25
Thangphatnak La
1 Topa aw, nangmah cu
ka Pathian hi ci,
Upat tung a, na min
thangphat tung.
A lamdang thasiahhuai nate
bawl zo ci;
Tanglaih pepan na tupmite cu
cangcian zetin
bawl khawng ci.
2 Khuapi hempoh
siatsuah khawng ci a,
A kulhtian hempoh vang
siatsuah khawng ci.
Ka ngal tei sakmi kumpi innte cu,
Ituk mah ten sakleh tuk
ngawltohin,
sia khawng haw hi.
3 Ngam a ngilzet sung a,
mihing ten,
Nangmah cu thangphat haw tuk hi.
Hehpihnak nei ngawl
khuapi ten,
Nangmah cu lauzet haw tuk hi.
4 Mi ca-ngah le bawmtu nei ngawl ten
zuan haw in;
Haksatnak hun hei ten
him haw hi.
Huihsia a theu ten buknak pia ci a,
Nisa ten colhnak nilim pia ci.
Phalbi hun a, huihsia bangin,
Hehpihnak nei ngawlmi ten
do haw hi.
5 Ngamkonak lak a, nisa bangin;
Topa nangmah in,
Ka ngalte uh cu daitikin;
Khawniimin nisa a nemtik bangin
hehpihnak nei ngawl tei
au thawm cu botik ci.
Pathian In An Eih Puai Timtuah
6 Hilai Zion Mualhum pen Cungnungbel Topa in, leihum ngam hempoh le miphun hempoh tei ca in, an eih puai bawl tuk hi. Mah an eih puai ah an ukbel le sabit ukbel pia tuk hi.
7 Hi mualhumah ngam hempoh le miphun hempoh tei lungsiatnak cu meingo bangin botik tuk hi.
8 Cungnungbel Topa in, thihnak cu kumkhua in paitik tuk hi. Mi hempoh tei mit hitui hu tuk a, leihum khua hempoh ah a mitei thuakmi mualpho zahcaknak cu la in botik tuk hi. Topa amah in hilh zo toh hi.Ref 25:8 1Kor 15:54; Mang 7:17; 21:4;
9 Mah hun a hen ten a kuakua hei in, “Amah cu ka Pathian uh hi! Amah cu muang zo toh ung, amah in nunpan zo hi! Amah cu Topa hi! Ama lakah ka muannak uh cu koih ung, lungdam thatui in um zo ung; itakaw titale pan zo toh hi,” tin ti haw tuk hi.
Pathian In Moab Dantat Tuk
10 Topa in, Zion Mual cu hup tuk hi; mahnaven cang kungko a sihpek haw bangin Moab mite cu sihpek hi haw tuk hi.Ref 25:10-12 Isa 15:1-16:14; Jer 48:1-47; Ezk 25:8-11; Amos 2:1-3; Zef 2:8-11;
11 Tuivat tuk bangin a khutzaak haw tuk, mahnaven Pathian in, amuh cu nemsukin, a khut haw in let tuk nei ngawlin nim haw tuk hi.
12 Topa in, Moab tei tian mi kulhtian sangzette cu siatsuah tuk a, leivul suak khawng haw tuk hi.