17
Aaron i Thiangkhut
1 Topa in Moses lakah,
2 “Israel mite hilh inna, hinnam khatin thiangkhut pa khat tenin, thiangkhut sawm le pa nih pia haw hen. A thiangkhut haw humah a min haw na ngan tek inna,
3 Levi hinnam tei thiangkhut humah Aaron i min nganin hi. A hinnam puitu pa khat ca in, thiangkhut pa khat tek hi tuk hi.
4 Mah thiangkhut cu ka umnak puanbuk sung, nangmuh ka tawh meknak, Thutiam Kuang maiah koihin hi.
5 ka tenmi pa i thiangkhut cu tawt tuk hi. Mahti bangin Israel tei phuk lihnak hi kham thei tung,” ti hi.
6 Mah hangin Moses in Israel mite cu hilhin, a hotu tek haw in thiangkhut pa khat ten, hinnam sawm le pa nih ca in thiangkhut sawm le pa nih, Moses cu pia haw hi. Aaron i thiangkhut vang tel bok hi.
7 Moses in thiangkhut hempoh cu Puanbuk sung a, Topa i Thutiam Kuang maiah koih hi.
8 A zingten Puanbuk sungah Moses tumin Levi hinnam ai-awhtu Aaron i thiangkhut a tawt mu hi. A tawt bek hi ngawlin kuhkuumin, pakin, almondnote 17:8 Almond tihmi ngah hi cu Meitei ngah bang hi ngah a minin ngah hi.Ref 17:8-10 Heb 9:4;
9 Moses in thiangkhut venghawng cu la in, Israel tei lakah lak hi. Mahti bangin a piang mite amuh haw ten, hotu ten amuta tek laleh haw hi.
10 Topa in Moses lakah, “Aaron i thiangkhut cu Thutiam Kuang maiah koih lehin hi. A phuknak haw a cawl haw ma tale, mi langpangtu Israel mi cu thi haw tuk hi, tih ngallinnakin koih leleng hi tuk hi,” ti hi.
11 Topa i thupiak bangin Moses in bawl khawng hi.
12 Israel miten Moses lakah, “Lalthong ung ngei. Thi khawng thong tuk si hung.
13 Puanbuk el a, hung thawthongte nangawn, a thi tale lalthongsat ung hi. Pa khatno hei tang ngawlin maw ka cimih khawng tuk uh!” ti haw hi.