6
Job i donlehnak:
1-2 Ka thuaknak le ka lungsiatnak hi.
Cuaikhainak pen
khingkhai bang ahin!
3 Tuipi a, philnel sangin
ngit saw tuk hi.
Ka kamhang ten na lung-amtik
pahsuh hen.
4 Ihempoh tithei Pathian i thalcangin
ka sunglam pen kalh hi,
a ngu cu ka pumpi cingah zalhin,
Pathian in, a lauhuai nate
ka mai ah tiang hi.
5 Laak in hampa a peh ten
a lungkim hi,
Khui hei in mengdenin hampa ko ei.
6 Mahnaven a uknak um ngawl,
ci sawh ngawl an cu
akua kaw a ei thei tuk?
Aktui hawngin uknak nei maw?
7 Mahtibang an ei tuk cu
nap hihim mang.
Ka eihmi hempoh cu
ciat dimdem khawng ing.
8 Pathian in ita ka ngetmi cu
pia tukma kaw?
Itakaw ka thungetnak
a donleh tuk ngawl?
9 Pathian in zan dikdekin,
a ngawi ahin,
Ama khutin ka nunnak
a botik saw ahin, deih na vengin!
10 Kei that tuk hi tih ka thei ahin,
iti zahin ka thuak ahi hei in,
lungdamin dawk tung.
Pathian cu a thiangtho hi,
tih thei ing.
A thupiakmi cu el awng mang.
11 Nung hih tukin iti bang
zaangtha kaw ka neih laih?
Muansanmi imah nei ngawlin,
ita nungca nuam li kam ing?
12 Suang tuah bawlmi ing maw?
Ka pumpi daal hi maw?
13 Hupdun thei tukin zaangtha
nei ma toh ing;
Bopnak deihin,
zotnak tuk le nei mang.
14 Tu bangin ka cimkham hun ten
Pathian ka nunghek ten hei hihen,
ka nunghek ngawl ten hihen,
muantak ngualcam kul ing.
15 Mahnaven noh ka ngualcamte cu
nguah a zuk ngawl hun ten
a kangmi luitui bangin
kei suamtu hi uh ci.
16 Mah luituite cu vuk le tuikhal tuah
dim haw naven,
17 Nisa hun ten zung khawng haw in,
kangko khawng hi.
18 Nganhing tuah khualzinte
lam pai haw in,
tui zei in, phillawnah vakin,
thi haw hi.
19 Sheba le Temanote 6:19 Sheba le Tema cu Arabia ngam a khua hi haw a, sumbawlnak a phabelmi khua haw hi. khua pen,
ngan honpi tuah khualzin
miten zei haw hi.
20 Mahnaven a ko mi lui mawkah
a muansannak haw bota hi.
21 Nohte cu keima ca in,
mah lui bangin,
Ka umdan na muh uhten
lamdangsa in lau uh ci.
22 Laksawng pia un, ti ing maw?
Ka ai-in mi pa kha khat
nawhthuh piatik ing maw?
23 Ahimata ka ngalte le
hehpihnak nei ngawl
mi bawlsiatu khut pen
pan un hi ti ing maw?
24 Ahi tale, zilh teh ve ule!
Ka sualnak hu hilh hem un!
Awn ngawlin mengdenin
ngai teh nang.
25 Awn taituang cu lungmu sung tum hi,
Mahnaven na otmi uhte cu
a thawnthong hi.
26 Ka otmi hi huih bang thong hi tin,
ngaisung uh ci.
Ahi tale itakaw ka lungbingnak
awnkamte cu na don nuam lih uh?
27 Nu le pa nei ngawl
ca-ngah nautate cu,
aisannakin mang uh ci a,
Na ngualcam phabel uhte
naunehin,
hauhpih tuk na tum uh.
28 Ka mitmai hi zo hem un!
Zolthu son tuk mang.
29 Valthau leita zo uh ci!
Mi namnuai toh pahsuh un!
Kei lawl pahsuh un!
ka thu cu dik hi.
30 Mahnaven zolthu son li bangin
ngaisung uh ci;
A dik le dik ngawl deidan
thiam ngawlin ngaisung uh ci.