19
Simeon Hinnam Tei Ngam
1 A pa nihnak a sep haw mi cu Simeon hinnam tei ca in hi. A co haw mi ngam cu Judah hinnam tei co mi ngam i laizangah hi.
2 A ngamsung hawah Beersheba, Sheba, Moladah,Ref 19:2-8 1Khang 4:28-33;
3 Hazar Shual, Balah, Ezem,
4 Eltolad, Bethul, Hormah,
5 Ziklag, Beth Markaboth, Hazar Susah,
6 Beth Lebaoth, le Sharuhen khuapi um haw hi. Khuapi sawm le pa thum le a elkim a um khuanote hi.
7 Adang khuapi cu, Ain, Rimmon, Ether le Ashan haw hi. Khuapi pa li le a elkim a um khuanote hi.
8 Hi khuapi elkim a ummi khuano hempoh cu Baalath Beer le Negev ngam a um Ramah elkim tianin tel khawng hi. Hi cu Simeon hinnam tei co mi ngam hi.
9 Judah i co mi ngam cu amu ca in ngeng leita a hih tak a ngamsung hawah Simeon hinnam ten co mi ngam nei bok haw hi.
Zebulun Hinnam Tei Ngam
10 A pa thumnak a sep haw mi ngam cu Zebulun hinnam tei co mi ngam hi. A ngah haw mi ngam cu Sarid tian heng hi.
11 A ngamngi haw cu Sarid pen nitumnak lamah hawhto in Mareal tian heng hi. Dabbesheth elkim le Jokneam pen nisuahnak lam lui mawkah hawh hi.
12 Sarid khua pen a ngalkhat lam a, ngamngi cu nitumnak lamah hawh hi. Chisloth Tabor pen Daberath ah hawhto lehin, Jafia tian heng hi.
13 Mahlai pen nisuahnak lamah hawhin Gath Hefer le Ethkazin heng hi. Neah lamah kawi lehin Rimmon kaltan vawk laih hi.
14 Saklam ngamngi cu Hannathon lamah kawi in Iftah el kuamah tawp hi.
15 A khuapi haw cu Kattath, Nahalal, Shimron, Idalah le Bethlehem hi. A venghawngin khuapi sawm le pa nih um haw hi. A elkimah khuanote vang um bok hi.
16 Hi khuapi le khuano hempoh cu Zebulun hinnam tei co mi ngam hi.
Issakhar Hinnam Tei Ngam
17 A pa linak a sep haw mi ngam cu Issakhar i hinnam tei co mi ngam hi.
18 A ngamsung hawah Jezreel, Kesulloth, Shunem,
19 Hafaraim, Shion, Anaharath,
20 Rabbith, Kishion, Ebez,
21 Remeth, Engannim, Enhaddah, le Bethpazzez khuapi um haw hi.
22 A ngamngi haw cu Tabor, Shahazumah le Beth Shemesh khua bang thahin Jordan ngunah tawp hi. A venghawng haw in khuapi sawm le khua luk um haw hi. A elkim hawah vang khuano dang um bok laih hi.
23 Hi khuapi le khuanote cu Issakhar hinnam tei co mi ngam hi.
Asher Hinnam Tei Ngam
24 A pa nganakin, a sep haw mi cu Asher hinnam hi.
25 A ngamsung hawah Helkath, Hali, Beten, Akshaf,
26 Allam Melek, Amad le Mishal khuapi um haw hi. A ngamngi haw cu nitumnak lamah Carmel le Shihor Libnath heng hi.
27 nisuahnak lamah Bethdagon lamah kawi in, Zebulun ngamngi tan thahin Iphtahel luam pen saklamah Bethemeh le Neiel tian heng hi. Mahlai pen hawhto lehin Kabul,
28 Ebdon, Rehob, Hammon, Kanah le a ngengmi Sidon tian heng hi.
29 Ramah lamah kawi in, kulhtianmi Taiar khuapi tian heng hi. Mahlai pen kawi lehin, Hosah pen Mediterranean Tuipi cu a tawpnak hi. Khuapi dang cu Mahalab, Akrib,
30 Ummah, Afek le Rehob hi. A venghawngin khuapi sawm nih le khua nih um haw hi. A elkimah khuanote vang um bok laih hi.
31 Hi khuapi le khuanote cu Asher hinnam tei co mi ngamsung a ummi khua hi.
Naftali Hinnam Tei Ngam
32 A pa luknak sepmi cu Naftali hinnam hi.
33 A ngamngi haw cu Heleph le Zaanannim le Adaminekeb le Jabneel pen Lak kum tian hi in, Jordan ah tawp hi.
34 Nitumnak lam pen hawhngutin Aznoh Tabor tian heng hi. Mahlai pen Hukkok ah kawi lehin hanglamah Zebulun ngamngi, nitumnak lamah Asher ngamngi le nisuahnak lamah Judah ngamngi Jordan ngun cu tawpnak hi.
35 Kulhtian khuapi cu Ziddim, Zer, Hammath, Rakkath, Khinereth,
36 Adamah, Ramah, Hazor,
37 Kedesh, Edrei, Enhazor,
38 Yiron, Migdalel, Horem, Bethanath le Beth Shemesh hi. A venghawngin khuapi sawm le khua kuah um haw hi. A elkim hawah khuanote vang um bok laih hi.
39 Hi khuapi le khuanote cu Naftali hinnam tei co mi ngamsung um khua hi.
Dan Hinnam Tei Ngam
40 A salihnak sepmi cu Dan hinnam hi.
41 A ngamsung hawah Zorah, Eshtaol, Irshemesh,
42 Shaalbim, Aijalon, Ithlah,
43 Elon, Timnah, Ekron,
44 Eltekeh, Gibbethon, Baalath,
45 Jehud, Beneberak, Gathrimmon,
46 Mejarkon le Rakkon khuapi le Joppa khua ngalkhat a um ngam tel bok hi.
47 Dan hinnam tei ngam cu lonsak a hilh hangin Dan hinnamte cu Leshem ah hawhin do haw hi. Mah khua cu neh haw in, khuasung mite cu that khawng haw hi. Mah khua cu amu ca tukin hamin luahtum haw hi. A pu haw Dan i min la in Leshem pen Dan tin thek haw hi.Ref 19:47 Thuk 18:27-29;
48 Hi khuapi le khuanote cu Dan hinnam tei co mi ngamsung a ummi khua hi.
Ngam Semdunnak Dawlbel
49 Israel mite ngam a sep nung haw ten Nun i capa Joshua vang a co tukin ngam pia bok haw hi.
50 Topa i thupiakmi zui in, amah Joshua i ngetmi Efraim mualhum ngam a, um khuapi Timnath Serah pia haw hi. Mah khuapi cu Joshua in sa kiklehin mahlaiah umta hi.
51 Shiloh a sak haw mi Topa i umnak Puanbuk kongka elah thiampi Eleazar, Nun i capa Joshua le Israel miphun nam khat ten tei hotu cu aisannak bawl haw a, Topa i deihnak thei in, ngam sem haw hi. A ngam sepdun haw cu ceng hawta hi.