11
Lemdaihnak Ngam
1 David le a casuan tei kumpi a dehnak haw cu phuhmi thingkung bang hi. Mahnaven thingbul pen a kang dang a tawt mek bangin David casuan sung pen kumpi thak suak tuk hi.Ref 11:1 Mang 5:5; 22:16;
2 Topa i hawvangin
cihnak pia tuk hi.
A mite uk thiamnak le
theihtupnak pia tuk hi.
Topa i deihnak cu thei in,
kihca tuk hi.
3 Topa i nadeh cu
a lungdamnak hi tuk hi.
Mit zohnak le mitei hilhnak thong tuah
thukhen tukma.
4 Mi ca-ngah tei thu cu
phano khen sak tuk a,
bawmtu nei ngawlte
a covo haw hupsak tuk hi.
A thupiaknak bangin mihing cu
bawlsiat hi tuk a,
mipha ngawl cu thah hi tuk hi.Ref 11:4 2Thes 2:8;
5 Thudik le dikcangnak tuah
a mihingte uk tuk hi.Ref 11:5 Efe 6:14;
6 Cingne le tuu um kawm haw tuk a,
Tavang le keelno bok ngel haw tuk hi.
Khuino le kiosano
an ei kawm haw tuk a,
Naupang ten cingkhawi haw tuk hi.Ref 11:6-9 Isa 65:25;
7 Khui le vom an ei langkhat haw tuk a,
A canote cu kual ngel haw tuk hi.
Khui bangin kiosa in,
cangkung ko ei tuk hi.
8 Nauno vang liamnak tawk tukma.
Ngul ngu nei elah
a ummai li hei in,
9 Pathian mual thiangtho Zion ah,
Liamsuahnak le phatngawlnak
imah um tukma hi.
Itahim titale tuipi ah
tui a dim bangin,
leihumah Topa i thutheihnak
dim tuk hi.Ref 11:9 Hab 2:14;
Saltangte Kikleh Haw
10 Mah ni ten, David casuan sung pen kumpi thak suak a, miphun tampi tei ca in, tiamtehnak hi tuk hi. A khuapi sungah tawkdun khawm haw tuk a, upatnak pia haw tuk hi.Ref 11:10 Rom 15:12;
11 Mah ni a hen ten Topa in, a huham langtikleh tuk a, Assiria ngam, Izipt ngam, Pathros ngam, Ethiopia ngam, Elam ngam, Babilonia le Hamath ngam le tuipi mawk ngamte le tui hi kimmi ngamte pen a tang calam mihingte cu khawmleh tuk hi.
12 Topa in, a alan dangto tuk a, Israel le Judah mi khen khekte cu leimawk ningli pen khawmleh tung, tih langtiknakin miphun tampi tei lakah limlak tuk hi.
13 Israel ngamin, Judah cu iksikleh tukma toh a, Judah cu Israel ngal hileh tukma toh hi.
14 Mun khat tangkhawm haw tuk a, nitumnak lam pen Filistin le nisuahnak lam a, ummite do haw tuk hi. Edom mi le Moab mite neh haw tuk a, Ammon miten a thu ngai haw tuk hi.
15 Topa in, Suez tuikel cu kangtik tuk a, Eufrates ngun kangtik tukin huihsa theutik tukin luino salih bek a khawih ten akua na bangin tan thei haw tuk hi.Ref 11:15 Mang 16:12;
16 Izipt ngam pen a pu le pa tei tulnak tuk lampi a um bang khin, Assiria ngam pen mahlai mun a, nungdam calam a mihing Israel tei ca in mipi tulnak lampi um tuk hi.