42
Topa i Sila
1 Topa in, “Ka sila cu
hilai ah um hi.
Amah cu ka ngiltikmi le
ka tenmi hi.
A humah ka lungdam ing.Ref 42:1 Mt 3:17; 17:5; Mk 1:11; Lk 3:22; 9:35;
Ka hawvang tuah dimtik zo ing hi,
Miphun hempoh lakah
thudik hengtik tuk hi.Ref 42:1-4 Mt 12:18-21;
2 Au tukma, a aw vang sang tukma;
Lampi hei ah nging zetin
thuson tukma hi.
3 A awnin, a ek awndiak tohmi
phaikung ektuah tukma hi.
A mit kuanno mei inn vang cu
mittik tukma hi.
Mi hempoh tei lakah kumkhua in
thudik hengtik tuk hi.
4 A thakiam hihim ngawlin
a thin hei nau tukma hi.
Leihumah thudik lengtik tuk hi.
Ngam khawlapi a ngam ten
a thuhilhmi cu ngakhelzet
5 Pathian in vante piangtikin,
semsuahin phalh hi.
Leihum le nunnak nei
thil hempoh bawlin,
Mihing lakah nunnak le haihawh pia.Ref 42:5 Nung 17:24-25;
6 Topa keimah in sam ing a,
huham pia ing.
Leihumah thuman a len
theihnak tukin hi.
Nangma sung pen mi hempoh tuah
thutiamnak bawl tung.
Nangma sung pen miphun tampi lakah
khuavaknak hengtik tung.Ref 42:6 Isa 49:6; Lk 2:32; Nung 13:47; 26:23;
7 Mitcaw tei mit cu vaktik tuk ci a,
thim lak thawnginn sungah
a khungtute cu luattik tuk ci.
8 “Keimah bek cu Topa na Pathian ing.
Ka huham cu pathian dangte
kawm tuk mang.
Ka sunloihnak vang milimte
hoih tuk mang.
9 Heng tuk hi tin, ka hilhsa mi cu
heng ngangai zo hi.
Atu-in thil thak hilh tung.
A hen laih ngawlin
hilh ham tung,” ti hi.
Thangphatnak La
10 Topa lakah la thak sa un.
Leihum hempohin
amah thangphatnak la sa un.
Tuipi thuanthum humah
a hawhte amah cu thangphat un.
Tuipi thuanthum sung umte
hei in thangphat un.
Ngam khawlapi ah a um ten
thangphat ten un.
11 Phillawn le a khua mite hei in
Pathian pahcawi haw hen.
Kedar mite hei in pahcawi haw hen!
Sela khua a umte
mualsang hum pen
lungdamin au leilui haw hen.
12 Lam khawlapi a ummi ten,
Topa i lakah
thangphatnak le Sunloihnak
pia haw hen!
13 Topa cu mi ngilbel bangin
hawh hi.
Ngaldo tukin tuangtimin
ngakhelzet hi.
Ngaldo tukin au in,
neh tukin au leilui hi.
A ngal tei lakah a huham lak hi.
Topa In A Mite Bawm Tuk
14 Pathian in, hun ngeipi sung mengdenin
um zo toh ing,
ka mite donleh ma sing.
Atu pan tuk toh ing;
Nau nei tuk numei bangin
tau in au li ing.
15 Mual le mualhumte cu
siatsuah tung;
Hampa le thingkungte kotik tung.
Lui le hawkluamte phillawnin
bawl tung a,
Tuinakte kangtik khawng tung hi.
16 “Ka mihing mitcawte pui tung;
A hawh awng ngawlnak
haw lampi pen a khuathim haw cu,
khuavakin thek tung;
A mai haw a ngam bingbote cu
momtik tung.
Hite hi bawl loli tung hi.
17 Milim a muang mite le
Mah milimte ka pathian a titute cu
zakca in mualpho haw tuk,” ti hi.
Israel In Thu A Theih Ngawl Zia
18 Topa in,
“Noh bengbul mite,
phano ing ngai un!
Noh mitcawte naino in
zo hem un!
19 Ka silate sangin mit a caw saw
um haw ni maw?
Palai ka hahmite sangin
bengbul saw um haw nen ti maw?
20 Maw Israel, na muhmi le
na tawhmi hi tamzet zo;
Mahnaven na ca in
imah nemcuam haw ma hi.
Zaknak tukin beng nei ci;
mahnaven na zak ciang ngangai mi
21 Topa cu mi pan tukin
a nuam zetmi Pathian hi.
Mah hangin a daan le
a thuzilhmi sunloihin,
A mihingte hei in upat haw hen
tih deih hi.
22 Mahnaven a mihingte cu
miten suam haw in,
lei kua sungah khumin,
thawnginn khawlapi ah
sel haw hi.
Nate lonsakmi le suammi
hi haw hi;
Amuhte pan tukin kuamah
um haw ma.
23 Hi thu hi a ngaitu kuabek
um uh cim?
Tu nung siah phano in
ngai tuk toh ma uh cim?
24 Israel cu mi simtu tei khutah
a piatu khi akua kaw?
Topa amah hi.
Dodalin, a humah sualnak
a bawl uhmi Topa hi.
A deihnak bangin nung thei ma hung;
a thupiak bangin
zui thei sih ma hung hi.
25 Mah hangin a thinuknak thuaktikin,
ngaldo haksatnak tawktik hi.
A thinuknak cu mei bangin
Israel ngam buppi kang;
mahnaven i cang hum tih hei
thei awng ma hung.
Hi hempoh lak pen a cun ngah uhmi
imah um cuang ma hi.