5
1 Thiampi Sang hempoh cu mipi sung pen tenmi haw hi. Mipi ai-awhin Pathian nadektu tukin koihmi haw hi. A nadeh haw cu biakpiaknak le sualsik biakpiaknak piatu haw hi.
2 Amah vang cangkim ngawlnak neimi a hih hangin imah theitum ngawl le a khial mitei humah thinnemnak neimi hi.
3 Mahti bangin tingsapnak a neih bok hangin midang tei sualnak ca bek hi ngawl, ama sualnak ca hei in, biakpiaknak a piak kul hi.Ref 5:3 Thiam 9:7;
4 Kuamah in amuh le muh thiampi sangah tengdunin dangtodun cop thei haw ma hi. Aaron cu Pathian in samin, thiampi sang a can bangin kua hei hihen Pathian i samnak bekin thiampi sangah cangthei haw hi.Ref 5:4 Suah 28:1;
5 Mahti bangin Khrih vangin amah le mah thiampi sangah dangdun cop ma hi. Pathian saw in,
“Nangmah cu ka Capa ci,
tuni ah
na Pa in cang zo ing hi,”
tin a lakah ti hi.Ref 5:5 Saam 2:7;
6 Mahten mundangah,
“Nang cu kumkhua in
thiampi hi tuk ci,
Melkhizedek thiampi ngui zui in,”
tin ti leleu hi.Ref 5:6 Saam 110:4;
7 Leihum a umlaih khin Jesuh in thihnak pen a nunpantu Pathian nelah ngingzet au in, hitui luang thah thungen hi. Mi niamkhiat le nun piatu a hih hangin Pathian zaksak hi.Ref 5:7 Mt 26:36-46; Mk 14:32-42; Lk 22:39-46;
8 Pathian i Capa hi napi in, Pathian i thungaitu hi tukin haksat thuaknak tuah cung hi.
9 Mi cangkimin, a bawl a thu hangin a thu ngaitu hempoh tei ca in kumkhua nunpatnak bulpi in cang hi;
10 Pathian in, “Melkhizedek i thiampi ngui zui in, Thiampi Sang hi ci,” ti hi.
Lampial Tuk Ngawlin Hilhhamnak
11 Hi thu ah hilh tuk tampi nei ing hi; mahnaven thu theihthiam haksa leita na hih uh hangin noh lakah hilhcian haksazet thong hi.
12 Atu-in zilhtu dinmunah ding hun toh nave uhcin; Pathian i thu cu a tawpatnak pen hilh kul laih uh ci. An ngai ei hun toh nave uhcin khuinawi in laih uh ci.Ref 5:12-13 1Kor 3:2;
13 Nawitui in laihtu cu naupang laih hi; a sia le pha theih theihnak nei ma laih hi.
14 Mahnaven an ngai cu upa ca in hi; amuhte cu khenkhuai theihnak lungmu tuah a sia le pha khen thiam haw hi.