38
Topa In Job A Donlehnak
1 Mahten simpei sung pen Topa in,
Job lakah hi bangin
2 Ka cihnak thu a el lawlok litu cu
akua nge cim?
Theihnak nei ngawl pi in
awn menmun li bok sisi!
3 Papi bangin tuangtimin ding inna,
thu ka dot tuk mite hi
don hemin hi.
4 Leipi ka semsuah laihin
ilai ah um nge cim?
Thu theizet na hi ngai tale
hilh tehin hi.
5 Leipi hi i tia hi tuk hum tih
a soncattu akua kaw?
A hum a ngamngi tehnak
khau a doktu akua kaw?
Na theihmi um maw?
6 Leipi a dototu khuamte
ilai humah kaw a din?
Akua in akil suang phut kaw?
7 Vak memial ten aksite
munkhatah lasa in,
vancungmitenote 38:7 Vancungmite tih hi Hebru in, Pathian cate tihnak hi. cu lungdamin,
a au lih haw ten,
8 Leisung pen tuipi a tul laihin,
a khamtu tuk kongkhah
akua in khak kaw?Ref 38:8-11 Jer 5:22;
9 Tuipi cu meingo tuah a khuhtu le
thimnak tuah a tuamtu cu
Keimah ing hi.
10 Tupi ngamngi tuk bawlsak ing a,
ama kongka kalh sungah
koih ing.
11 “Hilai tian bek hung inna,
hilai tian sial ngawl
hawh thei ma ci;
A ngil zetmi na tuicawkte hilai ah
cawl haw tuk hi!”
tin tuipi cu ti ing.
12 Job aw, na nun sungah
ni kha khat, khuavak tohin,
ti awng cim?
Vak memial tohin,
thupia awng cim?
13 Vak memialin, leihum vak tukin le
mipha ngawlte a ngelhnak
mun haw pen hingtul tukin
thupia awng cim?
14 Nisuakin mual le luamte
ciangno in langtik,
Puan buhmi bangin le
taklei humah
min ngatnak ngatmi bangin
langciang soh hi.
15 Sun ni al cu mipha ngawl ca in
al leita hi,
Thi luangtik tuk kham hi.
16 Tuipi tawdeng a tuiputnak
heng awng cim?
Tuipi thuanthum tawdengah
lamleng awng cim maw?
17 A thim zetmi mithi khua kongka le
a cingtute a laktu
um awng haw maw?
18 Leipi hi i tia hum tih hei
son thei cim?
Na thei ahi tale hilh tehin!
19 Vaknak hi ilai pen hung hum tih
thei kha cim?
Thimnak aw i lai pen kaw a tul?
20 A hawhnak haw tuk lampi le
a kihnak haw tuk mun
hilh thei ni cim?
21 Tekzet toh ci a, leipi semsuah
a hih laihin
na suak zo ahi tale hilh thei tuk ci,
tih um ing
22 Vuk le nial ka koihnak
khan pal kha awng cim?
23 Haksatnak hun can, ngaldunnak le
dodun hun ca tukin
koih ing.
24 Ni a suahnak mun
heng awng toh cim?
Ahimata nisuahnak lam huih
a hunnak heng kha
awng toh cim?
25 Nguah tui luannak hawkluam
a kuattu akua kaw?
Vanthum le huih sia theu ten
lampi sialtu akua kaw?
26 Mihing um ngawlnak munah
nguahzutik theitu
akua kaw?
27 Hampa hing po hen tin,
ngam ko lakah
akua in tui paih kaw?
28 Nguah in pa nei a maw?
Daita in hingtu nei a maw?
29 Vuk hi akua i pum sung pen
piang kaw?
Tuikhal hi akua i pum sung pen
tul kaw?
30 Tui cu suang bang suaktikin,
tuipi mai khaktiktu cu
akua hum?
31 Si luk khi munkhatah
ken khawm thei ni cim?
Zawlzawng kennak khau
duk thei ni cim?Ref 38:31 Job 9:9; Amos 5:8;
32 Aksi hempoh amu hun tekin
suaktultik thei ni cim?
Ngambawm le Zaawlting tei
lampi lak thei ni cim?
33 Vanhum a, um mitei
zuimi daan i umdan
son thei ni cim?
Leihumah thuneitik
thei ni cim?
34 Meingo in,
“Ka humah nguahzu hen,”
tin, thupia thei ni cim?
35 Khuaphelep khi thu na pia ahin,
amah in,
“Na thu bangin hihen,”
ti ni maw?
36 Cinphung vanonote 38:36 Cinphung vano hi Izipt ngam vano hi a, Nail ngun tuilun tuk tih thu a theitu le hilh ham theitu hi. cu tui lun tuk hi tin
akua in kaw a hilh tuk?
Simphuk cu nguahzu tuk hi tin
thantiktu akua kaw?
37 Meingo sial thei tuk tianin,
a ciptu um haw maw?
Van tuikuang a tui leihsuk tukin
thupia theitu akua um kaw?
38 Meingo pen nguah a zuk ten,
leivulte pawnduntikin lei cu
thik bangin a cangtik theitu
akua kaw?
39 Kiosa tei an a eih haw tuk
zei sak awng a cim?
Kiosa ngilkialte a von haw
vahtik thei cim?
40 Kiosa le a note cu
akua sung hawah
umin, suangkua sungah
a ngelh haw laihin
an piatu akua kaw?
41 Va-akte ngilkialin, a cate an duhin,
ka lakah a ham lih haw ten
an a piatu akua kaw?