20
Kadesh Suangpi Pen Tui Tul
(Suah 17:1-7)
1 Ha masabelin Israel mipite cu Zin ngamkhing heng haw in, Kadesh ah ngiahbuk sam haw hi. Mahlaiah Miriam cu thi in vui haw hi.
2 Mipi tei intuk tui a um ngawl hangin Moses le Aaron lakah mawhsiat tukin tawkdun khawm haw hi.Ref 20:2-13 Suah 17:1-7;
3 “Hiti bang tuk sangin ka unau uh Israel mi khenkhat tuah Topa i Puanbuk maiah thi bokta ahin pha saw tuk naven!
4 Ita hiti bang ngamkhing lakah kohte henpih cim? Hilai a, ka ngan uhte tuah thi tuk ung maw?
5 Ita hiti bang ngampha ngawl, imah po thei ngawlnak ngamah pui tukin Izipt ngam pen na tulpih? Hilaiah imah umma hi, cang le thei, sabit le taleti hei umma hi! Tui intuk nangawn umma hi,” tin mawhsiat haw hi.
6 Moses le Aaron cu mipi tei mai pen thawnin, Puanbuk kongka maiah ding haw hi. Mahlai pen lei ah bok haw in, a lak hawah Topa i huham vaknak cu lang hi.
7 Topa in Moses lakah,
8 “Thutiam Kuang mai a, ummi thiangkhut la inna, nangmah le Aaron in mipi samkhawm un hi. Mahlai pen mipi tei muh cilcelin, hih mun a, ummi suangpi khi tuitul tukin hilh unna, tui tul tuk hi. Mah suangpi sung pen tui tultik tuk ci a, mipi hihen, a ngan haw hihen, tui in haw tuk,” ti hi.
9 Mah hangin Moses cu Topa i thupiakmi bangin hawhin thiangkhut cu la hi.
10 Moses le Aaron in Israel mipite cu suangpi maiah samkhawmin Moses in, “Ngai un, noh ngal tho mite; nangmu ca tukma maw hi suangpi pen tui tultik a kulnak?” ti in,
11 Moses in, a thiangkhut cu dangto in, suangpi cu vei nih vat hi. Tui cu puttul zuzutin, mipi le ngan tenin haw hi.
12 Mahnaven Topa in Moses le Aaron cu, “Ka thianthohnak huham ka langtikmi na san khawng uh ngawl hangin Israel mipi maiah cangkimno in phuang ma uh ci, mah hangin hi mipi cu pia tung hi ka tihmi ngamah noh ten tumpih tukma uh ci,” tin liat hi.
13 Israel miten Topa i phuknak le Topa i thianthohnak huham a langtiknak a hih hangin Meribahnote 20:13 Meribah: tih cu Hebru awnin Phuknak tihnak hi. tin ti haw hi.
Edom Kumpi In El
14 Moses in Kadesh pen Edom kumpi lakah palai hah hi. Mah palai ten Edom kumpi lakah, “Na unau Israel hin ten thucah haw hi. Iti zahin haksatnak tawk hung tih cu thei khawng ci.
15 Ka pu ka pa uhte cu Izipt ngamah hawhin, kum ngeipi um haw hi. Izipt miten ka pu le pa uhte le keimuh a siatsuah leita haw hangin,
16 Topa i lakah bopnak ngenin au ung. Ka aunak uh zain vancungmi pa khat hahin, Izipt ngam pen tulpih hi. Atu-in, na ngamngi el a, Kadesh khua ah um ung hi.
17 Hehpih inna, na ngamsung pen hawh phal zalin hi. Keimuh hihen, ka ngante uh hihen, lampi pen lamsak lamhangah pial tukma ung. Na lo uhah hihen, na sabit huan hei ah hihen, tum tukma ung. Na tuikhuk uh a, tui vang insak hihim tukma ung. Na ngamsung pen ka lehvawk uh laklawh lampi bek zui tuk ung, ti haw,” tin hilh haw hi.
18 Mahnaven Edom mite in, “Ka ngam uh cu a sikin, sik kha hihim pahsuh un. Na sik uh tale tulin do tuk ung hi,” ti haw hi.
19 Israel mite in, “Lamzinpi bebek zui tuk poh ung hi. Keimah hei in hihen, ka ngan uhte hei hihen, na tui uh ka in kha uh tale aman kuan tuk poh ung hi. Na ngam uh vei khatno pal vawk bek hi ka nget uhmi hi,” tin ti haw hi.
20 Edom mite in, “Ka ngam uh pal thei tukma uh ci,” ti in, Israel mite do tukin ngalkap tamzet tul haw hi.
21 Itahim titale Edom miten a ngam a pal phal haw ngawl hangin Israel mite cu kikin lampi dang zui haw hi.
Aaron Thihnak
22 Israel mite cu Kadesh mun pen tul haw a, Edom ngam ngi el a, um Hor Mualah heng haw hi.
23 Mahlaiah Topa in Moses le Aaron lakah,
24 “Aaron cu Israel tei lak a, piak tuk ka tepmi ngamah heng tukma hi. Itahim titale na pa nih uhin, Meribah ah ka thupiakmi zui nuam ngawlin keimah na langpan uh hangin Aaron cu thi tuk hi.
25 Aaron le a capa Eleazar cu Hor Mualah hawhpihin,
26 Aaron i thiampi puansilhte cu duk inna, Eleazar silhtikin hi. Aaron cu mahlaiah thi tuk,” ti hi.
27 Topa i tihnak bangin Moses in bawl khawng hi. Mipi muhin Hor Mualah kai in,
28 Moses in Aaron i thiampi thuam cu duhsakin Eleazar cu silhtik hi. Aaron cu mahlai mual humah thi in, Moses le Eleazar cu kikleh haw hi.Ref 20:28 Suah 29:29; Mipum 33:38; Daan 10:6;
29 Israel mipi in Aaron i thih a theih haw ten a venghawng haw in, ni sawm thum sung mithi ngai in um haw hi.