8
1 “Mah hun ten Judah ngam a, kumpite, bawite, thiampi le profet, Jerusalem a um mipi tei nguh hempoh cu a khan sung haw pen pholh khawng hi tuk hi.
2 Munkhatah phano khawmin, vui hi ngawlin a nguh haw cu leihumah ekdawm bangin thehkeh khawng hi tuk hi. Himi ten a sunsak haw mi, na a dehsak haw le a thudotmi, a otpih haw mi, ni le hade le aksi tei mai ah pho in, thehkeh khawng hi haw tuk hi.
3 Hi miphun siasuak sung pen a nung calam dawmnote, ka lengkeknak munah khua a satu ten a nuncak haw sangin thih nuam saw haw tuk hi. Cungnungbel Topa Keimah in hilh zo ing.”
Sualnak le Dantatnak
4 Topa in, a mihing tei lakah hitih bang hin thuhilhtik hi. Mi pa kha khat a bah ten, tholeh ma maw? Mi pa khatin, lampi dang a tot ten kiklehta ma maw?
5 Mahti bang ahi tale, maw ka mihingte, itakaw ka lak pen na tai ceng uhten kikleh ma si uh ci. Na milim bebek uh thihcihin, ka lakah na kihleh nuam uh ngawl.
6 Kom zetin ngai ing a, kuamah thuman son li umma uh ci. Na sualnak uh hangin pa khatno hei in lungsia le khawngai in umma uh ci. Kuamah in, “I thil sual heng ka bawl a tiduntu hei umma uh ci. Ngaldonak cipuhin, ngaldonak munah a nawt liphet bangin na venghawng uhin, nangmu nuamnak lamah hawh ngut uh ci.
7 Van a, lengmi vacate hei in, kihleh hun thei in, khulo, piangpial le tititut ten, a umnak haw munah kihleh hunno thei haw hi. Mahnaven ka mihing noh ten ka thupiakmi sungah kihleh thiam ma uh ci.
8 Cip ung, na daante thei ung hi, tin itin kaw na tih theih uh? Zo hem un, ka daante cu laingantu, mi sehuai ten thek khawng zo haw hi.
9 Na micip uhte zakca in um haw hi. A lungbingin, vancaukap zo haw hi. Ka thu elin, atu-in i cihnak kaw a neih laih haw tuk?
10 Mah hangin a lo le lam haw cu midang pia tung a, a zite cu midang tei angsungah hengtik tung. A venghawng haw a neu, a ngengin, a man ngawlin tangka metnak cu zei haw, profet le thiampite hei in, mipite zol haw hi.Ref 8:10 Jer 6:12-15;
11 Ka mitei meima pi cu a vunkok thong hengin bawl haw hi. ‘Pha khawng leng hi,’ Pha khawng leng tih san thong aw hi.” Imah pha khawng cuang sapma!Ref 8:11 Ezk 13:10;
12 Ka mite, hitih bang luaksuak hah thil nawngkai na bawl uh hangin zahcak tuk hei thiam ma uh cim? Zakca lalam haw ma! Zahcaknak hei theitum ma uh ci; na mai uh hei san ma! Mah hangin midang tei lup bangin lum tuk uh ci. Ka bawlsiat ten bo tuk uh ci. Keimah, Topa in ti zo ing.
13 “Lo ankung cop bangin, ka mite cawm khawng nuam ing. Mahnaven a muhte cu ngah nei ngawl sabit ngui bang haw hi. Ngah nei ngawl theipi kung bang haw hi. A ceh haw vang thim khawng zo. Mah hangin hi ngam hi miphun dang tei co tukin thupia zo toh ing,” ti hi.
14 Pathian i mihing ten, “Ita heng a khun leleng laih uh? Tho un, kulhtian khuapi sungah tai nung inna, mahlai ah thi nung. Topa a Pathian uhin, a thi tukin vawk zo; Topa in, thihsi in tukin pia zo hi. Itahim titale a humah thil sual bawl zo toh hung hi.
15 Lungnopnak muansan hung, dam tuk hun muansan nave hung, imah nemcuam ma, lauthawngnak lehlam eimu lak saw ah heng hi.
16 A ngalte uh Dan khua ah tum zo haw, a cipuh haw naalphit thawm za ung. A cipuhte a ham haw ten a ngam buppi uhin, hing khawng hi. A ngal uhte cu eimu ngam a mihing uh, a khua uh le a sungum thil hempoh siatsuah tukin hung zo haw tin ti haw hi.”
17 Topa in, “Ngalling zetin zo un! Nangmu lakah itih bang ngul i nei hei in, a bemtik theih ngawlmi ngul ngu neimi hah tung a, cik tuk,” tin ti hi.
A Miphun Ca Jeremiah A Thasia
18 Ka thasiatnak hi
damleh thei ma toh,
ka thin na lawlawm;
19 Ngai hem un!
Hi ngam khua hempoh ah
ka mihing tei kah le
taunak aw za ing.
“Zion ah Topa
umleh ma toh maw i heng?
Mahlai munah Zion kumpi
umleh ma toh maw i kaw?”
tin kap haw hi.
Topa a kumpipa
haw in, “Itakaw
na milim biaknak uhin le
a nemcuamnak um ngawl
ngamdang pathian tei mai a,
na lu uh kunin, ka thin
na uktik uh hi,”
tin don hi.
20 Mipi ten, “Khua khal hun bozo in,
an lak hun luan zo;
Mahnaven patmi hi ma laih hung,”
21 A mi uhte a thin haw
a na leita hangin,
kei hei ka thin nazet bok ing;
Mithi ngai in kap ing;
Muansannak imah
nei ma toh ing.
22 Gileadnote 8:22 Gilead cu Jordan pen nisuahnak lam a, um mi ngam hi in, a thingkung khenkhat cu si in bawl haw hi. ah damnak si umma maw?
Mahlai ah sibawi
um haw ma mawi?
Itakaw ka mihing ten
damnak a ngah haw ngawl?