13
Israel Humah Dawlbel Thukhennak
1 Nidang laihin, Efraim mi a ot haw ten Israel hinnam dang ten lauzet haw hi. Mahnaven Baal pathian biaknak tuah a sual haw hangin thi haw tuk hi.
2 Sual dedeuhin, a biak haw tukin thik milim bawl haw hi. Mihing lungmu a phuah copmi ngun milimte cu mihing khut tuah bawlcawm haw hi. Mah milim nelah biakpiaknak pia un tin ti haw hi. Iti bangin mihingin, khuicang mel bang a bawlmi khui milim cu nam thei tuk him.
3 Mah hangin hi mihingte cu zinglam a, meikai bang le daita bangin pha thong haw tuk hi. Cangcilnak mun pen huih i muhvawkmi cangsi bang haw tuk hi; meikhu suahnak pen a tulmi meikhu bang haw tuk hi.
4 Topa in, Izipt pen a puitultu cu keimah Topa na Pathian uh ing. Keimah sial ngawl Pathian dang nei ma uh ci. Keimah bek cu nangmuhte pantu ing.
5 Phillawn ngamko sung pen phano in cingkhawi ing.Ref 13:5-6 Daan 8:11-17;
6 Mahnaven ngam pha sung na tumleh uhten na von uh vahin, lungmuangzet uh ci; pualthau in, keimah phawkngil uh ci.
7 Mah hangin kiosa bangin nam tung a, tavang bangin na hawhnak lampi uh pen pang tung.
8 Ano lonsakmi vompi bangin nangmuhte manin botlai tung. Kiosa bangin na umnak mun uh pen ei khawng tung. Sahang bangin nangmuhte zan niknekin botkek tung.
9 Israel mite aw, keimah in nangmuh siatsuah khawng tung. Akua in kaw nangmuhte a bawm thei tuk?
10 Kumpi le lupi ngen nave uhcin, atu ilai ah kaw na um uh? Iti bangin kaw a pat theih haw tuk?Ref 13:10 1Sam 8:5-6;
11 Na kumpi tuk uh thinuk thahin, pia zo naveng ka thinuk hangin la kikleh zo ing.Ref 13:11 1Sam 10:17-24; 15:26;
12 “Israel i sualnak cu laizial humah nganin, phazet a koihmi hi.
13 Israel cu nun theihnak hun pha nei laih hi, mahnaven a sil hangin mah hun pha cu a lak dan hei thiam ma hi; amah cu a tul tuk tohmi nauno, a nu i pum sung pen tul nuam ngawlin a tum lehmi bang hi.
14 Hite cu mithi khua pen kaisuah tuk mang. Thihnak i khut sung pen vang doksuah tuk mang. Aw, nang, thihnak na pulhnat cu kengin! Aw, nang, mithi khua na mi siatsuah theihnak tuah hungin! Hi tei humah hehpihnak ituk mah ten nei thei tukma toh ing.Ref 13:14 1Kor 15:55;
15 Israel cu phai kung bangin a phazet hei in phillawn pen nisuahnak lam huih theutik tung a, a tuiput le tuikhuk kangtik khawng tung hi. A na manpha hempoh sia khawng tuk hi.
16 Pathian a langpang hangin Samaria cu dantatnak tawk tuk hi. A mihingte cu ngal tei khutah thi khawng haw tuk hi. A canote cu lei ah seh hup tawk haw tuk a, naupai hempoh cu a pum haw ahkeh tawk haw tuk tin,” ti hi.