22
Judah Kumpi Josiah
(2Khang 34:1-2)
1 Josiah cu Judah kumpi a deh ten kum liat hi, Jerusalem pen kum sawm thum le kum khat sung uk hi. A nu cu Bozkath khua mi Adaiah i canu Jedidah hi. Ref 22:1 Jer 3:6;
2 Josiah cu Topa i deihzawng bawl hi, a pu kumpi David nunzia zui in, Pathian i thupiakmite komno in zui hi.
3 Kumpi Josiah in, Judah ngam a uknak kum sawm le kum liatnakin Meshullam i tupa, Azaliah i capa, kumpi zung a, laingantu Shafan cu Topa i Biakinn ah hahin,
4 “Thiampi Sang Hilkiah lakah hawh inna, mitei piakmi sumpai cu biakinn kongka cingtu thiampi ten izah khawl haw toh him tih dongin hi.
5 Mah sumpai cu Biakinn lemtu tei hotu lakah pia tukin hilhin hi. Nadek hotu ten,
6 khutzung thiam, inn satu le suangtiangtu piak tukin le inn lepehlnakah a kulmi thing le suangte leinakin mang haw tuk hi.
7 Nadek hotute cu muantak ngangai a hih haw hangin a sumpai mannakte cu dotkan lih kul tukma hi,” tin thupia hi. Ref 22:7 2Kum 12:15;
8 Kumpi i thupiakmi cu Shafan in Hilkiah hilh hi. Hilkiah in Biakinn sung a, Daan Laibu a khulnak thu hilh hi. Hilkiah in mah laibu cu Shafan in sial hi.
9 Kumpi lakah kikin, “ Topa i Biakinn sung a, sumpai cu na sila ten la in, nadek hotu tei lakah pia zo haw hi.”
10 Shafan in kumpipa i lakah “Thiampi Hilkiah in laibu pa khat keimah pia,” ti hi. Shafan in mah laibu cu kumpi lakah nging zetin sial hi.
11 Kumpi in Daan Laibu sung a thute a zak ten, a thasia in, a puan botkek hi.
12 Thiampi Hilkiah, Shafan i capa Ahikam, Mikaiah i capa Akbor, laingantu Shafan le kumpi bawmtu Asaiah samin, a lak hawah,
13 “Hawh unna, hi laibu i zilhmi thu hi keimah le Judah mitei ai-awhin, Topa siampih hem un. A hum uhah Topa a thinuk hi; itahim titale hi laibu sung a, bawl tuk, a tihmi cu a pu le pa uhten zui haw ma hi; eimu cungcang ah hi laibu sung a, ngatmi bangin zui haw ma hi,” tin thupia hi.
14 Thiampi Hilkiah le Shafan, Ahikam, Akbor le Asaiah cu Jerusalem veng thak a, um profet nu Huldah tawk tukin hawh haw hi. A pasal Shallum, Tikvah i capa le Harhas i tupa, cu Biakinn angki cualpite cingtu hi. A thu haw cu hilh haw in,
15 Huldah in, a lak hawah, kumpi lakah na kikta unna,
16 Topa i awn cu hi tih hin hi tin na hilhta un: “Kumpi i a sial zomi laibu sung a, ummi bangin Jerusalem le khuasung mite bawlsia tung hi.
17 Keimah lawlin pathian dadang lakah biakpiaknak bawl haw hi; a milim bawlmi haw hempohin ka thinuktik haw hi. Ka thinuknak cu mei bangin alhin cuhmit thei tukma hi.
18 Kumpi ama humah Topa keimah Israel i Pathian in, hi bangin hilh ing hi: Laibu sung a, ngatmi cu thei ci a,
19 Jerusalem le a khuasung mite hempoh bawlsia tung tih na theih ten sik kikin, na puan botkek ci, a kapthahin ka mai ah na lungmu a nem hangin na thungetnak cu theihsak ing. Jerusalem le a khuasung mite ka bawlsiat daan cu mi tampi in, amuh haw ten mulling hah ti haw tuk, a mun cu midang tamsiatnakin man mi minin suak tuk hi.
20 Mah hangin Jerusalem ka bawlsiatnak tuk hun tian nung tukma ci, lungmuannak tuah na nunnak cu botik tung, ti hi tin na ti un,” ti hi.
Mah thu tuah cu Kumpi Josiah lakah kikleh haw hi.