15
Pathian In Moab Siatsuah Tuk
1 Hihi Moab thula hi.Ref 15:1-16:14 Isa 25:10-12; Jer 48:1-47; Ezk 25:8-11; Amos 2:1-3; Zef 2:8-11;
Ar le Kir khuapi cu zan khat sungin siatsuahmi hi a, Moab ngam cu khing diudeu hi.
2 Dibon khua mite cu biaklandawhah a kap tukin mualhumah kai haw hi. Moab mite cu Nebo le Medeba mite amuh haw ten thasia le khaw-ngaizet kapin, tau haw hi. Thasia zetin, a sam le khamulte vang met khawng haw hi.
3 Khuasung lamvak ten thangkhau puan silhin, a khua suah le inn hum pen kap le au in kio haw hi.
4 Heshbon le Elealeh khua mite cu kap le au in, a aw haw cu Jahaz tian zak theih hi. Ngalkap ngalphabel hei can li haw hi. A ngalphatnak haw cu pai khawng hi.
5 Moab i ca in, ka thin nazet hi! A mihingte Zoar khua le Eglath Shelishiah khua tian tai khawng haw hi. Mi khenkhat cu Luhith lampi tawnin, a hawh thahin, kap thathah haw; a khenkhatte cu Horonaim lamah tai in, lungleng le kapthah pepel haw hi.
6 Nimrim lui cu kang khawngin, a el a hampate cu thim khawng haw; hamhing umma toh.
7 A neih haw hempoh tuah suakca nuamin, Paaknem Munlawn kalvawkin hawh haw hi.
8 Moab ngamngi bul hempoh cu kahnak aw ngeh nging hi. Eglaim le Berelm khua ah kahnak aw nging thang hi.
9 Dibon khua luituite cu thisan tuah dim khawng. Mahnaven mahsang nase saw, amu ca in Pathian in hengtik tuk laih hi. Mahzuh, Moab ngam sungah a tang calam mi pa nih khatnote vang cu thah khawng hi haw tuk hi.