36
1 Josef i capa Manasseh, Manasseh i capa Makhir, Makhir i capa Gilead hin tei innkua tek a, hotu cu Moses le a dang puitu tei lakah hawhin,
2 “ Topa in hi ngam cu Israel tei lakah aisanin, semdun tukin thupia hi. A unau pih uh profet Zelofehad i ngam cu a canu tei lakah piak tukin thupia bok hi.Ref 36:2 Mipum 27:7;
3 Mahnaven a canu ten Israel hinnam sung a, hinnam dang pasal a nei tale, a ngam haw cu mah tei hinnamta in suak tuk a, a venghawng uh i ngahmi ngam cu neu dedeuh tuk hi.
4 Na neihmi le leingam zuaksa mi hempoh a nei masatu lakah kikleh kum a heng vangin Zelofehad canu tei ngam cu a kumkhua in, a pasal hinnam tei leingamin cangvawk tuk a, ohte cu sung ngangai tuk hung hi,” tin ti haw hi.
5 Mah hangin Moses in Israel tei lakah, Topa i thupiak bangin thupia hi. “Josef hinnam hotu tei a hilh haw mi hi thudik hi.
6 Topa i thupiakmi cu hi bangin hi. Zelofehad canu ten a deih haw mi kua hei hihen pasal thei haw tuk hi. Mahnaven amu hinnam sungmi bek hi tuk hi.
7 Israel mi hempohin, a ngam neihmi cu amu hinnam sial ngawl, mun dangah hawhtik haw tukma hi.
8 Israel hinnam sung pen numei in ngam a nei tale, ama hinnam sung bekah pasal nei tuk hi. Mahti bang ahimata Israel mi hempohin, a pu le pa tei ngam cu co thei haw tuk a,
9 leingam cu hinnam khat pen hinnam khatah hawh tukma hi. A hinnam haw tenin, a leingam haw tek cu co leleng haw tuk hi,” ti hi.
10-11 Mah hangin Zelofehad canu Mahlah, Tirzah, Hoglah, Milkah, le Noah ten, Topa in Moses lakah thu a piak bangin bawl haw a, a sangngam pihte pasal haw hi.
12 Josef capa Manasseh hinnam pano pasalin, a ngam haw cu a pa haw i hinnam sungah um hi.
13 Hih daan cu Jerikho khua el Jordan Ngun ngal Moab munlawnah, Topa in Israel tei hum tawnin Moses lak a piak mite hi.