2
Topa i Ni Ngallinnak Piatu Khaaumawngte
1 Zion mual pen pengkul tum un:
Pathian mual thiangtho
hum pen ngallinnak daak tum un.
Hi ngamsung
ummi hempoh ten lau in,
can khawng haw tahen.
Itahim titale Topa i ni cu
nai zo hi.
2 Khuathim le khawngaih ni heng hi.
Meingo thimpi le
khaaumawng tei
khuhbing ni heng hi.
Mual humah khuathim bangin
khaaumawng ngalkap honpi
heng hi.
Hih ni bang um awng ma hi.
Mailam hei ten um awng tukma hi.
3 Meipi in, a nung le mai
haw pen kangtum khawng hi.
A matan haw a ngam cu
Eden huandum bang
hi naven a nunglam haw cu
phillawnin cang hi.
A hawhnak haw lampi ah
kuamah suakca
haw tukma hi.
4 A mel haw cu cipuh honpi bang le
cipuh ngalkap bangin
tai haw hi.Ref 2:4-5 Mang 9:7-9
5 Cipuhleng ke thum bangin thumin,
mualhumah dawk zawzok
haw hi.
Cangkung meikang bangin tha tui in,
ngaldo tuk ngalkap honpi
bangin sialcelh haw ma hi.
6 A matan hawah miphun tampi
lungkhamin, a
mai haw dalkhawng hi.
7 Ngal hangbel bangin
mainot haw in,
ngalkap bangin pang humah
kai susuih haw hi.
Amu malam tekah hawhin,
kuamah lam pial haw ma hi.
8 Pa khat le pa khat nawkdun
kha haw ma hi.
Mailamah cawl ngawlin
hawh pilpel haw a,
kuamah in khaktan thei haw ma hi.
9 Khuapi ah a hen haw ten,
khua kulhtian humah
kai haw a, nguca bangin
hi tukvelh pen tumin,
inn hum le inn sung tian
10 A matan hawah lei buppi cu
hingin,
van vang hing dudut hi;
ni le hade thimin, aksite
vaak haw ma toh hi.Ref 2:10 Mang 8:12;
11 Topa i thupiaknak
au thawm cu
a ngalkap tei mai ah
vanthum bangin thum hi.
A ngalkapte tha nei mahtak haw hi.
A nadektu cu
sialcelh haw ma.
A lauhuai zetmi
Topa i thinuknak ni cu!
Akua in thuak thei
tuk him?Ref 2:11 Mang 6:17;
Topa In Sualsiktik
12 Topa in, “Atu hei in,”
na lungmu uh venghawng tuah
“Ancang le hitui luang tianin
kikleh un;
ka lakah thasia zetin
kikleh un hi.
13 Na thasiatnak uh cu
na lungmu
tak loli tuah langtik unna,
na puansilh uhte
balkeknak bekin
Topa na Pathian nelah kikleh un.
Amah cu hehpihnak le
itnak neitu hi; thinsau in,
a kho mi itnak tuah dim hi;
dantat tuk a ngaihsutsa vang
supleh thei hi.
14 Topa na Pathian uhin,
a lungmu khellehin,
lo an suak tukin muicu pia thei hi.
Sangvut biakpiaknak le
sabit biakpiaknak a nelah
15 Zion ah pengkul tum un,
an can tuk thupia unna,
mipi pumkhawm tukin sam un.
16 Mipi sam khawm unna,
khuapi sunglawizet
bawl un.
Upateleh naupangte
sam khawm un.
A ang sungah
a cawi haw laihmi
naunote vang sam khawm un.
Mohuaitu tangvalpa vang
a inn pen tulin,
mothak vang a inndat sung pen
tul hen.
17 Topa i nadektu thiampite cu
Biakinn tumnak kongka le
biaklandawh laklawhah dingin
thungenin kap haw hen.
Topa aw, na mihingte hi
hehpih za zalin;
Miphun dang ten,
“Na Pathian haw cu
ilai ah um him tin, zawnsakin,
a nuihsan haw tuk
tianin maw, ka um tuk uh
phal hihim pahsun.”
Pathian In Israel Ngam Phalehtik
18 Topa in, a ngam ca in
ngaihsaknak langtikin,
a mihingte hehpihleh hi.
19 A aunak haw zain, a nel hawah,
“Ngai un, an,
sabit le olif situi
pialeh tung a,
taizet tuk uh ci.
Miphun dang tei mai ah
mualpho in umtik tukma toh ing.
20 Saklam ngam a,
na lauzet uhte cu
na nel uh pen phillawn lamah
hawlvawk tung.
A mai nawktute cu nisuahnak lam
Tuipi Thi sungah,
a nungzui lehtute cu nitumnak lam
Mediterranean tuipi sungah
hawlvawk tung.
A luang uih haw cu
khawlapi tiang
nam tuk hi.
Pualthau zetin, na a deh haw hangin
21 Leingam aw, imah lau pahsun,
lungdam thatui zetin
umin hi.
Topa in,
nohtei ca tukin na ngengpi
bawlsak zo hi.
22 Ngamsate aw, lau pahsuh un;
na tatnak tuk uh hamhing
leleng tuk hi,
thingkungte a ngah,
ngahin, theipi le sabit vang
23 Zion mihingte, na thatuizet unna,
Topa na Pathian nelah
na lungdam un.
Amah in, na kul zah uhin,
khal nguah, phalbi nguah le
khuapi nguah zutikin,
khuapi nguah ten ni dang
bang lengin
nguahzutik tuk hi.
24 Na cangcilnak mun cu
cang a dimin um tuk hi.
Sabit ngawinak khuk le
na beel uhte cu
sabittuileh olif situi cu let tuk hi.
25 Ka hahmi thing eitu khaaumawngte,
a honpi a um khaaumawngte,
a leng pepel thei khaaumawng tei
eihmite cu keimah in
lulleh tung hi.
26 Na duhzah uhin, ei in,
taizet tuk uh ci.
Topa na Pathian min cu
pahcawi tuk uh ci.
Na ca uhin, a lamdang
na bawlsak zo.
Ka mihingte cu mualpho in,
umleh haw tukma toh hi.
27 Israel mi lakah ka um hi,
thei tuk uh ci.
Topa keimah bek hi,
na Pathian uh ing hi;
a dang um haw ma hi.
Ka mihingte cu
mualpho in um haw tukma toh hi.
Topa i Ni
28 Tu nungten mi hempoh humah
ka Hawvang buak tung a,
na capa le canu uhten
ka thu phuang haw tuk hi.
Na putek uhten mangmanin,
Na khangno uhten
muhnak nei haw tuk hi.Ref 2:28 Nung 2:17-21;
29 Mah ni ten salnu le salpa tei
hum tianah
ka Hawvang buaksuk
tung hi.
30 “Vanah hihen,
leihumah hei hihen,
ngallinnak langtik tung hi.
Thisan le mei alh,
meikhu tom um tuk hi.
31 A lauhuai zetmi Topa ni,
a hen deuh laih ngawlin
ni cu thim tuk a, hade cu
thisanin cang tuk hi.Ref 2:31 Mt 24:29; Mk 13:24-25; Lk 21:25; Mang 6:12-13;
32 Mahnaven Topa i min
a samtu hempoh cu
suahcaknak ngah haw tuk hi.
Topa in,
a hilh hamsa bangin,
‘Zion mual le
Jerusalem khua sungah
a suakca mi um haw tuk hi;
Topa i tenmite cu
suakca haw tuk ti hi.’ ” Ref 2:32 Rom 10:13;