41
1 Mah kum ha salih ha in, kumpi unaupih, kumpi khutnuai a, bawi upabel lakah telbokmi, Elishama i casuan Nethaniah i capa Ishmael cu mi sawm khat tuah Judah ngamuktu Gedaliah tawk tukin Mizpah ah hawh haw hi. An kuang a kil khawm haw laihtakin,Ref 41:1-3 2Kum 25:25;
2 Ishmael le a mihing sawm khat ten a ngalnam haw suahin, Gedaliah cu that haw hi.
3 Gedaliah lak a, um Israel mite le Babilon ngalkap khenkhat cu mahlai a umte vang Ishmael in that khawng hi.
4 A zingten, Gedaliah a thah haw kuamah i theih laih ngawlin,
5 Shekhem, Shiloh le Samaria pen mihing sawm liat heng haw hi. A kha mul haw metin, a puan haw botkekin amuh le muh sundunin le atdunin, Biakinn ah canghovam le namtui pia tukin a hungte haw hi.
6 Ishmael in kapthahin, Mizpah pen na muak hi. A lak hawah a hen ten, “Gedaliah tawk tukin hung hem un,” tin ti hi.
7 Khuapi sung a tum haw ten Ishmael le a mihing ten that haw in, a luang haw cu tuikhuk sungah vawk khawng haw hi.
8 Mahnaven amuh tei lak pen mi sawm khat ten Ishmael lakah, “Kohte hu that zazal pahsun; canghovam, cangtol, olif situi le khuaihumte hampa lakah selmi nei ung,” tin lem haw hi. Mah hangin that ngawlin khawih hi.
9 Ishmael in, a thahmi tei luang a vawknak tuikhuk cu ngengpi hi a, Israel kumpi Baasha in, kumpi Asa a do laihin kumpi Asa i kuatmi tuikhuk hi. Ishmael in mah tuikhuk cu miluang tuah dimtik hi.
10 Babilon ngalkap puitu ngalbawi Nebuzaradan in Gedaliah cingkhawi tukin a koihmi kumpi canute le Mizpah khua mipite cu thawngah khia khawng hi. Mahte cu Ishmael in, salah manin, Ammon ngam lamah taipih khawng hi.
11 Ishmael i thil sual a bawlmi cu Johanan le amah tuah ummi ngalkap hotu ngalbawi ten a zak haw ten,
12 ngalkapte tuah hil haw a, Gibeon a tuiting ngengpi el pen pha haw hi.
13 Ishmael i sal matmi ten Johanan le amah tuah a hungmi ngalbawite cu amuh haw ten lungdamzet haw hi.
14 Nunglam hekkikin, amu lakah tai haw hi.
15 Mahnaven Ishmael le a mihing liatte cu Johanan in man ngah ngawlin tai vawk haw a, Ammon ngamah heng haw hi.
16 Johanan le a ngalbawi ten, Ishmael in Gedaliah a thah ceng ten mizpah pen sal a matmi ngalkapte hihen, numei le naupangte hihen, tilngehte tian phano zo haw hi.
17-18 Mahnaven Babilon kumpi in Judah ngamuktu in, a bawlmi Gedaliah cu Ishmael in, a thah hangin Babilon mite lau in, Izipt ngamah tai haw hi. Bethlehem khua el Khimham ah cawl haw hi.