15
Moses La
1 Moses le Israel miten hi la hi;
Topa i lakah sa haw hi.
“Thasiahhuai in, a neh hangin,
Topa i lakah la sa tung.
Tui sungah cipuh le a khungtu
paivawk khawng zo hi. Ref 15:1 Mang 15:3;
2 Topa cu ka ngilnak le
ka zaangtha hi,
amah keima nunpantu hi,
Ka Pathian hi a,
thangphat tung;
Ka pa i Pathian,
a thawm ngengnak cu la in sa tung. Ref 15:2 Saam 118:14; Isaiah 12:2;
3 Topa cu ngal nehtu hi;
4 Kumpi i cipuhleng le ngalkapte
tuipi sungah hak khawng hi.
A khutnuai bawi phapha
tuipi San sungah
nim khawng haw hi.
5 A thukmi tuipi in khuhin,
a tawbelah suang bangin
6 Na taklam baantha ngil cu,
Topa i thasiahhuai
huham hi.
Na taklam baantha ngil cu,
ngalte laltiktu hi.
7 A nasemi na minehnak tuah
na ngal vatvawk khawng ci a,
Na thinuknak a so ten,
amuh cu cangkung ko bangin
kang khawng haw hi.
8 Na naal sung pen na muh tul ten,
tui tiangdun haw hi.
A luang li laihmi tui cu,
pangtian bangin ding haw.
A thuk zetmi tuipi cu,
tuikhal bangin khal khawng hi.
9 Ka ngal uhten, “Hil tuk ung a,
pha tuk poh ung;
A na manpha le a thil hempoh
khenkhek khawng tung a,
A lak haw pen ka deih hempoh,
ka deih zazahin la tung;
Ka ngalnam dawk nang inna,
a ci haw mongtik
khawng tung,” ti haw hi.
10 Mahnaven na haihawh
vei khat na muh tul ten,
tuipi cu khuh khawng hi.
A lauhuai tui sungah
suancang bangin
11 “ Topa aw, leihum a,
pathian dang tei lak pen,
Nang a bangtu akua um kaw?
Nangmah a bangtu
akua um tuk kaw?
Thianthohnakah
lamdangzet ci,
sunloihnakah zahhuai ci,
Thil tihtheihnakah
thasiahhuai hi ci.
12 Na taklam baan na zaak ten,
ka ngal uhte cu,
leipi in thon khawng hi.
13 Na thutepnakah muantak hi ci.
Na patsa mipite pui ci;
Na ngilnakin, na mihingte hi,
na munthiang tianin khol ci.
14 Leihum miphun hempoh ten
a zak haw ten,
a lau in can haw hi.
Nau suak nat thinsuk bangin,
Filistin mite thinsu haw hi.
15 Edom ngam a uktu cu,
launak tuah amthong haw hi.
Moab ngam a, mi ngilte cu,
a thinsu in can tawtok hi.
Kanaan ngam a, ummi hempoh,
a ngalphatnak haw pai hi.
16 Launak le thinsuknakin
dim haw hi.
Na baantha ngil amuh haw ten
a lau haw hangin
Topa aw, na luattikmi,
na mipi a suahtul
haw laklawh suang bangin
phe ngawlin ding haw hi.
17 Nangmah in pui tuk ci a,
Na mualhumah phut tuk ci,
Na umnak tukin na bawlmi mun,
Topa nangma sakmi
biakinn ah hawhpih tuk ci.
18 Topa cu kumkhua in
kumkhua tian
kumpi hi tuk hi,” ti haw hi.
Miriam La
19 Izipt cipuh, cipuhleng le a mawngtu cu Israel mite hilin tui sungah a tum haw ten, Topa in tui cu khawm lehtikin, amuh cu khuh khawng hi. Mahnaven Israel mite cu tuipi sung a, leiko humah hawh haw hi.
20 Aaron i celnu, numei profet, Miriam in khuang pa khat la in, a dang numei ten khuang tumin, laam thahin Miriam cu zui haw hi.
21 Miriam in, a lak hawah,
“ Topa i lakah lasa un,
sunglawi zetin neh zo hi;
cipuh le cipuh ngalkap cu,
tui sungah khe khawng zo hi,”
22 Moses in Israel mite cu Tuipi San pen tulpihin, Shur phillawnah hawh haw hi. Ni thum sung phillawnah hawh haw naven tui tawk haw ma hi.
23 Marah ah heng haw in, mahlai a, tui cu a kha leita hangin, in thei haw ma. Mah hangin Marahnote 15:23 Marah tih cu A kha tihnak hi tin, a samnak haw hi.
24 Mipi ten Moses lakah, “Ikaw a intuk uh?” tin phu haw hi.
25 Moses cu nase zetin Topa i lakah thu a nget ten, Topa in Moses lakah thing tawng pa khat lak hi. Mah thing tawng cu Moses in tui sungah a khiaksuk ten, tui cu kha ma toh hi.
Topa in khingkhai in, a zui leleng haw tuk daan pia hi.
26 Topa in, “Keimah na Topa uh le na Pathian uh thu cu komno ngai in, dik hi ka tihmi bawlin, ka thukham zui in, ka daan hempoh na cang uh tale, Izipt mitei lak a, ka hentikmi natnakte pa khatno hei thuak tukma uh ci. Keimah cu a damtiktu Topa ing,” ti hi.
27 Mah nungten ciktui sawm le pa nih le tuumkung sawm salih umnak Elim ah heng haw hi. Mah tui mawkah ngiahbuk bawl haw hi.