoh damtik hi.
4 A thukmi khan pen suahin;
itnak le hehpihnak tuah
kei muicu pia hi.
5 Ka nunnak cu thilpha tuah dimtikin,
Muvanlai bangin cak le
tangzangin um ing.
6 Topa in bawlsiat a thuaktu tei
lamtangin thu khen hi;
A man mi bangin bawlsak hi.
7 A tuptah mi cu Moses lakah hilhin,
thil a tih theih daan cu
Israel lakah langtik hi.
8 Topa in hehpihnak le
hehpihnak nei hi;
A thinduai in itnak tuah dim hi.Ref 103:8 James 5:11;
9 Miliat leleng tukma hi,
Kumkhua in, a thinuk bok tukma hi.
10 A thuak tuk uh zahin
thuak tuk phal ma hi,
A sualnak uh le a mawhnak uh
zahin dantat ma hi.
11 Itahim titale van cu leihum sangin
a sang saw bangin,
Amah a kihcatu tei ca in,
a itnak cu sangzet hi.
12 Nisuahnak cu nitumnak pen,
a khawlazet bangin,
A sualnak uhte cu eimu lak pen,
khawlazetah koih hi.
13 Pa in, a cate cu, a hehpihzet bangin,
mah bangin Topa in,
amah a kihcatute cu hehpih hi.
14 Itahim titale amah in, a taksa uh
semsuah daan cu thei in,
leivul a hihlam uh thei leleng hi.
15 Mihing i nunnak cu hampa bang hi;
Khangto in hampa lak a,
pak bangin pak hi.
16 Huihin mutin paithongta hi,
Kuamah in muleh haw ma toh hi.
17 Mahnaven amah a upattu tei ca in,
Topa i itnak cu,
kumkhua in kho in,
18 A thutepnak bangin a nungtu le
A thutep bangin a zui lelengtu ca in
A phatnak cu khang tawntungin kipkho hi.
19 Topa in, a kumpi khunnak cu
vancungah koihin,
amah cu ihempoh i humah kumpi hi.
20 Maw vancungmite, noh mi ngil le
thil ti theite,
A awn ngai in, a thukham a zui tute,
Topa cu thangphat un.
21 Maw van ngalkapte ama deihmi
a bawlsak tute le
ama na a dektute, Topa cu
thangphat un.
22 Topa i semsuah mite,
a uk sung khua hempoh a ummite,
Topa cu thangphat un,
Maw ka nunnak,
Topa cu thangphatin hi.