17
Israel Kumpi Hoshea
1 Kumpi Ahaz in Judah ngam a uknak kum sawm le kum nih kumin, Elah i capa Hoshea cu Israel kumpi dekin, Samaria khua pen Israel ngam cu kum kuah sung uk hi.
2 Topa i humah sualnak bawl hi, mahnaven a masuan a Israel uktu kumpite zahin sual ma hi.
3 Assiria kumpi Shalmaneser in do in, Hoshea cu a neh ngawl hangin kumsialin, Shalmaneser lakah, siah pia hi.
4 Mahnaven vei khat cu Hoshea in Izipt kumpi So lakah mi hahin, bopnak ngen hi, mah hangin kum dang bangin Assiria kumpi lakah siah pia ma hi. Mahmi cu Shalmaneser in, a theih ten Hoshea cu manin thawngah khia hi.
Samaria Caksuknak
5 Assiria kumpi Shalmaneser in, Israel ngam do in, Samaria khuapi cu kil khawng hi. Kum thum sung kilin, a kum thumnak,
6 Hoshea in Israel ngam a uknak kum kuahnakin, Assiria kumpinote 17:6 Assiria Kumpi tihmi hi Shalmaneser hi lehma toh hi, amah cu Samaria a lak haw laih ngawlin thi in Sargon pa nihnak kumpi in, a ai-awh hi. Samaria la tu cu kumpi Sargon pa nihnak hi. A lak kum cu 722-721 BC hi. in Samaria khuapi cu la hi. Israel mite cu Assiria ah sila in pui hi; a khenkhat cu Halah khua ah umtik hi; a hek cu Gozan peng Habor Ngun elah umtikin, a hek cu Media khuapite ah umtik hi.
7 Israel mite cu Israel kumpi khut sung pen a pansuaktu le Izipt ngam pen a puitultu Topa a Pathian haw humah a sual haw hangin Samaria khuapi cu ngal ten la haw hi. Pathian dangte bia in,
8 Topa i hawlvawkmi miphun tei daan zui in, Topa i deih ngawlmi, Israel kumpi tei bawlcopmi daante zui haw hi.
9 Israel miten Topa a Pathian haw i lungkim ngawlmi thil tampi bawl haw hi. A khua tihkimah khua neuno pen khua ngengbel tian, leimi tei pathian biaknak biakinnte sa in,
10 mual bawk tihkim le thingkungpi nuai tihkimah a pathian haw suangphutte phutin, Asherah pathiannu i zuk koih haw hi.Ref 17:10 1Kum 14:23;
11 Topa i hawlvawkmi miphun tei bawl daan cungin, pathian biaknak biaklandawh humah namtui haal haw hi. A bawl haw mite a sesuak leita hangin Topa a thinuktik haw hi;
12 milim bia pahsuh un, tihmi Topa i thukhamte cu siatsuah khawng haw hi.
13 Topa in, Israel le Judah mitei lakah a kamtaite le profet hahin, “Thil pha ngawl na bawl uhte zam unna, na pi le pu tei lak a, ka phuanmi le ka kamtai profet mangin na lak uh a ka piakmi ka thukham le ka daante cu zui un hi,” tin ngallinnak vei tampi pia hi.
14 Mahnaven ngai nuam haw ma hi; Topa a Pathian haw a muang ngawltu a pu le pate bangin a lunglianzet haw hi.
15 A thupiakmite zui nuam haw ma; a pu le pate tuah thutepnak a bawlmi khotik ngawlin, milimte bia in le a nemcuam ngawlmi mihingin suak haw hi. A elkim haw a, ummi miphun tei bawl daante cungin, “Cung pahsuh un,” tin Topa i thupiakmi el haw hi.
16 Topa a Pathian haw i piakmi Daan hempoh siatsuah khawngin, daal tuah bawlmi khuicang zuk pa nih bia haw hi. Mah hum pen pathiannu Asherah i zuk bawl haw hi, aksi bia haw a, Baal pathian i nadehsak haw hi.Ref 17:16 1Kum 12:28;
17 Leimi tei pathian lakah a canu le a capate halkang biakpiaknakin mang haw hi, mipolte le khutlam zothiamte kengin, Topa i mai ah thilpha ngawl a theih haw hempoh kim zetin bawl haw hi. Mah hangin Topa a thinuktik haw hi.Ref 17:17 Daan 18:10;
18 Topa cu Israel tei humah a thinukin, amuh haw ngawlnak ngamah hawlvawk hi, mah hangin Judah ngam bek khawih hi.
19 Judah miten Topa a Pathian haw i thupiakmi zui haw ma; Israel tei daan cung bok haw hi.
20 Topa in Israel mite cu lawl hi, bawlsia in, mi hehpihnak nei ngawl a ngal tei khutah pia hi; nungdawlbel ten amuh haw ngawlnak ngamah hawlvawk hi.
21 Topa in Israel ngam cu Judah ngam pen a khenkhuai ten Nebat capa Jeroboam cu Israel miten a kumpi haw in, bawl haw hi. Jeroboam hangin Topa cu taisanin, mulling hah sualnak sungah pui tumpih hi.
22 Jeroboam zui in, sualnak a bawl haw mi cu bawl leleng bok haw;
23 nungdawlbel ten profet a sila tei lak pen, “Bawl tung hi,” tin ngallinnak a piak bangin amuh haw ngawlnak ngamah hawlvawk hi. Israel mite cu Assiria ngamah pui khawngin, tusun tianin mahlai ah um haw laih hi.
Israel Ngam Ah Assiria Mite Um
24 Assiria kumpi in Babilon, Kuth, Ivvah, Hamath le Sefarvaim khuasung mite cu tultikin thawng a khiakmi Israel tei ai-in, Samarianote 17:24 Samaria khuapi a tihnak hi saw ngawlin, Israel ngam a hilh nuam mi hi ngam khuapite ah umtik hi. Mah khuapite cu luahin, um haw hi.
25 A um tung haw laihin, Topa bia nuam haw ma hi; mah hangin Topa in pawpite hahin, mihing tawkmoh cu man haw hi.
26 Mah thu cu Assiria kumpi hilh haw in, Samaria khuapi tei sungah a umtikmi ten mah ngam pathian daan a theih haw ngawl hangin, a pathian haw in kiosa hahin, man hi, tin thei hi.
27 Assiria kumpi in, “Thawng a khiak uhmi a thiampi tei lak pen pa khat cu kuat kikleh un; kikin um henna, mah ngam pathian daan cu mah khuasung mitei lakah zilh un,” ti hi.
28 Samaria ngam pen pui in, Assiria ngam a, thawng a khiak haw mi thiampi pa khat cu hawhtikin Bethel ah um hi; mahlai ah Topa biak daante zilh hi.
29 Samaria a, ummi ten a biak haw mi pathian zuk cu bawl ten haw in, Israel tei sakmi pathian biakinn sungah koih haw hi. A umnak tek haw khuapi pen amu hinnam tekin, milim bawl haw hi.
30 Babilon miten a pathian Sukkoth Benoth zuk bawl haw in; Kuth miten a pathian Nergal zuk bawl haw hi. Hamath miten a pathian Ashima zuk bawl haw hi.
31 Ivvah miten a pathian Nibhaz le Tartak zuk bawl haw in; Sefarvaim miten a pathian Adrammelek le Anammelek tei lakah a cate cu halkang biakpiaknakin mang haw hi.
32 Amuh ten Topa cu bia leleng bok haw in, leimi tei pathian biaknak munah thiampi dektu tukin le amu ca in biakpiaknak bawlsaktu tukin amu lak pen miphun dadang teng haw hi.
33 Topa biak le amu pathian tek biak cu cemcih bulh haw hi; a hunnak haw khua le ngam a bawl daante cu zui leleng haw hi.
34 Tuni tianin, mah a bawldan haw daan lun cu zui haw laih hi. Topa cu bialeh haw ma toh; Topa in Jakob casuante Israel tin, a sammi tei lakah a piakmi daan le thukhamte vang zui haw ma hi.Ref 17:34 Pian 32:28; 35:10;
35 Topa in Israel mite tuah thutepnak a bawl ten a lak hawah, “Pathian dadang bia pahsuh un; a mai hawah kuun pahsuh unna, a na hei dek pahsuh un; biakpiaknak vang bawl pahsuh un.Ref 17:35 Suah 20:5; Daan 5:9;
36 Izipt ngam pen huham le baantha ngil tuah nangmuh a suahtu Topa keimah bek hi bia in, kihca un hi. Keima lakah biakpiaknakte bawl unna, ka mai ah kun un.Ref 17:36 Daan 6:13;
37 Na zui tukin ka ngatmi daan le thupiak hempoh cu zui leleng un. Pathian dang tei thu zui pahsuh un;
38 nangmuh tuah ka bawlmi thutiam cu phawkngil pahsuh un.
39 Topa na Pathian uh keimah cu kihca unna, na ngal tei khut sung pen pantul tung hi,” tin thupia hi.
40 Mahnaven hi miphun ten ngai haw ma hi; a bawlmi haw daan lun saw cu zui leleng haw hi.
41 hi miphun ten Topa biak le a milimte biak cu cemcih bulh haw hi; tuni tianin, a casuan haw ten mahten bawl leleng haw hi.