6
Israel Mite Sihkik Tatak Ngawlnak
1 Mipi ten, “ Topa i nelah kikleh un! Amah in ohte bawlsia zo naven amah lelengin damtik tuk hi. Liamsuah zo naven amah lelengin cunsak tuk hi.
2 Ni nih nungten tho lehtikin, ni thumnak ten nunglehtik tuk hi.
3 Topa cu thei tukin zuam nung. Amah cu oh tei nelah zinglam sial ten khuavak bangin hung tuk a, lei kawttiktu khuapi nguah bangin pelh ngawlin hung tuk ti haw hi.
4 Topa in, Israel le Judah mite aw, nohte iti bang tung kaw? Keimah na ihnak uh cu zinglam meingo bangin manlang zetin thamthong a, daita bangin manlang zetin hul thong hi.
5 Ka profet cu noh tei nelah thukhennak le siatsuahnak awnkam tuah hah ing. Noh tei lak pen ka deihmi cu cangcianzet hi.
6 Noh tei lak pen ka deihmi cu a kho lelengmi itnak hi, ngamsa tuah biakpiaknak kha ma hi. Keimah na theih tuk uh cu halkang biakpiaknak sangin deih saw ing.Ref 6:6 Mt 9:13; 12:7;
7 Mah naven hi mihing ten thutiam ngamah a tum bek haw ten amuh tuah thutiamnak ka bawlmi cu Adam mun pen susia khawng haw hi.
8 Gilead cu mipha ngawl le mithattu tei khua hi.
9 Thiampite cu damiah bangin mi pang thei haw hi. Shekhem mun thiangtho hawhnak lampi hei pen mithat haw hi. Mahtibang thilpha ngawlte cu a ti himin, a bawl haw mi hi.
10 Israel ngam sungah thil poimawhzet pa khat mu ing: Ka mihing ten milim bia haw in, amuh le muh nawngkai duntik khawng zo haw hi.
11 Noh, Judah mite, na bawl uhmi hangin ka dantatnak na thuaknak tuk ni cu ciangtan zo ing.