16
Efraim le Nitumnak Lam Manasseh Ngam
1 Josef casuan tei lakah piakmi ngam i hanglam ngamngi cu Jerikho khua el Jordan ngun mawk um Jerikho ciktui pen nisuahnak lam a, phillawn tian hi. Jerikho khua pen mualhum ngamah Bethel tian heng hi.
2 Bethel pen Luz ah hawhin, Arkhi mitei umnak Ataroth Addar ah hawh phei hi.
3 Nitumnak lamah Jaflet mitei ngam tian hawhngutin hanglam Beth Horon tian heng hi. Gezer ah hawhngutin, a tawpnak cu Mediterranean Tuipi ah hi.
4 Josef i casuan Manasseh le Efraim hinnam ten nitumnak lam Manasseh ngam cu co haw hi.
Efraim
5 Efraim innkua tei co mi ngam cu hihi, hi. Nisuahnak lam pen a ngamngi haw cu Ataroth Addar pen Beth Horon tian heng hi.
6 Mahlai pen Mediterranean Tuipi tiang heng hi. Saklam ngamngi cu Mikmethath ti. Nisuahnak lam pen a ngamngi haw cu Taanath Shiloh lamah kawi in, Janoah tian heng hi.
7 Janoah pen Ataroth le Naarah ah hawhin, Jerikho khua pen Jordan ngunah tawp hi.
8 Mah nitumnak lam ngamngi cu Tappuah pen Kanah ngun hengin, mahlai pen Mediterranean Tuipi ah tawp hi. Hi ngam cu Efraim innkua tei co mi ngam hi.
9 Manasseh ngamsung a ummi khuapi le khuanote tuah Efraim innkua tei lakah piak khawngmi hi.
10 Mahnaven Gezer a ummi Kanaan mite cu hawlvawk haw ma hi. Mah hangin Efraim mitei lakah Kanaan mite cu tusun tianin um haw laih haw naven sal nadekin um haw hi.Ref 16:10 Daan 1:29;