60
Mailam Ca Jerusalem Sunloihnak Tuk
1 Jerusalem, tho inna,
ni bangin alin hi;
Topa i sunloihnak cu
na humah vak hi.
2 Miphun dang hempoh cu
thimnakin khuh tuk hi.
Mahnaven Topa i vaknak cu
na humah vak tuk hi.
Ama sunloihnak cu na humah
um tuk hi.
3 Miphun hempoh ten
na vaknak cu zuanin,
Kumpi ten na nisuak thak cu
4 Na elkim cuan inna, zo in!
Na mite a pin tukin
tawkdun khawm li haw hi.
Na capate
ngam khua lapi pen pinin,
Na canute cu
nauno bangin pua haw tuk hi.
5 Mah na muh ten na lungdam leita in
can tawtok lamsang tuk ci.
Tuipi ngalkhat lam pen
a hauhnakte hentum pihin,
Miphun tampi tei neih le siah cu
na lakah hentum pih
6 Midian ngam le Efah ngam pen
kalauk honpi in
hung haw tuk hi.
Sheba ngam pen
hung haw tuk a,
sui le pak namtui puatum
haw tuk hi.
Pathian i thil bawlmi
thuthangpha cu miten phuang
haw tuk hi.
7 Kedar le Nebioth miten
tuu hempoh cu,
Na lakah biakpiaknakin
pia tum haw tuk hi.
Topa i lungdamnak tukin
biaklandawh humah
Biakpiaknak bawl haw tuk hi.
Topa in, a Biakinn cu
nase dedeuhin bawl tuk hi.
8 A innlam zuanin, a lengmi
khulo bangin le
meingo bangin a zawkin,
a hungmi tinbawte cu
kuate haw kaw?
9 Ngam khawlapi pen hungin
Pathian i mihingte a puatu
timbaw hi haw hi.
Israel i Pathian thiangtho,
Ama mihingte upatnak piatu tukin
Miphun hempoh a bawltu
Pathian i min thangphatnak le
upatnak piatu tukin
Sui le ngun pua haw hi.
10 Topa in Jerusalem i lakah,
ngamdangmi ten
na ngal kulhtian tiang haw tuk;
a bawi haw ten na nadek
haw tuk hi.
Ka thinukin bawlsia zo
toh ing;
mahnaven tu pepan
ka mitmai pha mu tuk ci a,
na humah hehpihnak
nei tung hi.
11 A sun a zanin, na kongka cu
hon hi tuk a,
hinnam hempoh tei kumpi ten
a hauhnak haw hen tum
haw tuk hi.Ref 60:11 Mang 21:25-26;
12 Mahnaven nangma na
dek ngawltu miphun cu
bo khawng haw tuk hi.
13 “Lebanon tupi sung a thing phabelte
cakthing, hual thing le
caksan thingte cu
Jerusalem nangmah
sak thak lehnak tuk,
ka Biakinn mawitiknak
tukin le ka khuapi sunloihnak
tukin puatum haw tuk hi.
14 Nangmah a bawlsiatu tei capa ten
na mai ah upatnak pia in
kun haw tuk hi.
A zawnsaktute cu
nangma ke bulah bok haw tuk a,
Topa i khuapi!
Israel i Pathian thiangtho i
khuapi Zion,” tin
sam haw tuk hi.Ref 60:14 Mang 3:9;
15 Hawlvawkmi le huatmi
hileh tukma toh ci.
Zamsanmi le a dai khipkhep khuapi
hileh tukma toh ci.
A nase mi le a mawimi in
bawl tung a,
kumkhua nunnopnak khuapi in
cang tuk ci.
16 Miphun tampi le kumpi ten
cingkhawi haw tuk,
nu in, a cano a cinkhawi bangin hi.
Topa keimah in
pan zo toh ing,
Israel i Pathian Cungnungbelin
ka luattiknak hi thei tuk ci.
17 Daal ai-in sui puak tung.
Thik ai-in ngun puak tung.
Thing ai-in daal puak tung.
Suang ai-in thik puak tung.
Nangmah uktu ten bawlsialeh
haw tukma toh.
Diknak le lemdaihnak tuah
uktik tuk toh ing.
18 Thahdunnak thawmnging
theileh tukma toh ci.
Siatsuahnak cu na ngam sungah
hengleh tukma toh.
Ngal kulhtian bangin keimah loli in
cingkhawi in pan tung hi.
Ka pat zo toh hangin
keimah cawimawi
leleng tuk ci.
19 “Sunlamin ni cu na vaaknak
hileh tukma toh.
Zanlamin hade cu na vaaknak
hileh tukma toh.
Topa keimah cu a kumkhua in,
na vaknak hi tuk toh ing.
Ka sunloihnak huham vaknak cu
na humah suak tuk hi.Ref 60:19 Mang 21:23; 22:5;
20 Na lungsiatnak hun can uh
bo tuk toh.
Topa keimah cu a kumkhua in,
na vaknak hi tung.
Ni le hade sangin ngeiphat saw tuk hi.
21 Na miten a manmi bawl haw tuk a,
hi ngam cu a kumkhua in
luah haw tuk hi.
A venghawng haw humah
ka thawm ngengnak
langtik tukin ka phutmi le
ka bawlmi hi haw hi.
22 Na mi lak pen a neubel le
a nautabel innkuate hei cu
leihum pen a ngilmi miphunte
bangin nasezet haw tuk hi.
A hun a kim ten, manlang zetin
hengtik tung.
Keimah hi Topa ing,”
ti hi.